शस्त्रक्रियेनंतर १२ तासांत चालले आजोबा; जे.जे रुग्णालयात यशस्वी शस्त्रक्रिया, याआधीही झाली आहे बायोपोलर हेमीआर्थोप्लास्टी

तंत्रज्ञानातील आधुनिकतेमुळे , आधुनिक उपकरणांमुळे, साधन सामुग्रीतल्या सुसज्ज यंत्रणेमुळे व ही कौशल्ये आत्मसात करणाऱ्या प्रशिक्षित तज्ज्ञांमुळे शस्त्रक्रियेतली अचूकता वाढली आहे, धोकेही कमी झाले आहेत.

मुंबई : सांताक्रुझ (Santacruz) येथील ६९ वर्षीय सहव्याधीग्रस्त आजोबांनी (Grandpa) खुब्याच्या सांध्याच्या गुंतागुंतीच्या शस्त्रक्रियेनंतर अवघ्या १२ तासांत स्वतःच्या पायावर उभे राहिले (Walking In 12 Hours). पाच वर्षांपूर्वी जे.जे. रुग्णालयात (J J Hospital) बायोपोलर हेमीआर्थोप्लास्टी (Bipolar Hemiarthroplasty) झालेल्या या रुग्णाला पुन्हा पायाच्या उजव्या बाजूला खुब्याच्या ठिकाणी फ्रॅक्चर असल्याचे निदान झाले. जे.जे रुग्णालयाच्या डॉक्टरांनी जटील आणि गुंतागुतींची शस्त्रक्रिया यशस्वी पार पाडल्याने आता आजोबांची प्रकृती स्थिर असून त्यांना पुन्हा पूर्ववत आयुष्य जगता येत आहे.

या रुग्णबाबत जे जे रुग्णालयाच्या अस्थिव्यंगरोग विभागाचे प्रमुख , सह प्राध्यापक डॉ. नदिर शाह यांनी सांगितले, या रुग्णावर रिव्हीजन हिप रिप्लेंसमेंट शस्त्रक्रिया (Revision Hip Replacement Surgery) करण्यात आली. प्रत्येक शस्त्रक्रिया ही जशी फायदेशीर आहे, तसे त्यात काही अंशी धोके असतातच.

[read_also content=”निळ्या रंगाच्या दोन पंखांनी उर्फी जावेदची लाज राखली, व्हिडिओ पाहून नेटकरी म्हणाले- इस ड्रेस को क्या नाम दूं? https://www.navarashtra.com/viral/urfi-javed-uorfi-share-new-viral-video-amid-chitra-wagh-controversy-netizens-funny-reaction-is-dress-ko-kya-naam-doon-nrvb-361935.html”]

तंत्रज्ञानातील आधुनिकतेमुळे , आधुनिक उपकरणांमुळे, साधन सामुग्रीतल्या सुसज्ज यंत्रणेमुळे व ही कौशल्ये आत्मसात करणाऱ्या प्रशिक्षित तज्ज्ञांमुळे शस्त्रक्रियेतली अचूकता वाढली आहे, धोकेही कमी झाले आहेत. मात्र वैद्यकीय इतिहास असणाऱ्या रुग्णांवरही शस्त्रक्रियापूर्व तपासणी व योग्य काळजी घेऊन आता शस्त्रक्रिया यशस्वी होतात.

सहज-सुलभ हालचाली करता येतात, दैनंदिन स्वतःची कामे, प्रवास करता येतो. आयुष्य परावलंबित्व होऊन जगण्यापेक्षा वेदनांपासून मुक्त होऊन जगण्याचा पर्याय केव्हाही चांगला आहे. जे. जे रुग्णालयात नुकतचं रुग्णावर शस्त्रक्रिया करण्यात आली.

…अन् १२ तासांत चालले

रुग्णाला उच्चरक्तदाब आणि मधुमेहाची समस्या आहे. त्यामुळे अशा रुग्णांना या शस्त्रक्रिया करताना अधिक धोका असतो. मात्र या रुग्णाने शस्त्रक्रियेनंतर अवघ्या १२ तासांत उभ राहून चालण्याचा प्रयत्न केला, तो यशस्वीही झाला. वय, आजार यानुसार असणारे धोके लक्षात घेऊन योग्य काळजी घेत शस्त्रक्रिया केली, त्यामुळे रुग्णास वेदनांपासून मुक्ती मिळाली.

[read_also content=”लैच भयंकर! करवतीसारख्या धारदार शस्त्राने केले श्रद्धाच्या मृतदेहाचे तुकडे-तुकडे; एम्समध्ये झालं हाडांचं पोस्टमॉर्टम https://www.navarashtra.com/crime/shraddha-walkar-murder-case-update-bones-of-shraddha-postmatam-done-body-was-cut-with-saw-like-object-report-nrvb-361932.html”]

शस्त्रक्रिया अद्ययावत पद्धतीने

सहा वर्षांपूर्वी झालेल्या शस्त्रक्रियेत सिमेंटचा वापर करण्यात आला होता, यामुळे पाच वर्षांच्या कालावधीपर्यंत हालचाल सामान्य राहते. मात्र आता शस्त्रक्रियेची पद्धती अद्ययावत झाली आहेत. नव्याने झालेल्या शस्त्रक्रियेत सिमेंटचा वापर करण्यात आला नाही, मात्र तरीही वीस वर्षांपर्यंत खुब्याच्या सहाय्याने हालचालीस त्रास होत नाही.