महिला पत्रकाराला शिवीगाळ प्रकरण; कल्याण कोर्टाच्या ‘या’ निर्णयामुळे वामन म्हात्रेंना कोणत्याही क्षणी अटक होणार

आज कल्याण कोर्टात वामन म्हात्रे यांच्या याचिकेवर सुनावणी पार पडली. यावेळेस दोन्ही बाजूंनी जोरदार युक्तिवाद करण्यात आला.

(फोटो- टीम नवराष्ट्र)

Follow Us:

Follow Us:

Badlapur Crime News: बदलापूर येथे चार वर्षांच्या मुलीवर अत्याचाराची दुर्दैवी घटना घडली. बदलापूर येथील एका शाळेत ही गंभीर घटना घडली. यानंतर या घटनेच्या विरुद्ध हजारो नागरिक रस्त्यावर उतरले होते. बदलापूर रेल्वे स्थानकात ८ ते ९ तास आंदोलकांनी ठिय्या आंदोलन केले होते. त्यावेळेस या घटनेचे वृत्तांकन करणाऱ्या महिला पत्रकाराबद्दल माजी नगराध्यक्ष वामन म्हात्रे यांनी आक्षेपार्ह भाष्य केले होते. महिला पत्रकाराबद्दल अपशब्द वापरले होते. यानंतर वामन म्हात्रे यांच्यावर गुन्हा दाखल करण्यात आला आहे.

महिला पत्रकारांशी असभ्य वर्तन केल्याच्या प्रकरणात माजी नगरसेवक वामन म्हात्रे यांच्यावर ॲट्रॉसिटीचा गुन्हा दाखल करण्यात आला. त्यानंतर अटकपूर्व जामिनासाठी हायकोर्टात याचिका दाखल केली होती. मात्र हायकोर्टाने याचिका फेटाळत कल्याण कोर्टात दाद मागण्यास सांगितले होते. दरम्यान त्यानंतर वामन म्हात्रे यांनी कल्याण कोर्टात अटकपूर्व जामिनासाठी अर्ज दाखल केला होता. मात्र कल्याण कोर्टाने देखील वामन म्हात्रे यांचा अर्ज फेटाळून लावला आहे.

हेही वाचा: Badlapur Crime News: महिला पत्रकाराला शिवीगाळ; हायकोर्टाच्या ‘या’ निर्णयानं वामन म्हात्रेंच्या अडचणी वाढणार

हायकोर्टापाठोपाठ, कल्याण कोर्टाने देखील या प्रकरणात माजी नगरसेवक वामन म्हात्रे यांचा अटकपूर्व जामिनाचा अर्ज फेटाळून लावला आहे. त्यामुळे त्यांना अटकेपासून कोणतेही संरक्षण मिळालेले नाही. बदलापूर घटनेबाबत चौकशी करण्यासाठी पोलीस त्यांना कधीही अटक करण्याची शक्यता आहे. यापूर्वी हे प्रकरण समोर आल्यानंतर त्यांनी कल्याण कोर्टात जामिनासाठी दाद मागितली. मात्र कल्याण कोर्टाने दिलासा न दिल्याने वामन म्हात्रे हे हायकोर्टात गेले. हायकोर्टाने याचिका फेटाळत पुन्हा कल्याण कोर्टात दाद मागण्यास सांगितले. मात्र आता कल्याण कोर्टाने देखील त्यांना कोणताही दिलासा दिलेला नाही.

आज कल्याण कोर्टात वामन म्हात्रे यांच्या याचिकेवर सुनावणी पार पडली. यावेळेस दोन्ही बाजूनी जोरदार युक्तिवाद करण्यात आला. मात्र अखेर सुनावणीनंतर कल्याण कोर्टाने म्हात्रे यांचा अटकपूर्व जामीन फेटाळून लावला आहे.

हेही वाचा: वामन म्हात्रेंची जीभ घसरली, महिला पत्रकाराला म्हणाले, तू अशा बातम्या देत आहेस, जणू तुझ्यावरच…

काय म्हणाले होते वामन म्हात्रे ?

तू अशा बातम्या देत आहेस, जणू तुझ्यावरच बलात्कार झाला आहे, अशा भाषेत बदलापूरचे माजी नगराध्यक्ष वामन म्हात्रे यांनी महिला पत्रकाराबाबत वक्तव्य केले. बदलापूर अत्याचार प्रकरणाचे वार्तांकन करणाऱ्या महिला पत्रकाराबाबत शिंदे गटाचे नेते वामन म्हात्रे यांनी शब्द वापरले आहेत. यामुळे सर्व पत्रकारांमधून तीव्र निषेध व्यक्त केला जात आहे.

Web Title: Kalyan court rejected pre arrest bail of vaman mhatre in controversial statement about female journalist

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com