मात्र दर वेळेला त्यांच्या मागण्यांना वाटण्याचा अक्षता लावल्या जातात, असा आरोप दिव्यांगांनी केला. निराधार अनुदान योजनेची 25 वर्षांची अट रद्द करणे, दिव्यांग योजनांसाठी उत्पन्न मर्यादा 50 हजार वरून 1 लाख रुपये करणे, दिव्यांगांच्या पेन्शनमध्ये पंधराशे, दोन, अडीच हजार रुपये वाढ करणे, अशा विविध मागण्या करूनही याबाबत अद्याप कोणतीही हालचाल झाली नाही.
यामुळे प्रदेशाध्यक्ष धर्मेंद्र पाटील, प्रदेश उपाध्यक्ष शिवाजी गाडे, दिव्यांग क्रांती संस्थेचे जिल्हाध्यक्ष प्रशांत बगळे, प्रदेश सचिव सुरेश मोकल यांच्यासह दिव्यांग बांधवांनी शुक्रवारी जिल्हाधिकारी कार्यालयाचे प्रवेशद्वार रोखत सातारा कोरेगाव रस्त्यावर बसकन मारली. दिव्यांग बांधवांनी सुरू केलेल्या आंदोलनामुळे या मार्गावरील वाहतूक बराच काळ ठप्प झाली होती. जिल्हा प्रशासनाच्या वतीने समाज कल्याण अधिकारी व जिल्हा प्रशासनाचे निवासी उपजिल्हाधिकारी नागेश पाटील यांनी स्वतः दिव्यांग बांधवांची समजूत काढत त्यांना योग्य ती कार्यवाही करण्याचे आश्वासन दिले.
जिल्हाधिकारी कार्यालय प्रवेशद्वार ते जिल्हा कोर्टापर्यंत वाहनांच्या रांगा लागल्या होत्या. काही दिव्यांग बांधवांनी शाहूपुरी पोलिसांचे कर्मचारी येताच थेट त्यांच्या पाया पडून आमच्या मागण्या तात्काळ मान्य कराव्यात अन्यथा आम्ही इथून हटणार नाही, अशी भूमिका घेतली. पोलिसांनी दिव्यांग बांधवांची समजूत घालण्याचा प्रयत्न केला. सुमारे अर्धा तास आंदोलन सुरू होते. पोलिसांनी यशस्वी शिष्टाई करून प्रशासनाच्या वरिष्ठ अधिकाऱ्यांशी त्यांची चर्चा घडवून आणली.
दिव्यांग बांधवांनी जिल्हा प्रशासनाच्या मागणीला सकारात्मक प्रतिसाद देत आंदोलनातून माघार घेतली. या संदर्भात जिल्हा प्रशासनाने दिव्यांग बांधवांच्या मागण्यांचे तत्काळ नियोजन करून त्याबाबत कार्यदिश काढावेत अन्यथा पुन्हा तीव्र आंदोलन करण्याचा इशारा प्रहार क्रांती संस्थेच्यावतीने देण्यात आला आहे.
Ans: प्रहार दिव्यांग क्रांती संस्थेच्या दिव्यांग बांधवांनी विविध शासकीय मागण्यांसाठी सातारा जिल्हाधिकारी कार्यालयाच्या प्रवेशद्वारासमोर आंदोलन केले.
Ans: दिव्यांगांच्या पेन्शनमध्ये वाढ, शासकीय अनुदानाचा निधी खर्च करण्याची परवानगी, निराधार योजनेतील 25 वर्षांची अट रद्द करणे आदी मागण्यांबाबत शासनाकडून कोणतीही ठोस कार्यवाही न झाल्याने आंदोलन करण्यात आले.
Ans: प्रदेशाध्यक्ष धर्मेंद्र पाटील, प्रदेश उपाध्यक्ष शिवाजी गाडे, जिल्हाध्यक्ष प्रशांत बगळे, प्रदेश सचिव सुरेश मोकल यांच्यासह अनेक दिव्यांग बांधव आंदोलनात सहभागी होते.
.png "Videos"){kind=small}
