‘शासनाच्या सर्व योजनांची अंमलबजावणी करा’; मुख्यमंत्री एकनाथ शिंदे यांचे निर्देश

उत्तर भारतीय संघाचे सामाजिक क्षेत्रात अनेक चांगले उपक्रम राबविले आहेत. सरकार नेहमीच तुमच्या सोबत राहील. अयोध्या हे आपल्या सर्वांसाठी पवित्रस्थळ आहे, तेथे आपल्या सर्वांसाठी महाराष्ट्र भवन बांधण्यात येणार आहे. उतर भारतीय संघाने महिला भगिनींसाठी चांगला उपक्रम आयोजित केला आहे.

भावांनाही मदत करण्यासाठी योजना

मुंबई : आमच्या शासनाने ज्या ज्या योजना जाहीर केल्या आहेत, त्यांची शंभर टक्के अंमलबजावणी सुरू आहे. आजच पुणे येथे मुख्यमंत्री लाडकी बहिण योजनेतंर्गत एक कोटीपेक्षा अधिक बहिणीच्या खात्यात रक्कम जमा झाल्याचे मुख्यमंत्री एकनाथ शिंदे यांनी सोमवारी सांगितले.

उत्तर भारतीय संघद्वारा आयोजित रक्षाबंधन निमित्ताने स्त्री शक्ति सम्मान सोहळा आणि पाच हजार बहिणींना साड्या भेट देण्याचा कार्यक्रम मुख्यमंत्री एकनाथ शिंदे यांच्या हस्ते झाला. त्यावेळी शिंदे बोलत होते. यावेळी आमदार प्रताप सरनाईक, उत्तर भारतीय संघाचे संतोष आरएन सिंह, उत्तर भारतीय संघाचे पदाधिकारी आणि महिला भगिनी मोठ्या संख्येने उपस्थित होत्या.

उत्तर भारतीय संघाचे सामाजिक क्षेत्रात अनेक चांगले उपक्रम राबविले आहेत. सरकार नेहमीच तुमच्या सोबत राहील. अयोध्या हे आपल्या सर्वांसाठी पवित्रस्थळ आहे, तेथे आपल्या सर्वांसाठी महाराष्ट्र भवन बांधण्यात येणार आहे. उतर भारतीय संघाने महिला भगिनींसाठी चांगला उपक्रम आयोजित केला आहे.

तसेच येथील महिला भगिनी मुख्यमंत्री लाडकी बहिण योजनेचा फॉर्म भरला नसेल तर 31 ऑगस्टपर्यंत सर्व भगिनींनी फॉर्म भरावा, असे आवाहनही यावेळी मुख्यमंत्री एकनाथ शिंदे यांनी केले.

यावेळी शिंदे म्हणाले, महिला भगिनींसाठी मुख्यमंत्री लाडकी बहिण योजना आणि मुख्यमंत्री अन्नपूर्णा योजनेच्या माध्यमातून वर्षाला तीन गॅस सिलिंडर मोफत देण्याचा निर्णय घेतला. भावालाही मदत करण्यासाठी मुख्यमंत्री युवा कार्य प्रशिक्षण योजना सुरू केली आहे.

महाराष्ट्र अग्रेसर राज्य बनविण्यासाठी प्रयत्नशील

सर्वांच्या जीवनात सुखाचे क्षण यावे यासाठी अनेक कल्याणकारी योजना राबविण्यात येत आहेत. राज्यात अनेक पायाभूत सुविधांची कामे मोठ्या प्रमाणात सुरू आहेत. महाराष्ट्र अग्रेसर राज्य बनविण्यासाठी प्रयत्नशील आहोत.