Supriya Sule: ‘दादा, आजच्या दिवशी तुझं नसणं…’; भाऊबीजेनिमित्त सुप्रिया सुळेंची अजित दादांसाठी भावूक पोस्ट

Supriya Sule: यंदाची भाऊबीज ही सुप्रिया सुळे यांच्यासाठी वेदनादायी आहे. त्यांनी भाऊबीजेच्या दिवशी सुळे यांनी अजित दादांसाठी एक खास पोस्ट शेअर केली आहे.

• सुप्रिया सुळे यांनी अजित दादांसाठी केली खास पोस्ट 
• यंदाची भाऊबीज सुप्रिया सुळे यांच्यासाठी वेदनादायी 
• विमान दुर्घटनेत अजित पवारांचा दुर्दैवी मृत्यू 

Supriya Sule on Ajit Pawar: सध्या देशभरात दिवाळीचा उत्साह पाहायला मिळत आहे. सर्वत्र फटाके फोडले जात आहेत, फराळ केला जात आहे. मात्र यंदाची दिवाळी पवार कुटुंबासाठी उत्साहाची नसणार आहे. 28 जानेवारी रोजी राज्याचे उपमुख्यमंत्री आणि राष्ट्रवादी कॉँग्रेसचे नेते अजित पवार यांचा विमान अपघातात दुर्दैवी मृत्यू झाला होता. आज भाऊबीज आहे. मात्र यंदाची भाऊबीज ही सुप्रिया सुळे यांच्यासाठी वेदनादायी आहे. त्यांनी भाऊबीजेच्या दिवशी सुळे यांनी अजित दादांसाठी एक खास पोस्ट शेअर केली आहे.

सुप्रिया सुळे यांची पोस्ट काय?

दादा, तुझ्याशिवायची ही पहिली दिवाळी आणि पहिली भाऊबीज. दरवर्षी या दिवसाची आम्हा सगळ्या बहिणींना किती ओढ असायची! यंदा मात्र भाऊबीजेचा दिवस उजाडला आणि आपल्या असंख्य आठवणींनी मनात गर्दी केली. आपलं एकत्र येणं, गप्पा, हसणं… आम्हा बहिणींच्या घोळक्यात हरखून गेलेला तू आजही डोळ्यांसमोर उभा राहतोस.

दादा, तुझ्याशिवायची ही पहिली दिवाळी आणि पहिली भाऊबीज. दरवर्षी या दिवसाची आम्हा सगळ्या बहिणींना किती ओढ असायची! यंदा मात्र भाऊबीजेचा दिवस उजाडला आणि आपल्या असंख्य आठवणींनी मनात गर्दी केली. आपलं एकत्र येणं, गप्पा, हसणं… आम्हा बहिणींच्या घोळक्यात हरखून गेलेला तू आजही डोळ्यांसमोर उभा राहतोस. तेव्हा अगदी सहज वाटणारे ते क्षण आज किती मोलाचे वाटतात. दादा, आजच्या दिवशी तुझं नसणं मनाला चटका लावून जातं. आम्हा सगळ्या बहिणींना तुझी किती आठवण येतेय, हे शब्दांत सांगणंही कठीण आहे. तू आमच्या मनात कायम आहेस आणि कायम राहशील ❤️ — Supriya Sule (@supriya_sule) November 11, 2026

तेव्हा अगदी सहज वाटणारे ते क्षण आज किती मोलाचे वाटतात. दादा, आजच्या दिवशी तुझं नसणं मनाला चटका लावून जातं. आम्हा सगळ्या बहिणींना तुझी किती आठवण येतेय, हे शब्दांत सांगणंही कठीण आहे. तू आमच्या मनात कायम आहेस आणि कायम राहशील ❤️

Ajit Pawar Plane Crash : ‘अजित पवारांचा घातपात झाल्याचं मला वाटतं, एक दिवस बोलणार’; उमेश पाटलांचं मोठं वक्तव्य

अजितदादांच्या अपघाताबाबत 90 टक्के लोकांना घातपाताचा संशय?

दिवंगत उपमुख्यमंत्री अजित पवार यांच्या अपघाताचा मुद्दा पुन्हा एकदा चर्चेत आला आहे. या प्रकरणाचा तपास संथ गतीने सुरू असून तपास योग्य दिशेने होत नसल्याचा आरोप राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी केला आहे. एवढंच नाही, तर या प्रकरणासंदर्भात 15 नोव्हेंबरला महत्त्वाचं प्रेझेंटेशन करणार असल्याची माहितीही त्यांनी दिली.