कोल्हापूर: छत्रपती शिवाजी महाराज, छत्रपती संभाजी महाराजांचा अवमान करून इतिहास अभ्यासक इंद्रजित सावंत यांना धमकी देणाऱ्या प्रशांत कोरटकरच्या जामीन अर्जावर सुनावणी पार पडली. आज जिल्हा न्यायालयाने जामीन अर्जावर दोन्ही बाजूचा युक्तिवाद ऐकून घेतला. मात्र पुढील सुनावणी नऊ एप्रिल रोजी ठेवण्यात आली आहे.
नेमकं प्रकरण काय?
छत्रपती शिवाजी महाराजांचा अवमान केल्याने महाराष्ट्रात संतापाची लाट पसरली आहे. छत्रपती शिवाजी महाराज, छत्रपती संभाजी महाराज यांच्याबद्दल आक्षेपार्ह वक्तव्य करून इतिहास संशोधक इंद्रजीत सावंत यांना त्याने धमकावलेही होते. याप्रकरणी प्रशांत कोरटकर याच्यावर जुना राजवाडा पोलीस ठाण्यात गुन्हा दाखल करण्यात आला होता. तसेच नागपूर येथेही त्याच्यावर गुन्हा दाखल करण्यात आला आहे. गुन्हा दाखल झाल्यानंतर त्याने अटकपूर्व जामीन मिळावा, यासाठी कोल्हापुरात प्रयत्न केला होता. दरम्यान, कोल्हापूर जिल्हा न्यायालयाने त्याला काही अंशी दिलासा दिला होता. मात्र, विविध संघटनांच्या दबाव यामुळे त्याचा अर्ज फेटाळण्यात आला. त्यानंतर त्याने मुंबई उच्च न्यायालयात जामीन अर्जासाठी प्रयत्न केले होते. त्याला तेलंगणामधून अटक करण्यात आली असून कोल्हापूर न्यायालयामध्ये दाखल करण्यात येत आहे. त्यापूर्वी त्याची वैद्यकीय तपासणी पूर्ण झाली आहे.
Prashant Koratkar: प्रशांत कोरटकरला कोल्हापूर कोर्टाचा दणका; जामिन अर्ज फेटाळला
परिणय फुके यांचा काँग्रेसवर गंभीर आरोप
छत्रपती शिवाजी महाराजांबाबत वादग्रस्त विधान केल्याप्रकरणी आणि इंद्रजित सावंत यांना धमकी दिल्यामुळे प्रशांत कोरटकर याच्या अडचणींमध्ये वाढ झाली आहे. कोल्हापूर कोर्टाकडून आधी त्याला अटकपूर्व जामीन मंजूर झाला होता. मात्र तो पोलिसांकडे कोणताही जबाब देण्यासाठी न आल्यामुळे त्याला अटक करण्याचे कोल्हापूर कोर्टाकडून आदेश देण्यात आले होते. कोल्हापूर पोलिसांनी प्रशांत कोरटकरला तेलंगणामधून ताब्यात घेतले आहे. मात्र तो कॉंग्रेस नेत्याच्या घरी लपून बसला असल्याचा गंभीर आरोप भाजप नेत्यांनी केला आहे.
इंद्रजित सावंत यांचे वकील असीम सरोदे यांनीही प्रशांत कोरटकर हे कोल्हापूर जिल्ह्यासह राज्यातील काही वरिष्ठ पोलिस अधिकाऱ्यांच्या संपर्कात असल्याचा दावा केला होता. पोलिस अधिकाऱ्यांच्या सल्ल्यानुसार कोरटकर यांनी त्यांच्या मोबाईल फोनमधील डेटा डिलीट केल्याचा आरोप सरोदे यांनी केला होता.
.png "Videos"){kind=small}
