गॅस एजन्सीचालक मस्त, ग्राहक मात्र त्रस्त! भर उन्हात तासनतास रांगेत उभे राहून गॅस मिळविण्याची वेळ

नांदेड शहरात गॅस टंचाईचे संकट अद्याप कायम असून नागरिकांना मोठ्या हालअपेष्टा सहन कराव्या लागत आहेत. मंगळवारी सकाळी महावीर गॅस एजन्सीवर ग्राहकांची प्रचंड गर्दी उसळल्याचे दिसून आले

Nanded Gas Shortage : नांदेड: आखाती देशांमध्ये युद्ध सुरु असल्यामुळे गॅस आणि तेलाचा प्रश्न निर्माण होत आहे. व्यावसायिक गॅसचा तुटवडा निर्माण झाला असून घरगुती गॅससाठी (LPG Gas) तासनतास रांगा लागल्या आहेत. ऑनलाईन बुकिंग सेवा देखील बंद झाली आहे. यामुळे ग्राहकांना मोठा त्रास सहन करावा लागत आहे. आखाती देशातील युद्धाचा फटका देशातील सामान्य कुटुंबांना बसला आहे. याचाच प्रत्यय नांदेडमध्ये (Nanded News) देखील दिसून येत आहे.

शहरात गॅस टंचाईचे संकट अद्याप कायम असून नागरिकांना मोठ्या हालअपेष्टा सहन कराव्या लागत आहेत. मंगळवारी सकाळी महावीर गॅस एजन्सीवर ग्राहकांची प्रचंड गर्दी उसळल्याचे दिसून आले. भर उन्हात तासनतास रांगेत उभे राहून गॅस मिळविण्याची वेळ ग्राहकांवर आली होती.

एजन्सीचे कार्यालय सकाळी ९.३० वाजता सुरू झाले असले तरी नागरिकांनी सकाळी ८ वाजल्यापासूनच रांगा लावण्यास सुरुवात केली होती. काही वेळातच ही रांग गांधी पुतळ्यापर्यंत पोहोचली. कडक उन्हामुळे लहान मुले, महिला आणि ज्येष्ठ नागरिकांचे हाल झाले. अनेकांनी डोक्यावर रुमाल ठेवून उन्हापासून बचाव करण्याचा प्रयत्न केला. दरम्यान, ग्राहकांना ३ ते ४ दिवस उशिराने गॅस मिळत असल्याने नाराजी वाढली आहे.

हे देखील वाचा : “एकनाथ शिंदेंचा पक्ष म्हणजे भाजपची अंगवस्त्र…; खासदार संजय राऊतांची खरपूस टीका

खासदार रवींद्र चव्हाण यांनी केली केंद्रीय रेल्वेमंत्र्यांकडे मागणी

लोकांनी पॅनिक होण्याची गरज नाही. पुढील तीन दिवस पुरेल एवढा स्टॉक उपलब्ध आहे. उद्या जिल्हाधिकारी साहेबांनी सर्व गॅस एजन्सी चालकांची बैठक बोलावली असून ग्राहकांना व्यवस्थित बोलणे, सावलीची व्यवस्था करण्याबाबत सूचना दिल्या जातील.

देतायेत उडावाउडवीची उत्तरे
‘आज मिळेल, उद्या मिळेल या आशेवर नागरिकांना वारंवार एजन्सीच्या फेऱ्या माराव्या लागत आहेत. विशेष म्हणजे, काही ग्राहकांनी उन्हापासून बचावासाठी एजन्सी कार्यालयात आसरा घेण्याचा प्रयत्न केला असता, कर्मचाऱ्यांनी त्यांना हुसकावून लावल्याचा आरोप आहे. काही कर्मचा-यांनी ग्राहकांशी उद्धट आणि अश्लील भाषेत संवाद साधल्याची तक्रारही नागरिकांनी केली. एका व्यक्तीने हा प्रकार मोबाईलमध्ये चित्रीत करण्याचा प्रयत्न केला असता, संबंधित कर्मचा-यांनी ‘व्हिडिओ लो, हमारा कुछ नहीं होता असे म्हणत उडवाउडवीची भूमिका घेतल्याचे सांगण्यात आले.

हे देखील वाचा : मराठा आरक्षणाचा एल्गार! जरांगे पाटलांची पुन्हा ‘चलो मुंबई’ची हाक; आंदोलनाचा नवा इशारा

नांदेडचे जिल्हा पुरवठा अधिकारी जगदीश बारदेवाड यांनी भूमिका मांडली. ते म्हणाले की, लोकांनी पॅनिक होण्याची गरज नाही. पुढील तीन दिवस पुरेल एवढा स्टॉक उपलब्ध आहे. उद्या जिल्हाधिकारी साहेबांनी सर्व गॅस एजन्सी चालकांची बैठक बोलावली असून ग्राहकांना व्यवस्थित बोलणे, सावलीची व्यवस्था करण्याबाबत सूचना दिल्या जातील, असे जगदीश बारदेवाड यांनी सांगितले आहे.