File Photo : Death
वरूड : जीर्ण झालेली पाण्याची टाकी पाडत असताना अचानक ती कोसळली. त्याखाली दबून एका मजुराचा मृत्यू झाला. ही दुर्दैवी घटना बुधवारी (दि.4) वरूड तालुक्यातील वडाळा येथे घडली. आकाश नत्थुजी लोही (30, रा. मोर्शी) असे मृताचे नाव आहे.
हेदेखील वाचा : समंदर लौटकर आ गया है…; फडणवीसांनी मुख्यमंत्रिपदाची शपथ घेताच अमृता फडणवीसांची पहिली प्रतिक्रिया
तालुक्यातील वडाळा या गावात पाणीपुरवठा करण्यासाठी असलेली टाकी जीर्ण झाली होती. त्यामुळे काही दिवसांपूर्वी नवीन टाकी बांधण्यात आली. मात्र, जुनी टाकी पाडण्यात आली नव्हती. त्या ठिकाणी असलेली जुनी पाण्याची टाकी ही जीर्ण झाल्याने व त्यापासून अपघात होऊ नये म्हणून ती पाडण्याचे काम अमरावती येथील कंत्राटदारास देण्यात आले होते. त्यानुसार बुधवारी ही जीर्ण झालेली टाकी पाडण्याचे काम सुरू होते. त्यासाठी चार मजूर कामावर होते. त्यात आकाश हा आपल्या वडिलांसह काम करीत होता. त्यांनी टाकी पाडण्याचे काम सुरू केले.
टाकीच्या एका बाजूला व्हायब्रेटरच्या साहाय्याने पाडण्याचे काम सुरू असताना अचानक ती कोसळली. त्यात आकाशचा टाकीच्या मलब्याखाली दबून मृत्यू झाला. इतर तिघांना दुखापत झाली नाही. ही बातमी गावात पसरताच नागरिकांनी घटनास्थळी धाव घेतली. घटनेबाबत माहिती मिळताच बेनोडा शहीद पोलिसांनी घटनास्थळी पोहोचून पंचनामा केला व जेसीबीच्या साहाय्याने टाकीचा मलबा उचलून मृतदेह बाहेर काढला. त्यानंतर मृतदेहाला शवविच्छेदनासाठी ग्रामीण रुग्णालयात पाठविण्यात आले.
पुण्यात दागिन्यांची चोरी
दुसरीकडे, नवी पेठेत चोरट्यांनी बंगला फोडून चोरट्यांनी ४ लाख ८६ हजार रुपयांचे दागिने चोरून नेल्याची घटना घडली आहे. याप्रकरणी चोरट्यांवर पोलिसांनी गुन्हा दाखल केला आहे. याबाबत समीर सुधाकर देशमुख (वय ४६, रा. आनंद बंगला, लक्ष्मीकृपा सोसायटी, नवी पेठ) यांनी विश्रामबाग पोलीस ठाण्यात तक्रार दिली आहे.
हेदेखील वाचा : शिंदे 100 टक्के उपमुख्यमंत्रिपदाची शपथ घेणार…त्यांच्यात हिंमत आहे का? संजय राऊतांचा घणाघात
