Jalgaon News: सेवेचा हात, आनंदाची साथ! (फोटो सौजन्य- सोशलमीडिया)
हा सगळा कार्यक्रम माऊली फाउंडेशन आणि अंजली हॉस्पिटल यांनी मिळून केला होता. माऊली फाउंडेशनचे अध्यक्ष मनोहर सूर्यवंशी यांचा 50 वा वाढदिवस होता म्हणून सकाळपासूनच विद्यार्थ्यासाठी हेल्थ चेकअप करण्यात आले होते. अंजली हॉस्पिटलचे डॉक्टर तेजस कोटेचा आणि त्यांची टीम तिथे आली होती. त्यांनी एकेका मुलाची तपासणी केली. कोणाला काही त्रास आहे का, औषध लागतंय का, कशी काळजी घ्यायची हे सगळं समजावून सांगितलं. डॉक्टरांनी खूप प्रेमाने मुलांशी गप्पा मारल्या.
तपासणी झाल्यावर सगळे शाळेच्या आवारात आले. तिथे वृक्षारोपण केलं. वेगवेगळी झाडं लावली गेली. यामागचा विचार एकच होता की झाडं आहेत तर आपण आहोत. फक्त झाड लावून झालं नाही, तर त्याला पाणी घालणं, त्याची काळजी घेणं हे पण आपलंच काम आहे, असं सगळ्यांनी तिथे सांगितलं. मुलांनी पण उत्साहात झाडं लावली.
Jalgaon News: बैलपोळ्याच्या उत्साहाने डॉ. उल्हास पाटील कृषि परिसर …
त्यानंतर मनोहर सूर्यवंशी यांचा वाढदिवसाचा केक कापण्यात आला. तिथे डॉक्टर, हॉस्पिटलचे कर्मचारी, पेशंट आणि त्यांचे नातेवाईक सगळे होते. पण खरी मजा पुढे होती.त्या विशेष मुलांसाठी खास स्नेहभोजन ठेवलं होतं. मुलांसोबत बसून केक कापला गेला. मुलं खूप खुश झाली. त्यांच्या चेहऱ्यावरचा आनंद बघण्यासारखा होता. सगळ्यांनी एकत्र बसून जेवण केलं. कोणी मोठा नाही, कोणी लहान नाही, सगळे एकाच पंक्तीत. त्या जेवणात जेवढी चव होती त्यापेक्षा जास्त आपुलकी होती.
Jalgaon Ganesh Visarjan 2026: गणेश विसर्जनासाठी मार्ग सज्ज! ९० …
गावातले मान्यवर पण आलेया कार्यक्रमाला गावातले बरेच लोक आले होते. युवराज सूर्यवंशी, संगीता जाधव, निवृत्त शिक्षिका जयश्री पूर्णपात्रे, उर्दू शाळेचे चेअरमन करीम खान, जाकीर कुरेशी, कन्या शाळेचे मुख्याध्यापक सुरेश रोकडे, एस. डी. पाटील आणि माऊली फाउंडेशन व अंजली हॉस्पिटलचे सगळे कार्यकर्ते तिथे हजर होते.खरं तर असा वाढदिवस सगळ्यांनीच साजरा केला पाहिजे. फक्त स्वतःसाठी नाही तर दुसऱ्याच्या चेहऱ्यावर हसू आणण्यासाठी. मनोहर सूर्यवंशी यांनी आपल्या 50 व्या वाढदिवसाला जो आदर्श ठेवला, तो खरंच सगळ्यांसाठी प्रेरणा देणारा आहे.
.png "Videos"){kind=small}
