Mahayuti Internal Conflict: महायुतीत वादाची ठिणगी! चंद्रकांत रघुवंशींच्या टिकेमुळे भाजप-शिंदे गट आमनेसामने

Mahayuti Internal Conflict: महायुती म्हणून एकत्र निवडणुका लढवण्याऐवजी तिन्ही पक्षांचे स्थानिक नेते आपापल्या पक्षसंघटनेला बळ देण्यासाठी स्वबळावर ताकद आजमावण्याच्या पवित्र्यात आहेत. यामुळे जिल्ह्यात मैत्रीपूर्ण लढती ऐवजी तिरंगी किंवा चौकोनी संघर्ष होण्याची शक्यता बळावली आहे.

• चंद्रकांत रघुवंशींचा घणाघात
• कागदपत्रांतील त्रुटींमुळे अर्ज रद्द
• जिल्हा परिषद निवडणुकीत स्वबळाची तयारी

Mahayuti Internal Conflict: गेल्या काही महिन्यांपासून महायुतीतील भाजप आणि शिंदे गटात अंतर्गत वाद सुरु असल्याची चर्चा आहे. गेल्या आठवड्यात विधानपरिषदेच्या पाच पैकी केवळ दोन जागांवर महायुतीचे उमेदवार निवडून आले. तर तीन जागांवर महाविकास आघाडीचे उमेदवारांचा विजय झाला. पण या पराभवाचे खापर भाजपने शिंदे गटावर फोडले होते. हा वाद शांत होत नाही तोच भाजप आणि शिंदे गटात नव्या वादाची ठिणगी पडली आहे.

जिल्हा परिषद निवडणुकांपूर्वीच भाजप आणि शिंदे गट आमनेसामने आले आहेत. नंदूरबारमध्ये (Nandurbar) स्वीकृत नगरसेवकाच्या निवडीवरून शिवसेनेचे आमदार चंद्रकांत रघुवंशी यांनी केलेल्या वक्तव्यामुळे नवा वाद उफाळून आला आहे. ‘एक लाख १० हजार मतदारांमध्ये भाजपला एकही पात्र उमेदवार सापडला नाही,अशी टिका चंद्रकांत रघुवंशी यांनी केल्याने भाजप चांगलीच भडकली आहे.

NCP Politics: रुग्णालयातील भेटीगाठींचा राजकीय सस्पेन्स! वेळ घेऊनही सुनेत्रा पवारांची भेट का टळली?

नेमका काय आहे वाद?

नंदुरबारमध्ये एका स्वीकृत नगरसेवकाने राजीनामा दिल्यानतंर नव्या नियुक्तीची प्रक्रिया सुरु होती. पण कागदपत्रातील त्रुटींमुळे भाजपने दिलेल्या उमेदवाराचा अर्ज प्रांतिधिकाऱ्यांनी बा ठरवला. यावरून आमदार रघुवंशी यांनी भाजपवरच निशाणा साधला. नंदूरबार शहरात तब्बल 1 लाख 10 हजार मतदार असताना, भाजपला स्वीकृत नगरसेवकपदासाठी एकही लायक आणि पात्र माणूस मिळू नये, याची मला लाज वाटते. योग्य उमेदवार शोधण्यासाठी इतरांचे मार्गदर्शन घ्यायला पाहिजे होते. असा खोचक टोला रघुवंशी यांनी लगावला. रघुवंशी यांच्या याच टिकेवरून महायुतीत वाद उफाळून आला आहे.

जिल्हा परिषद निवडणुकीआधीच महायुतीत राजकीय फूट

नंदूरबार जिल्ह्यात आगामी जिल्हा परिषद निवडणुकीच्या (Zilla Parishad Election) पार्श्वभूमीवर महायुतीमधील तीनही प्रमुख पक्ष म्हणजेच भाजप, शिवसेना (शिंदे गट) आणि राष्ट्रवादी काँग्रेस (अजित पवार गट) यांनी स्वबळावर निवडणूक लढवण्याची तयारी दर्शवली आहे. या निवडणुकीपूर्वीच महायुतीतील घटक पक्षांनी एकमेकांविरोधात दंड थोपटल्यामुळे खान्देशातील राजकीय वर्तुळात जोरदार चर्चांना उधाण आले असून, निवडणुकीपूर्वीच राजकीय संघर्षाला तीव्र सुरुवात झाली आहे.

Chandrapur News: ११ वर्षे सेवा, तरी दिवाळीत वेतन नाहीच; चंद्रपूर मनपातील कर्मचाऱ्यांचा आंदोलनाचा निर्णय

महायुती म्हणून एकत्र निवडणुका लढवण्याऐवजी तिन्ही पक्षांचे स्थानिक नेते आपापल्या पक्षसंघटनेला बळ देण्यासाठी स्वबळावर ताकद आजमावण्याच्या पवित्र्यात आहेत. यामुळे जिल्ह्यात मैत्रीपूर्ण लढती ऐवजी तिरंगी किंवा चौकोनी संघर्ष होण्याची शक्यता बळावली आहे.

जिल्ह्यात मागील काळात पक्षाच्या माध्यमातून आणि शासनाच्या सहकार्याने झालेल्या विकासकामांच्या जोरावर आपण स्वबळावर बहुमत मिळवू असा ठाम विश्वास भाजपच्या स्थानिक नेत्यांकडून व्यक्त केला जात आहे. दुसरीकडे, शिवसेना आणि राष्ट्रवादीनेही आपल्या पारंपारिक मतदारसंघांवर पकड मजबूत करण्यासाठी स्वतंत्र रणनीती आखण्यास सुरुवात केली आहे.