मसूरच्या पांचूद तलावात मत्स्यबीज सोडण्याचा शुभारंभ; ग्रामीण महिलांच्या आर्थिक सक्षमीकरणाला मिळणार चालना

Panchund Lake Fish Farming Women Empowerment :मसूर येथील पांचूद तलावात मत्स्यबीज सोडण्याचा शुभारंभ करण्यात आला असून, मत्स्यपालनाच्या माध्यमातून ग्रामीण महिलांना नियमित उत्पन्नाचे साधन उपलब्ध होण्यास मदत होणार आहे.

• पांचूद तलावात मत्स्यपालनाला सुरुवात
• महिलांना मिळणार नियमित उत्पन्नाचे नवे साधन
• ग्रामीण महिलांचे आर्थिक सक्षमीकरण

मसूर :मत्स्यपालन ग्रामीण महिलांच्या आर्थिक सक्षमीकरणाला चालना देणारे ठरणार आहे. असे प्रतिपादन जिल्हा परिषद सदस्या विद्याताई वेताळ यांनी पाचुंद तलावात मत्स्यबीज सोडण्याचा शुभारंभ प्रसंगी बोलताना केले. यावेळी सरपंच अरुण जाधव, तालुका अभियान व्यवस्थापक निलेश पवार, प्रभाग समन्वयक ओंकार सावंत, कृषीसखी लक्ष्मी जाधव, प्रेरिका सविता मोहिते यांच्यासह महिला ग्रामसंघ व प्रभागसंघाच्या सदस्या, ग्रामस्थ उपस्थित होते.

आदरणीय पी डी पाटील यांनी शेतकऱ्यांच्या जीवनात आर्थिक परिवर्तन घडवले – बाळासाहेब पाटील

सौ. वेताळ म्हणाल्या मत्स्यपालनाच्या माध्यमातून महिलांना नियमित उत्पन्नाचे साधन उपलब्ध होण्यास मदत होणार आहे, महिला बचत गटांच्या माध्यमातून आर्थिक व्यवहार, उत्पादन, व्यवस्थापन आणि बाजारपेठेशी जोडणी यामध्ये महिलांचा सहभाग वाढण्यास हातभार लागणार आहे. त्यामुळे हा उपक्रम केवळ मत्स्यपालनापुरता मर्यादित न राहता ग्रामीण महिलांच्या आर्थिक सक्षमीकरणाला चालना देणारा ठरणार आहे.

महाराष्ट्र राज्य ग्रामीण जीवनोन्नती अभियान, तालुकास्तरीय अभियान व्यवस्थापन, पंचायत समिती कराड अंतर्गत कृष्णामाई महिला प्रभागसंघ, कोपर्डे हवेली संलग्न वाघजाई महिला ग्रामसंघ यांच्या माध्यमातून हा उपक्रम राबविण्यात येत आहे. स्थानिक जलस्रोताचा योग्य वापर करून महिलांना उत्पन्नाचे साधन उपलब्ध करून देण्याच्या उद्देशाने या मत्स्यपालन प्रकल्पाची सुरुवात करण्यात आली.यावेळी विद्याताई वेताळ यांनी तलावातील मत्स्यपालन उपक्रमाची पाहणी करून महिला ग्रामसंघाच्या सदस्यांशी संवाद साधला.

महिलांच्या सक्षमीकरणासाठी सदैव प्रयत्नशील

जिल्हा परिषद सदस्या, विद्याताई वेताळ म्हणाले की, “ग्रामीण भागातील महिलांना आर्थिकदृष्ट्या सक्षम करण्यासाठी स्वयंरोजगाराच्या अधिकाधिक संधी उपलब्ध होणे गरजेचे आहे. महिलांच्या नेतृत्वातून सुरू झालेले मत्स्यपालनासारखे उपक्रम निश्चितच प्रेरणादायी आहेत. अशा उपक्रमांना आवश्यक सहकार्य व मार्गदर्शन मिळवून देण्यासाठी व महिलांच्या आर्थिक सक्षमीकरणासाठी आपण सातत्याने प्रयत्नशील राहणार आहोत.”

अन्नातील भेसळीवर थेट वार! तुकाराम मुंढेंच्या कडक शिस्तीला पुण्याच्या गणेश मंडळांची अनोखी साथ