23 Aug 2025 01:10 PM (IST)
दिल्लीहून अमृतसरला जाणारे एअर इंडियाचे विमान अचानक पायलटने टेकऑफ करण्यापूर्वी लँडिंग करण्यात आले. एअर इंडियाचे बोईंग ७८७ विमान उड्डाणाच्या काही सेकंद आधी का थांबवावे लागले याची अद्याप पुष्टी एअरलाइनने केलेली नाही.एअर इंडियाचे हे विमान धावपट्टीवर चढण्याच्या बेतात होते आणि अचानक पायलटने परतण्याचा निर्णय घेतला, त्यानंतर प्रवाशांमध्ये घबराटीचे वातावरण निर्माण झाले, आज आमचे प्राण वाचले आहेत.”, अशी प्रतिक्रिया एअर इंडियाच्या प्रवाशांकडून देण्यात आली.गेल्या काही दिवसांपासून एअर इंडियाच्या विमानांमध्ये समस्या दिसून येत आहेत.
23 Aug 2025 01:05 PM (IST)
अमेरिकेचे राष्ट्राध्यक्ष डोनाल्ड ट्रम्प हे जागतिक अर्थव्यवस्थेला हादरा देणारे पाऊल उचलण्यात आघाडीवर मानले जातात. त्यांनी भारतासह चीन, युरोप व इतर देशांवर लादलेले टॅरिफ्स (आयातीवरील शुल्क) जगभर चर्चेत राहिले. ट्रम्प यांचा दावा होता की या शुल्कामुळे अमेरिकन सरकारला प्रचंड महसूल मिळेल आणि त्यातून प्रचंड वाढलेली राजकोषीय तूट (deficit) व राष्ट्रीय कर्ज कमी करता येईल. आता अमेरिकन काँग्रेसनल बजेट ऑफिस (CBO) ने देखील अशाच अंदाजाला दुजोरा दिला आहे.
23 Aug 2025 12:40 PM (IST)
इंदापूर तालुक्यातील बाभूळगाव येथिल गायरानावरती अतिक्रमण काढण्यादरम्यान पोलीस आणि पारधी समाजात शाब्दीक चकमक उडाली आहे. त्यामुळे पोलिसांनीलाठीचार्ज केल्याची माहिती आहे. पारधी समाजाच्या महिला व लहान मुलांवर लाठीचार्ज केल्याचा आरोप होत आहे. पाच जणांवर गुन्हा दाखल करण्यात आला आहे.
23 Aug 2025 12:30 PM (IST)
उद्योगपती अनिल अंबानी यांच्या कार्यालय आणि घरावर ईडीने छापेमारी केल्यानंतर आता सीबीआयने अंबानी यांच्यावर छापेमारी सुरु केली आहे. आज अंबानी यांच्या अनेक ठिकाणी सीबीआयने छापेमारी केली.
23 Aug 2025 12:29 PM (IST)
मुंबईचा जोगेश्वरी परिसरात इमारतीच्या तळमजल्याला आग, जोगेश्वरीतील लालानी हेरिटेज पार्क इमारतीच्या तळमजल्यावर महापालिकेच्या माध्यमातून पार्किंग सुरू. पे अँड पार्किंग मध्येच आग लागल्यामुळे रहिवाशांचा उडाला गोंधळ, त्याच ठिकाणी काही वाहनांची देखील इलेक्ट्रिक चार्जिंग सुरू असताना आग लागली.
23 Aug 2025 11:46 AM (IST)
शिवसेनेचे नेते, मंत्री उदय सावंत यांनी राष्ट्रवादी कॉग्रेस शरदचंद्र पवार पक्षाचे सर्वेसर्वा शरद पवार यांची भेट घेतली. ही राजकीय भेट नव्हती, असे राऊत यांनी स्पष्ट केले आहे.
23 Aug 2025 10:57 AM (IST)
उत्तराखंडमधील चमोली येथे ढगफुटीची घटना समोर आली आहे. चमोलीच्या थरली येथे ढग फुटले आहेत. या घटनेत २ जण गाडले गेल्याचे वृत्त आहे. ही घटना रात्री १ वाजता घडली. मदत आणि बचाव कार्यासाठी एसडीआरएफची टीम घटनास्थळी रवाना झाली आहे. उत्तराखंडचे मुख्यमंत्री पुष्कर सिंह धामी यांनीही या घटनेवर दुःख व्यक्त केले आहे. चमोलीचे डीएम संदीप तिवारी म्हणाले की, काल रात्री थरली तहसीलमध्ये ढगफुटीमुळे बरेच नुकसान होण्याची शक्यता आहे. ढगफुटीमुळे बरेच ढिगारे आले आहेत, ज्यामुळे एसडीएम निवासस्थानासह अनेक घरे पूर्णपणे खराब झाली आहेत. एसडीएम निवासस्थानही चार फूट ढिगाऱ्याने भरले आहे.
23 Aug 2025 10:54 AM (IST)
व्हायरल व्हिडिओमध्ये तुम्ही पाहू शकता यात एक सिंह एका गावात एंट्री करून तिथे दोरीला बांधलेल्या पाळीव बकरीवर हल्ला करू पाहतो. पण असे करत असतानाच, तिथे आज्जीची एंट्री होते. आपल्या बकरीवर सिंह हल्ला करत आहे हे पाहून ती रागातच घराबाहेर येते आणि हातात असलेल्या भांड्याने सिंहाने डोकं फोडू लागते. ती सिंहाला अनेक शिव्याही देते. आज्जीचा राग इतका जबरदस्त असतो की सिंहही क्षणातच तिच्या रौद्र रुपाला घाबरतो आणि काहीही न करता गुपचूप तिकडून आपला पळ काढतो. सिंहासारख्या प्राण्यांना आज्जीने पळवून लावले हे पाहून युजर्स चांगलेच अचंबित झाले आहेत तर काही आज्जीच्या धाडसाचे मन भरून कौतुक करत आहेत.
23 Aug 2025 10:46 AM (IST)
अमेरिका-भारत संबंध मागील काही वर्षांत विविध तणावांनी व्यापले आहेत. व्यापार धोरणे, भू-राजकीय संघर्ष, पुरवठा साखळी सुरक्षा आणि तंत्रज्ञान क्षेत्रातील मतभेद या सर्वांचा परिणाम द्विपक्षीय संबंधांवर होत आहे. अशा वेळी सर्जियो गोर यांची नियुक्ती हे वॉशिंग्टनकडून दिलेले स्पष्ट संकेत आहेत नवी दिल्लीसोबत संवादाची नवी गती सुरू करणे हेच उद्दिष्ट आहे. व्हाईट हाऊस या निर्णयाकडे विश्वास पुनर्संचयित करण्याचा आणि धोरणात्मक भागीदारी दृढ करण्याचा प्रयत्न म्हणून पाहत आहे.
23 Aug 2025 10:31 AM (IST)
देशात सध्या उपराष्ट्रपती पदाच्या निवडणुकीच्या चर्चांना जोर आला आहे. एकीकडे भाजप प्रणित एनडीए आणि दुसरीकडे काँग्रेसच्या नेतृत्त्वाखालील इंडिया आघाडीने आपापले उमेदवार उपराष्ट्रपतीपदाच्या निवडणुकीत उतरवले आहेत. येत्या ९ सप्टेंबरला उपराष्ट्रपती पदाची निवडणूक होणार आहे. त्यासाठी नामांकन प्रक्रिया आणि छाननीच्या सर्व औपचारिकता पूर्ण झाल्या असून आता फक्त दोन उमेदवार निवडणूक रिंगणात उरले आहेत. एक म्हणजे एनडीएचे उमेदवार सी.पी. राधाकृष्णन आणि दुसरे म्हणजे इंडिया ब्लॉकचे संयुक्त उमेदवार बी सुदर्शन रेड्डी.
23 Aug 2025 10:21 AM (IST)
आता अशी चर्चा सुरू झाली आहे की, Tiktok चे भारतात पुनरागमन होणार आहे. ही चर्चा सुरू होण्यामागील कारण देखील तसेच आहे. 2020 मध्ये बंदी घातल्यानंतर आता पहिल्यांदाच Tiktok चे भारतात पुनरागमन होण्याची शक्यता वर्तवली जात आहे. त्यामुळे भारतातील टिकटॉक युजर्समध्ये एक अशा निर्माण झाली आहे.
23 Aug 2025 10:15 AM (IST)
राजस्थान म्हटले की तिथली चविष्ट आणि अनोखी स्ट्रीट फूड लगेच डोळ्यासमोर येते. त्यातीलच एक खास आणि पारंपरिक डिश म्हणजे कांजी वडे. उन्हाळ्यात किंवा सणासुदीच्या वेळी राजस्थानात हे खास करून खाल्ले जाते. कांजी म्हणजे मसाल्याच्या पाण्यात बनवलेले आंबट-तिखट सरबत आणि वडे म्हणजे डाळीचे तळून केलेले गोळे. हे पचायला हलके, चवीला आंबट-तिखट आणि तोंडाला लज्जत आणणारे असते. वाचा सविस्तर.
23 Aug 2025 10:10 AM (IST)
फेस स्क्रब करण्यासाठी टोमॅटोचे मधोमध दोन तुकडे करून घ्या. त्यानंतर त्यावर मुलतानी माती टाकून पसरवून घ्या. टोमॅटोने हलक्या हाताने संपूर्ण चेहऱ्यावर मसाज करून घ्या. त्यानंतर ५ मिनिटांनी त्वचा स्वच्छ करा. हा उपाय दोन किंवा तीन दिवस नियमित केल्यास त्वचेमधील घाण स्वच्छ होईल आणि चेहरा उजळदार दिसेल. त्वचेची खराब झालेली गुणवत्ता सुधारण्यासाठी टोमॅटोचा वापर अतिशय प्रभावी ठरेल. टोमॅटोमध्ये विटामिन सी आणि अँटीऑक्सिडंट्स गुणधर्म आढळून येतात, ज्यामुळे त्वचेचा रंग सुधारण्यास मदत होते.
23 Aug 2025 10:05 AM (IST)
काही लोक ड्रामेबाज असतात ओ… पण इतका ड्रामा तुम्ही आजवर कुठे पाहिला नसेल जितका या व्हिडिओत तुम्हाला दिसून येईल. व्हायरल होत असलेल्या या व्हिडिओमध्ये तुम्ही पाहू शकता यात दिसते की, रस्त्यावर एक बस थांबलेली दिसते. तिथे पोलिसांचे वाहन आणि काही इतर अनेक वाहनेही थांबल्याचे दिसते. एका मागून एक अनेक लोक यावेळी थांबून अवकाशात काही तरी बघत असतात आणि जेव्हा कॅमेरा त्या दिशेने वळवला जातो तेव्हा ते दृश्य पाहून सर्वच अवाक् होतात. वास्तविक, एक माणूस विजेच्या खांबाच्या अक्षरशः टोकावर चढून उभा असल्याचे यात दिसून येते. तो वर चढला आहे आणि अगदी काठावर उभा राहिला. हे दृश्य इतके अजब आणि धडकी भरवणारे होते की जो तो रस्त्यावर स्तब्ध होऊनच हे दृश्य पाहत होता.
23 Aug 2025 10:00 AM (IST)
तुम्ही देखील अँड्रॉईड स्मार्टफोन युजर आहात का? मग तुम्ही देखील गेल्या दोन दिवसांपासून नक्कीच वैतागला असेल. याचं कारण म्हणजे कॉल आणि डायलर सेटिंगमध्ये झालेला बदल. कोणत्याही अपडेटशिवाय कॉल आणि डायलर सेटिंग अचानक बदलली आहे. विवो, रेडमी, वनप्लस, पोको अशा अनेक स्मार्टफोन्समध्ये हा नवीन बदल पाहायला मिळत आहे. या नवीन बदलांमुळे अनेक स्मार्टफोन युजर्स वैतागले आहेत. या बदलाबाबत सोशल मीडियावर अनेक पोस्ट वायरल होत आहेत. सोशल मीडियावर या बदलाचे कारण विचारले जात आहे. मात्र अनेकांना बदलाबाबत माहिती नाही. फोनमध्ये झालेल्या बदलामुळे युजर्सच्या डोक्याला ताप झाला आहे. हा बदल का झाला आणि याचं कारण काय, तुम्ही तुमची स्मार्टफोन सेटिंग पहिल्यासारखी कशी करू शकता.
23 Aug 2025 09:55 AM (IST)
गोंदियामधून एक धक्कादायक प्रकार समोर आला आहे. गोंदियाच्या सडक- अर्जुनी तालुक्याच्या खजरी शेतशिवारात सापडलेल्या एका महिलेच्या हत्या प्रकरणाचा थरारक उलगडा झाल्याचं समोर आलं आहे. केवळ हत्याची नाही तर त्या मृत महिलेच्या ७ महिन्याच्या मुलाची विक्री करण्यामागील टोळीचा भांडाफोड करीत ७ आरोपींना अटक करण्यात पोलिसांना यश आले आहे. हा उलगडा गोंदियाच्या स्थानिक गुन्हे शाखेने केला आहे.
23 Aug 2025 09:50 AM (IST)
Kolhapur News: कोल्हापूरमधून धक्कादायक बातमी समोर आली आहे. शुक्रवारी ( २ ऑगस्ट) कोल्हापुरातील सिद्धार्थ नगर भागात संध्याकाळी दोन गटात झालेल्या किरकोळ वादाचे रूपांतर हिंसक संघर्षात झाले. ही घटना सर्किट बेंचपासून काही अंतरावर घडली. नमाजानंतर दोन्ही गटांमध्ये काही मुद्द्यावरून वाद झाला आणि काही क्षणातच वातावरण बिघडले. दगडफेकीत अनेक लोक जखमी झाले आणि अनेक वाहनांचे नुकसान झाले.
23 Aug 2025 09:50 AM (IST)
बॉलिवूड अभिनेता गोविंदा आणि त्यांची पत्नी सुनीता आहूजा यांच्यात पुन्हा एकदा दुराव्याच्या चर्चा रंगत आहेत. काही वृत्तांनुसार, सुनीता यांनी गोविंदापासून घटस्फोटासाठी मुंबईतील कौटुंबिक न्यायालयात याचिका दाखल केल्याची माहिती समोर आली आहे.या अफवांच्या पार्श्वभूमीवर सुनीता आहूजाने एका मुलाखतीत इमोशनल अपील केली आहे. “गोविंदाला जितकं मी ओळखते तितकं कुणीच ओळखू शकत नाही. त्याच्यावर माझ्यासारखं कुणी प्रेम करू शकणार नाही किंवा त्याला इतकं समजू शकणार नाही,” असं त्या म्हणाल्या. सुनीता यांनी हेही मान्य केलं की, त्यांना ९० च्या दशकातील सुपरस्टार गोविंदाची खूप आठवण येते. त्यांनी भावनिक शब्दांत म्हटलं, “जुना गोविंदा परत ये. माझा ची ची परत माझ्याकडे ये.”
23 Aug 2025 09:48 AM (IST)
महाराष्ट्र नवनिर्माण विद्यार्थी सेना अध्यक्ष अमित ठाकरे आज (२३ ऑगस्ट) भाजप नेते आणि मंत्री आशिष शेलार यांची भेट घेणार आहेत. विशेष म्हणजे, याआधी दोन दिवसांपूर्वीच मनसेप्रमुख राज ठाकरे यांनी मुख्यमंत्री देवेंद्र फडणवीस यांची भेट घेतली होती. राज ठाकरे यांच्या भेटीनंतर लगेचच अमित ठाकरे आशिष शेलारांना भेटणार असल्याने राज्यात राजकीय चर्चांना जोर आला आहे. मात्र या भेटीत नेमकी कोणती चर्चा होणार याबाबत अद्याप स्पष्ट माहिती मिळालेली नाही.
23 Aug 2025 09:45 AM (IST)
येवला : सध्या ऑनलाईन गेमची अनेकांना सवय लागली आहे. काहींना तर याचं एकप्रकारे व्यसनच लागले आहे. या ऑनलाईन गेमच्या अतिआहारी गेलेले अनेक तरुण आत्महत्या करत असल्याच्या घटना घडत असल्याचे दिसून येत आहे. आता याच पब्जीचे लोण ग्रामीण भागातही पसरल्याचे दिसून येत असून, पब्जीच्या या खेळाने एका तरुणाने आत्महत्या केल्याची घटना येवला तालुक्यातील देवळाणे येथे घडली.
23 Aug 2025 09:41 AM (IST)
कोल्हापूरमधून धक्कादायक बातमी समोर आली आहे. शुक्रवारी ( २ ऑगस्ट) कोल्हापुरातील सिद्धार्थ नगर भागात संध्याकाळी दोन गटात झालेल्या किरकोळ वादाचे रूपांतर हिंसक संघर्षात झाले. ही घटना सर्किट बेंचपासून काही अंतरावर घडली. नमाजानंतर दोन्ही गटांमध्ये काही मुद्द्यावरून वाद झाला आणि काही क्षणातच वातावरण बिघडले. दोन्ही गटांनी एकमेकांवर दगडफेक सुरू केली. या दगडफेकीत अनेक लोक जखमी झाले आणि अनेक वाहनांचे नुकसान झाल्याची माहिती समोर आली आहे.
23 Aug 2025 09:40 AM (IST)
भंडाऱ्यातून एक धक्कादायक प्रकार समोर आला आहे. एका अल्पवयीन मुलीवर वारंवार अत्याचार झाल्याची घटना समोर आली आहे. यात ती गर्भवती राहिल्याचं देखील समोर आलं आहे. या प्रकरणी पोलिसांनी १९ वर्षीय तरुणाला अटक केली आहे.
23 Aug 2025 09:35 AM (IST)
23 ऑगस्ट रोजी आज भारतात 24 कॅरेट सोन्याच्या प्रति ग्रॅमचा दर 10,052 रुपये, 22 कॅरेट सोन्याच्या प्रति ग्रॅमचा दर 9,214 रुपये आणि 18 कॅरेट सोन्याच्या प्रति ग्रॅमचा दर 7,539 रुपये आहे. 22 ऑगस्ट रोजी काल भारतात 24 कॅरेट सोन्याच्या प्रति ग्रॅमचा दर 10,076 रुपये, 22 कॅरेट सोन्याच्या प्रति ग्रॅमचा दर 9,231 रुपये आणि 18 कॅरेट सोन्याच्या प्रति ग्रॅमचा दर 7,553 रुपये होता.
23 Aug 2025 09:30 AM (IST)
वरवंड : दौंड तालुक्यातील शिरूर सुपा-अष्टविनायक महामार्गावर भीषण अपघात झाला. पडवी फाट्यावर खडी वाहतूक करणाऱ्या हायवाने दुचाकीवरून जाणाऱ्या पती-पत्नीला हायवाने मागील चाकाखाली चिरडले. यामध्ये पती कबाजी भीमाजी कोळपे (वय ५५) यांचा जागीच मृत्यू झाला. तर पत्नी अलका कबाजी कोळपे या खासगी रुग्णालयात उपचार घेत आहे.
23 Aug 2025 09:26 AM (IST)
बीड : एका सरकारी वकिलाने वडवणी न्यायालयात आत्महत्या केल्याची धक्कादायक घटना समोर आली आहे. आता या प्रकरणाला बीड जिल्ह्यात वेगळी कलाटणी मिळाली आहे. या प्रकरणात थेट न्यायाधीश रफिक शेख आणि एका कर्मचाऱ्यावर आत्महत्येस प्रवृत्त केल्याचा गुन्हा दाखल झाला आहे.
23 Aug 2025 08:55 AM (IST)
मराठा आरक्षणासाठी पुन्हा एकदा मनोज जरांगे पाटील यांनी आंदोलनाची हाक दिली आहे. मात्र आंदोलनाआधीच राज्य सरकारने महत्त्वाची हालचाल सुरू केली आहे. मराठा समाजासाठी स्थापन करण्यात आलेल्या मंत्रिमंडळ उपसमितीचं पुनर्गठन करण्यात आलं असून, या समितीच्या अध्यक्षपदी राधाकृष्ण विखे पाटील यांची नियुक्ती करण्यात आली आहे.
23 Aug 2025 08:51 AM (IST)
दादर येथील कबूतरखाना बंद करण्याचा आदेश मुंबई उच्च न्यायालयाने यापूर्वी दिला होता. कबुतरांच्या विष्ठेमुळे नागरिकांच्या आरोग्यावर गंभीर परिणाम होऊ शकतो, असा इशारा न्यायालयाने दिला होता. त्यानंतर महापालिकेने सार्वजनिक ठिकाणी कबुतरांना खाद्य घालण्यास बंदी लागू केली होती.
मात्र, या निर्णयाला जैन समाजाने तीव्र विरोध दर्शवला होता, त्यामुळे हा मुद्दा अधिक चिघळला होता. आता उच्च न्यायालयाच्या आदेशानुसार कबुतरांचा मानवी आरोग्यावर होणारा परिणाम अभ्यासण्यासाठी १३ सदस्यीय तज्ज्ञ समितीची स्थापना करण्यात आली आहे.
23 Aug 2025 08:49 AM (IST)
रिझर्व्ह बँक ऑफ इंडियाने (RBI) एटीएम संदर्भात महत्त्वाचा निर्णय घेतला आहे. एटीएममधून पैसे काढणे आणि जमा करण्याच्या (Cash Withdrawal व Cash Deposit) नियमांमध्ये बदल करण्यात आले आहेत. नवीन नियमानुसार ट्रान्झॅक्शन लिमिटमध्ये बदल होणार असून, ठरलेल्या मर्यादेपेक्षा जास्त व्यवहार केल्यास ग्राहकांना अतिरिक्त शुल्क भरावे लागणार आहे. त्यामुळे सर्वसामान्यांच्या खिशावर अधिक भार पडणार असून नागरिकांमध्ये नाराजी व्यक्त केली जात आहे.
Marathi Breaking news live updates: पुणे महापालिका निवडणुकीसाठी नवीन प्रभागरचना जाहीर करण्यात आली आहे. शहराच्या मध्यवर्ती भागात मोठे बदल टाळण्यात आले असून करवे, पर्वती, कोथरूड आणि शिवाजीनगर या विधानसभा मतदारसंघांतील प्रभागांची संख्या कमी होणार नाही, याची विशेष काळजी घेण्यात आली आहे.
उपनगरांमध्ये मात्र फेरबदल करण्यात आले असून प्रभाग मोठे झाल्याने नगरसेवकांची संख्या वाढण्यावर मर्यादा आली आहे. या बदलांचा फटका अजित पवारांच्या राष्ट्रवादी काँग्रेसला बसण्याची शक्यता वर्तवली जात आहे. दुसरीकडे, या प्रभागरचनेचा फायदा भाजप आणि शिंदे गटाला होईल, असा अंदाज व्यक्त केला जात आहे.
.png "Videos"){kind=small}
