दिवाळीत पुण्यात कचऱ्याचा अक्षरश: ढिग; दररोज 200 टनांपर्यंत वाढ…

दिवाळी म्हटलं की, उजळलेले रस्ते, प्रकाशमय बाजारपेठा आणि पूजा-अर्चनेची धावपळ. पण या सणात फुले, पूजासाहित्य, फटाके आणि खरेदीमुळे शहरात कचऱ्याचाही ओघ वाढतो. यंदा दररोज तब्बल १५० ते २०० टनांनी कचरा वाढल्याचे महापालिकेच्या घनकचरा विभागाचे निरीक्षण आहे. दिवाळीच्या काळात दररोज २६०० टनांहून अधिक कचरा शहरातून संकलित करण्यात आला. स्वच्छ भारत अभियानांतर्गत सुरू असलेल्या स्वच्छता सर्वेक्षणात पुण्याने सक्रिय सहभाग घेतला आहे. त्यामुळे यंदा महापालिकेने विशेष स्वच्छता पथक नेमून शहरभर दिवस-रात्र काम केले. बाजारपेठांपासून गल्लीबोळापर्यंत प्रत्येक ठिकाणी साफसफाई झाली, ज्यामुळे नागरिकांना स्वच्छ आणि सुगंधी दिवाळीचा आनंद घेता आला.

दिवाळीपूर्वी नागरिक घराची स्वच्छता करताना जुन्या गाद्या, फर्निचर आणि इतर वस्तू टाकतात. या वस्तू अनेकदा रस्त्यावर किंवा नदीपात्रात जातात. यंदा महापालिकेने यासाठी स्वतंत्र मोहीम हाती घेऊन अशा जड वस्तू संकलित केल्या. दिवाळी काळातील कचरा संकलन (मेट्रिक टनांत) महापालिकेच्या माहितीनुसार, शहरात साधारणतः २५०० ते २६०० टन कचरा दररोज तयार होतो. दिवाळीत हे प्रमाण लक्षणीय वाढले असले तरी विशेष स्वच्छता पथकांनी वेळेत सर्व कचरा हटवून शहर स्वच्छ ठेवल्याचे उपायुक्त (घनकचरा व्यवस्थापन) संदीप कदम यांनी सांगितले.

शहरात साधारणतः २५०० ते २६०० टन कचरा दररोज तयार होतो. दिवाळीत हे प्रमाण लक्षणीय वाढले असले तरी विशेष स्वच्छता पथकांनी वेळेत सर्व कचरा हटवून शहर स्वच्छ ठेवले. दिवाळीच्या काळात विशेष नियोजन करून पथकांना क्षेत्रवार जबाबदाऱ्या दिल्या. त्यामुळे नागरिकांना यंदा स्वच्छ आणि सणासुदीचा आनंददायी अनुभव मिळाला.