Bandra Fort Alcohol Party : वांद्रे किल्ल्यावर तराट गॅंगची दारु पार्टी; परनावगी दिलीच कशी…? शिवसेना ठाकरे गट आक्रमक

ऐतिहासिक वांद्रे किल्ल्यावर दारुची पार्टी झाली असल्याचा धक्कादायक व्हिडिओ समोर आला आहे. ठाकरे गटाचे अखिल चित्रे यांनी आक्रमक भूमिका घेतली.

• ऐतिहासिक वांद्रे किल्ल्यावर दारु पार्टी
• ठाकरे गटाने व्हिडिओ आणला समोर
• अखिल चित्रे यांचा महाराष्ट्र सरकार, राज्य उत्पादन शुल्क विभागाला सवाल

Bandra Fort Alcohol Party : मुंबई : ऐतिहासिक स्थळांवर तळीराम लोकांची पार्टी आणि गोंधळ याचे व्हिडिओ समोर येत आहे. या स्थळांचे पावित्र्य राखण्यामध्ये अनेकदा चुका होतात. असाच काहीसा प्रकार हा वांद्रे किल्ल्यावर झाला आहे. वांद्रे किल्ल्यावरील धक्कादायक व्हि़डिओ शिवसेना ठाकरे गटाकडून समोर आणण्यात आला आहे. संरक्षित हेरिटेज स्थळांमध्ये असणाऱ्या वांद्रे किल्ल्यावर पार्टी करायला परवानगी दिलीच कशी असा संतप्त सवाल शिवसेना ठाकरे गटाने उपस्थित केला आहे. शिवसेना ठाकरे गटाचे नेते अखिल चित्रे यांनी महाराष्ट्र सरकार, राज्य उत्पादन शुल्क विभाग, तसेच मुंबई महानगरपालिकेवर थेट निशाणा साधत तीव्र प्रतिक्रिया दिली आहे.

अखिल चित्रे यांनी सोशल मीडियावर पोस्ट शेअर केली आहे. यामध्ये त्यांनी सरकारवर जोरदार निशाणा साधला आहे. शिवसेना ठाकरे गटाचे नेते अखिल चित्रे यांनी सोशल मीडिया पोस्ट केली आहे. यामध्ये त्यांनी व्हिडिओ शेअर करत लिहिल आहे की, महाराष्ट्रातील किल्ल्यांवर हे काय सुरु आहे? पोर्तुगीजांनी बांधलेल्या व नंतर ब्रिटिश आणि मराठा अशा साम्राज्यांच्या इतिहासाची साक्ष देणाऱ्या हेरिटेज वास्तू असलेल्या वांद्रे किल्ल्यावर दारूची पार्टी करण्यासाठी महाराष्ट्र सरकारचं राज्य उत्पादन शुल्क विभाग आणि महापालिका परवानगी देतंच कसं? आणि किल्ल्यावरील ह्या दारू पार्टीसाठी संयोजक कोण तर ‘महाराष्ट्र पर्यटन’ विभाग ? नक्की काय सुरु आहे ? कुठे आहेत स्थानिक आमदार आणि महाराष्ट्राचे so called ‘सांस्कृतिक मंत्री’ आशिष कुरेशी? असा प्रश्न अखिल चित्रे यांनी उपस्थित केला.

See more

महाराष्ट्रातील किल्ल्यांवर हे काय सुरु आहे? पोर्तुगीजांनी बांधलेल्या व नंतर ब्रिटिश आणि मराठा अशा साम्राज्यांच्या इतिहासाची साक्ष देणाऱ्या हेरिटेज वास्तू असलेल्या वांद्रे किल्ल्यावर दारूची पार्टी करण्यासाठी महाराष्ट्र सरकारचं राज्य उत्पादन शुल्क विभाग आणि @mybmc @mybmcWardHW… pic.twitter.com/pV1Urn0C6b — Akhil Chitre अखिल चित्रे (@akhil1485) November 16, 2025

राजकीय बातम्या वाचण्यासाठी क्लिक करा

सुरुवात राजधानी मुंबईतील उपेक्षित किल्ल्यांपासून करायची आणि बोभाटा झाला नाही तर ह्याच दारू पार्ट्यांचे उपद्व्याप महाराष्ट्रातील इतर किल्ल्यांवर करायचे… हेच भाजपा आणि त्यांच्या नोकरपक्षांचं ढोंगी हिंदुत्व अन् लबाड संस्कृती, असा टोला शिवसेना ठाकरे गटाचे नेते अखिल चित्रे यांनी लगावला आहे. हा व्हिडिओ स्थानिक रहिवाशांनी, रविवारी रात्री उशिरा, १६ नोव्हेंबरच्या मध्यरात्री काढलेला आहे. असे देखील अखिल चित्रे यांनी सांगितले.

महाराष्ट्रसंबंधित बातम्या वाचण्यासाठी क्लिक करा