“ओढे, बंधारे, तलाव…”, आशुतोष काळे यांच्या पाटबंधारे विभागाच्या अधिकाऱ्यांना ‘या’ महत्वाच्या सूचना

Ahilyanagar News: जामखेडमध्ये राष्ट्रवादीचे बेमुदत उपोषण! निकृष्ट व नियमबाह्य प्रकल्पाला विरोध

पिण्याच्या पाण्याची अडचण दूर होणार

निळवंडे धरणातून सोडण्यात येणाऱ्या आवर्तनामुळे तळेगाव ब्रांचमार्गे सर्व लाभधारक गावांतील ओढे, गावतळे, पाझर तलाव आणि साठवण बंधारे पूर्ण क्षमतेने भरल्यास पिण्याच्या पाण्याची अडचण दूर होईल. तसेच भूजल पातळी वाढण्यास मदत होऊन भविष्यातील पाणीटंचाई टाळता येईल.

मागील काही दिवसांपासून तापमानात वाढ होत असल्याने उन्हाळ्यात पाणीटंचाई निर्माण होऊ नये, यासाठी वेळेवर उपाययोजना करणे गरजेचे असल्याचे आमदार काळे यांनी सांगितले. यासंदर्भात संबंधित अधिकाऱ्यांना तातडीने कार्यवाही करण्याचे निर्देश देण्यात आले आहेत.

Eknath Shinde: मुंबईला जागतिक दर्जाचं फिनटेक केंद्र बनवणार, एकनाथ शिंदे यांची मुंबईकरांना ग्वाही

शेतकऱ्यांनाही दिलासा

उन्हाची तीव्रता वाढत असताना जलसाठे पूर्ण भरल्यास नागरिकांसोबतच जनावरांच्या पाण्याची आणि चाऱ्याची समस्या देखील कमी होईल. तसेच भूजल पातळी वाढल्यामुळे शेतकऱ्यांना उन्हाळी चारा पिकांसाठी काही प्रमाणात पाणी उपलब्ध होण्यास मदत होणार आहे. त्यामुळे या भागातील शेतकरी व नागरिकांमध्ये समाधानाचे वातावरण आहे.

नागरिकांकडून आवर्तनाची मागणी होताच आमदार आशुतोष काळे यांच्या सूचनेनुसार पाणी सोडण्याची कार्यवाही करण्यात येत असल्याचेही सांगण्यात आले. लाभक्षेत्रातील सर्व साठवण तलाव, गावतळे आणि बंधारे काळजीपूर्वक व पूर्ण क्षमतेने भरून देण्याचे निर्देश आमदार काळे यांनी प्रशासनाला दिले आहेत.

संबंधित बातम्या