शनिवार, 7 नोव्हेंबर 2026
रुग्णालयातील भेटीगाठींचा राजकीय सस्पेन्स! वेळ घेऊनही सुनेत्रा पवारांची भेट का टळली?
शरद पवार रुग्णालयात दाखल असताना अनेक राजकीय नेत्यांनी त्यांची भेट घेऊन प्रकृतीची विचारपूस केली. मात्र, उपमुख्यमंत्री सुनेत्रा पवार यांनी त्यांची भेट घेतली नसल्याची माहिती समोर आली आहे. उपमुख्यमंत्री कार्यालयाकडून शरद पवार यांच्या भेटीसाठी तीन वेळा वेळ मागण्यात आली होती. मात्र, अखेरपर्यंत ही भेट होऊ शकली नाही, असे बोलले जात आहे.
सुनेत्रा पवार यांनी भेट न घेतल्याने राजकीय वर्तुळात विविध तर्कवितर्क लावले जात आहेत. विशेष म्हणजे, शरद पवार यांचे नातू पार्थ पवार यांनीही रुग्णालयात जाऊन त्यांची भेट घेतली नसल्याचे सांगितले जात आहे. मात्र, पार्थ पवार आणि जय पवार यांनी फोनवरून आजोबांच्या प्रकृतीची विचारपूस केल्याची माहिती सूत्रांनी दिली आहे.
शरद पवार रुग्णालयात असताना अजित पवार गटाचे नेते प्रफुल्ल पटेलांनी रुग्णालयात जाऊन त्यांची भेट घेतली. या भेटीदरम्यान त्यांच्यात तब्बल दीड तास चर्चा झाली. या चर्चेदरम्यान शरद पवार यांनी प्रफुल्ल पटेलांना १० तारखेनंतर पुन्हा चर्चा करु, असं म्हटल्याचे वृत्त आहे. त्यामुळे या भेटीमागे नेमकी काय राजकीय चर्चा झाली, याबाबत उत्सुकता निर्माण झाली आहे.
Raigad News: अनेक महिन्यांची प्रतीक्षा संपणार! उरणमधील खोपटा पुलाचे काम अंतिम टप्प्यात, दिवाळीत सु
पटेल यांच्याशिवाय जयंत पाटील, संजय राऊत, जितेंद्र आव्हाड, सुशीलकुमार शिंदे आणि उद्योगपती गौतम अदानी यांनीही रुग्णालयात जाऊन शरद पवार यांची भेट घेतल्याची माहिती आहे. पंतप्रधान नरेंद्र मोदी, राहुल गांधी, प्रियंका गांधी आणि उद्धव ठाकरे यांनी फोन करून त्यांच्या प्रकृतीची विचारपूस केली होती.
दरम्यान, अजित पवार गटाचे प्रदेशाध्यक्ष सुनील तटकरे यांनी दोन्ही राष्ट्रवादी काँग्रेस पक्षांच्या विलिनीकरणाबाबत केलेल्या विधानामुळे राजकीय चर्चांना पुन्हा सुरुवात झाली आहे. अजित पवार यांनी विलिनीकरणाच्या संदर्भात बैठका घेतल्या होत्या आणि त्याबाबत आपल्याला कल्पना दिली होती, असे तटकरे यांनी म्हटले होते.
तटकरे यांच्या या विधानानंतर दोन्ही राष्ट्रवादी काँग्रेस पुन्हा एकत्र येणार का, याबाबत राजकीय वर्तुळात चर्चांना उधाण आले आह. याच पार्श्वभूमीवर सुनेत्रा पवार यांनी शरद पवार यांची भेट न घेतल्याचेही बोलले जात आहे.
दोन दिवसांच्या उपचारानंतर ते मुंबईतील सिल्व्हर ओक या निवासस्थानी परतले. पण सायंकाळी पुन्हा त्यांची प्रकृती बिघडल्याने त्यांना पुन्हा मुंबईतील ब्रीच कँडी रुग्णालयात दाखल करण्यात आले होते. आज पुन्हा दोन दिवसांच्या उपचारांनंतर आता त्यांना डिस्चार्ज देण्यात आला आहे. त्यांची प्रकृती स्थिर असल्याची माहिती आहे. दरम्यान, रुग्णालयातील भेटीगाठी आणि दोन्ही राष्ट्रवादींच्या विलिनीकरणाबाबत सुरू झालेल्या चर्चांमुळे आगामी काळात राज्याच्या राजकारणात कोणत्या घडामोडी घडतात, याकडे सर्वांचे लक्ष लागले आहे.
Ans: उपमुख्यमंत्री सुनेत्रा पवार यांच्या कार्यालयाकडून तीन वेळा शरद पवार यांच्या भेटीसाठी वेळ मागण्यात आली होती, परंतु अखेरपर्यंत ही भेट होऊ शकली नाही.
Ans: दोन दिवसांच्या उपचारांनंतर शरद पवार यांची प्रकृती स्थिर असल्याने त्यांना मुंबईतील ब्रीच कँडी रुग्णालयातून डिस्चार्ज देण्यात आला असून ते घरी परतले आहेत.
Ans: अजित पवार गटाचे नेते प्रफुल्ल पटेल यांनी रुग्णालयात शरद पवार यांची भेट घेतली असून त्यांच्यात तब्बल दीड तास राजकीय विषयांवर सविस्तर चर्चा झाली.
