New Khambatki Tunnel: खंबाटकी बोगदा चाचणीसाठी खुला; पुणे–सातारा प्रवास होणार अधिक जलद आणि सुरक्षित

नव्या बोगद्यात आधुनिक सुविधा देण्यात आल्या आहेत. यात सुधारित प्रकाशयोजना, सीसीटीव्ही निगराणी, रुंद मार्गिका, परावर्तक चिन्हे आणि आपत्कालीन व्यवस्था यांचा समावेश आहे.

• नवीन सहापदरी बोगद्यामुळे प्रवाशांचा किमान ३० मिनिटांचा वेळ वाचणार
• साडेआठ किलोमीटरचा वळणावळणाचा घाट रस्ता टाळता येणार
• गद्याचे सुमारे ८६ टक्के काम पूर्ण झाले असून सध्या चाचणी (Testing) सुरू

New Khambatki Tunnel: पुणे–बंगळुरू महामार्गावरील दुसरा खंबाटकी बोगदा चाचणीसाठी खुला करण्यात आला असून त्यामुळे पुणे–सातारा मार्गावरील प्रवाशांची वाहतूक अधिक सुखकर होणार आहे. लवकरच या बोगद्याचे उद्घाटन करण्यात येणार असल्याचे राष्ट्रीय महामार्ग प्राधिकरणाकडून (NHAI) स्पष्ट करण्यात आले आहे.

या बोगद्यामुळे खंबाटकी घाटातील धोकादायक वळणे, वारंवार होणारी वाहतूक कोंडी, अपघात आणि वाहनांचे नुकसान यापासून प्रवाशांची मोठी सुटका होणार आहे. सुमारे साडेआठ किलोमीटरचा घाटरस्ता टाळता येणार असून, नव्या सहापदरी बोगद्यामुळे पुणे–सातारा प्रवासात किमान अर्धा तास वाचणार आहे. त्यामुळे प्रवास अधिक सुरक्षित आणि गतिमान होईल.

Satara Census: साताऱ्यात आता पेपरलेस जनगणना! पहिल्या टप्प्यात १५ मे पर्यंत ‘स्व-नोंदणी’ करण्याची संधी

गेल्या काही वर्षांपासून खंबाटकी घाटातील वाहतूक सुरळीत करण्यासाठी या सहापदरी बोगद्याचे काम सुरू होते. आता बोगद्याचे सुमारे ८६ टक्के काम पूर्ण झाले असून, मे २०२६ मध्ये केंद्रीय रस्ते वाहतूक व महामार्ग मंत्री Nitin Gadkari यांच्या हस्ते उद्घाटन होण्याची शक्यता आहे.

नव्या बोगद्यात आधुनिक सुविधा देण्यात आल्या आहेत. यात सुधारित प्रकाशयोजना, सीसीटीव्ही निगराणी, रुंद मार्गिका, परावर्तक चिन्हे आणि आपत्कालीन व्यवस्था यांचा समावेश आहे. जुन्या बोगद्याच्या तुलनेत हा बोगदा अधिक रुंद आणि सुरक्षित असल्याचेही एनएचएआयने स्पष्ट केले आहे.

या प्रकल्पामुळे पुणे आणि सातारा दरम्यान स्थानिक रहिवासी तसेच पर्यटकांना मोठा फायदा होणार आहे. यापूर्वी हा घाट पार करण्यासाठी १५ ते २० मिनिटे लागत होती, मात्र आता बोगद्यातून हा प्रवास अवघ्या ५ ते १० मिनिटांत पूर्ण होणार आहे.

Satara News: अध्यक्षांची कागदपत्रे तक्रारदाराच्या हाती! डॉ. प्रिया शिंदेंच्या वकिलांचा विरोध अमान्य; १९ मे रोजी होणार पुढचा फैसला

खंबाटकी घाट हा मुंबई–पुणे–बंगळुरू कॉरिडॉरमधील महत्त्वाचा दुवा आहे. हा मार्ग सातारा, कोल्हापूर आणि बेळगाव या शहरांना जोडतो. तसेच पाचगणी, महाबळेश्वर, कास पठार यांसारख्या पर्यटनस्थळांसाठी आणि सज्जनगड, मांढरदेव, गोंदवले येथे जाणाऱ्या भाविकांसाठीही हा मार्ग महत्त्वाचा आहे.

नव्या बोगद्याची वैशिष्ट्ये

दोन स्वतंत्र सहापदरी बोगदे

प्रत्येकी तीन मार्गिका

प्रवासाचा वेळ १५ ते २५ मिनिटांनी कमी

इंधन वापर, वाहन देखभाल खर्च आणि झीज कमी

अपघाताचा धोका घटणार

पुणे–बेळगाव, पाचगणी–महाबळेश्वर तसेच स्थानिक वाहतूक व पर्यटनासाठी उपयुक्त