Maharashtra Weather Forecast Today: कोकण आणि घाटमाथ्यावर मुसळधार!; विदर्भाला विजांच्या कडकडाटासह यलो अलर्ट

Maharashtra Weather : नाशिक, पुणे, सातारा आणि कोल्हापूर जिल्ह्यांच्या घाटमाथ्यावरही जोरदार पावसाचा अंदाज वर्तवण्यात आला असल्याने घाट परिसरातून प्रवास करणाऱ्या नागरिकांनी खबरदारी घ्यावी, असे आवाहनही प्रशासन आणि हवामान विभागाकडून करण्यात आले आहे.

• कोकण, ठाणे, रायगड, रत्नागिरी आणि सिंधुदुर्ग जिल्ह्यांत मुसळधार पावसाचा अंदाज.
• नाशिक, पुणे, सातारा आणि कोल्हापूरच्या घाट परिसरात मुसळधार पाऊस; प्रवाशांना सतर्कतेचा इशारा.
• विदर्भातील नागपूर, अमरावती, अकोला, बुलढाणा व भंडाऱ्यात पावसाचा जोर वाढणार.

Maharashtra Weather Forecast Today: राज्यभरातील काही ठिकाणी पावसाने विश्रांती घेतली असली तरी अनेक ठिकाणी श्रावण सरींचा जोर अद्यापही कायम आहे. हवामान विभागाने आज (14 ऑगस्ट) कोकण आणि घाटमाथ्यावर काही ठिकाणी जोरदार पावसाचा अंदाज वर्तवला आहे. कोकण, ठाणे, रायगड, रत्नागिरी आणि सिंधुदुर्ग जिल्ह्यांत मुसळधार पावसाचा इशारा देण्यात आला आहे.

हवामान विभागाने जारी केलेल्या अंदाजानुसार, नाशिक, पुणे, सातारा आणि कोल्हापूर जिल्ह्यांच्या घाटमाथ्यावरही जोरदार पावसाचा अंदाज वर्तवण्यात आला असल्याने घाट परिसरातून प्रवास करणाऱ्या नागरिकांनी खबरदारी घ्यावी, असे आवाहनही प्रशासन आणि हवामान विभागाकडून करण्यात आले आहे.

Mukhyamantri Saur Krushi Vahini Yojana: बारामती परिमंडळातील २ लाख शेतकऱ्यांना आता दिवसा मिळणार वीज

तर विदर्भातील काही जिल्ह्यांना विजांच्या कडकडाटासह वादळी पावसाची शक्यताही वर्तवण्यात आली आहे. विदर्भातील काही जिल्ह्यांना येलो अलर्ट देण्यात आला आहे. शनिवारी विदर्भातील सर्व जिल्ह्यांमध्ये काही ठिकाणी जोरदार पाऊस पडण्याची शक्यता आहे.

रविवारी बुलडाणा, अकोला, अमरावती, नागपूर आणि भंडारा जिल्ह्यांत काही ठिकाणी जोरदार पाऊस होण्याची शक्यता आहे. मराठवाडा, मध्य महाराष्ट्र आणि कोकणात मात्र हलक्या ते मध्यम स्वरूपाच्या सरी पडण्याचा अंदाज आहे.

सोमवारीही ढगाळ वातावरण कायम

सोमवारी राज्यात बहुतांश ठिकाणी ढगाळ वातावरण राहण्याची शक्यता असून, विविध भागांत हलक्या पावसाच्या सरी बरसण्याचा अंदाज हवामान विभागाने व्यक्त केला आहे. त्यामुळे पुढील तीन दिवस राज्यात पावसाची उघडीप आणि सरींचा खेळ सुरू राहण्याची शक्यता आहे.

मंदिरातच घडला दुहेरी हत्याकांडाचा थरार! पुजाऱ्याने अंकित-इसरारला मारून पुरले, नंतर तिथेच लावली धुनी

हवामान विभागाने (IMD) जाहीर केलेल्या पुढील दोन आठवड्यांच्या अंदाजानुसार, कोकणात सरासरीपेक्षा अधिक पाऊस पडण्याची शक्यता आहे. १३ ते २० ऑगस्ट या कालावधीत कोकण किनारपट्टीवर मान्सून सक्रिय राहण्याचा अंदाज असून, या काळात सरासरीपेक्षा अधिक पाऊस होण्याची शक्यता वर्तवण्यात आली आहे. त्यानंतर २० ते २७ ऑगस्ट या कालावधीतही कोकणात पावसाचे प्रमाण सरासरीपेक्षा अधिक राहण्याची शक्यता आहे.

मुंबई, उपनगरांत जोरदार सरींची शक्यता

कोकणातील सक्रिय मान्सूनचा परिणाम मुंबई आणि उपनगरांवरही होण्याची शक्यता आहे. त्यामुळे आगामी काळात मुंबईत पावसाच्या काही जोरदार सरी पाहायला मिळू शकतात. सांताक्रूझ येथील सप्टेंबरअखेरच्या सरासरी पावसाच्या प्रमाणाच्या तुलनेत यंदाच्या पावसाची स्थिती सुधारण्यासाठी आगामी पावसाचा फायदा होण्याची शक्यता आहे. त्यामुळे मुंबईकरांना पुढील काही दिवसांत पावसाच्या जोरदार सरींसाठी सज्ज राहावे लागणार आहे.