Masur-Banwadi Phata Road : मसूर-बनवडीफाटा रस्त्याची खड्ड्यांमुळे चाळण; आठ दिवसांत दुरुस्ती करा, शिवसेनेचा इशारा

Masur-Banwadi Phata Road : सातारा जिल्ह्यातील मसूर ते बनवडीफाटा रस्त्यावर मोठ्या प्रमाणात खड्डे पडल्याने वाहनचालकांना त्रास सहन करावा लागत आहे. सार्वजनिक बांधकाम विभागाला कळवूनही दुरुस्ती होत नसल्याचा आरोप शिवसेना उद्धव बाळासाहेब ठाकरे पक्षाच्या कराड उत्तर पदाधिकाऱ्यांनी केला आहे.

• सार्वजनिक बांधकाम विभागाला कळवूनही दुर्लक्ष  
• Apple Sarkar या अधिकृत पोर्टलवर ऑनलाईन तक्रार नोंदवा  
• तक्रारीसोबत रस्ता आणि खड्ड्यांचे फोटो जोडा 

Masur-Banwadi Phata Road : मसूर ते बनवडीफाटा पर्यंतच्या रस्त्याची खड्ड्यांमुळे चाळण झाली आहे. रस्ता खड्ड्यात की, खड्डे रस्त्यात आहेत. हे सुद्धा वाहनधारकांना कळत नाही. त्यामुळे दुचाकी, चार चाकी, अवजड वाहने चालवताना वाहनधारकांना खूप मोठी कसरत करावी लागत आहे. जीव मुठीत धरून दुचाकीवाल्यांना वाहन चालवावे लागत आहे. खड्डे चुकवताना दिवसातून एक तरी अपघात होत आहे. यासंदर्भात सार्वजनिक बांधकाम विभागाच्या अधिकाऱ्यांना माहिती देण्यात आली आहे. बांधकाम विभागाने दुर्लक्ष केले आहे. अपघातात जीवीतहानी झाल्यास बांधकाम विभागाच्या अधिकाऱ्यासह ठेकेदारावर मनुष्यवादाचे गुन्हे दाखल करणार असल्याची माहिती शिवसेनेच्या उद्धव बाळासाहेब ठाकरे पक्षाच्या कराड उत्तरच्यावतीने देण्यात आली आहे.आठ दिवसात रस्त्यावरचे खड्डे भरा अशीही सूचना करण्यात आली आहे.

सार्वजनिक बांधकाम विभागाला कळवूनही दुर्लक्ष

मसूर ते बनवडी फाटा हा खंडाळा – शिरोळ राज्यमार्गावरचा महत्त्वपूर्ण मोठ्या रहदारीचा रस्ता आहे. कोरेगाव, खटाव तालुक्यातून वाहने या मार्गावर असतात. टोल चुकवणारी वाहनासह कारखान्याची ऊस वाहतूक या मार्गावर असते. वाहनातून प्रवास करणाऱ्या प्रवाशांना सुद्धा खड्ड्यांमुळे त्रास सहन करावा लागत आहे. त्यामुळे एखादा मोठा अपघात होण्याची शक्यता आहे. या खड्ड्यांमुळे वाहनांचे खूप मोठ्या प्रमाणात नुकसान होत आहे. रस्त्यावरची खड्डे बुजवण्यासंदर्भात सार्वजनिक बांधकाम विभागाला कळवूनही दुर्लक्ष करण्यात आले आहे.

Malvan: भरतीचा जोर, उसळत्या लाटा अन् जीवघेणा थरार! आचरा किनाऱ्यावर जवानांची शर्थीची झुंज

Apple Sarkar या अधिकृत पोर्टलवर ऑनलाईन तक्रार नोंदवा

महाराष्ट्र शासनाच्या Apple Sarkar या अधिकृत पोर्टलवर ऑनलाईन तक्रार नोंदवा. यामुळे तक्रारीचा ट्रॅकिंग आयडी मिळतो आणि अधिकाऱ्यांना ठराविक वेळेत उत्तर द्यावे लागते.स्त्यावरील खड्ड्यांचे फोटो, व्हिडिओ आणि वृत्तपत्रात आलेल्या या बातमीची कात्रणे (Clippings) संकलित करून ठेवा.. भविष्यात तीव्र आंदोलनासाठी किंवा न्यायालयीन प्रक्रियेसाठी हे पुरावे अत्यंत महत्त्वाचे ठरतील

तक्रारीसोबत रस्ता आणि खड्ड्यांचे फोटो जोडा

केवळ तोंडी सूचना न देता, सार्वजनिक बांधकाम विभागाच्या (PWD) स्थानिक उपअभियंता (Sub-Divisional Officer) किंवा कार्यकारी अभियंता (Executive Engineer) यांच्याकडे लेखी स्वरूपात तक्रार करा, तक्रारीसोबत रस्ता आणि खड्ड्यांचे फोटो जोडा.

मोठी बातमी ! राज्यात अनधिकृत बांधकामांची दस्तनोंदणी आता बंद; फ्लॅट खरेदीतील फसवणूक टळणार