मुंबई विमान सेवा १५ डिसेंबरपर्यंत बंद, अमरावती-मुंबईत दाट धुक्याचा परिणाम; प्रवासी झालेत हैराण

दाट धुक्यामुळे मुंबई विमान सेवा १५ डिसेंबरपर्यंत बंद करण्यात आली आहे. त्यानंतर उड्डाणे सुरू ठेवता येतील की नाही, हे पूर्णपणे हवामानातील सुधारणा यावर अवलंबून राहणार आहे.

• मुंबई विमान सेवा १५ डिसेंबरपर्यंत बंद
• अमरावती-मुंबईत दाट धुक्याचा परिणाम
• ३ नोव्हेंबरला अमरावती विमानतळावर दाट धुके

अमरावती : राज्यातील बदलत्या हवामानाचा परिणाम सातत्याने दिसून येत आहे. अनेक जिल्ह्यांमध्ये तापमानात घट झाल्याने थंडी वाढली आहे. सकाळी आणि सायंकाळी दाट धुके पसरते आहे. या धुक्यामुळे दृश्यमानता मोठ्या प्रमाणात कमी झाली असून त्याचा घंट परिणाम अमरावती-मुंबई विमान सेवेला झाला आहे. दाट धुक्यामुळे ही सेवा १५ डिसेंबरपर्यंत तात्पुरती बंद करण्यात आली आहे. त्यानंतर उड्डाणे सुरू ठेवता येतील की नाही, हे पूर्णपणे हवामानातील सुधारणा यावर अवलंबून राहील, असे अधिकाऱ्यांनी सांगितले. तब्बल १५ दिवसांहून अधिक काळ सेवा बंद असल्याने प्रवाशांमध्ये नाराजी वाढली आहे. ३ नोव्हेंबरला अमरावती विमानतळावर दाट धुके पडल्याने दृश्यमानता अत्यल्प झाली होती. त्यामुळे मुंबई-अमरावती-मुंबई उड्डाण रद्द करण्यात आले होते.

Indigo Flights Cancellations चा प्रवाशांना फटका; पुणे एअरपोर्टवरील ‘इतकी’ उड्डाणे रद्द

उड्डाणाच्या वेळेत बदल केल्यानंतर प्रथमच अशी रद्दबातल होत होती. अचानक फ्लाइट रद्द झाल्याने प्रवाशांना मोठ्या अडचणींचा सामना करावा लागला होता. २६ ऑक्टोबरपासून विमान कंपनीने अमरावती-मुंबई उड्डाणांच्या वेळेत फेरबदल केला आहे. ही सेवा आठवड्यातून ४ दिवस रविवार, सोमवार, बुधवार आणि शुक्रवार चालवली जाते. मुंब्यांहून सकाळी ७.३० वाजता. उड्डाण, अमरावतीत सकाळी ८.५० वाजता. आगमन, अमरावतीहून सकाळी ९.१५ वाजता. प्रस्थान व मुंबईत सकाळी १०.३० वाजता, आगमन यापूर्वी ही फ्लाइट सायंकाळी चालत होती. मात्र मुंबईत दिवसभराचे काम आटोपून परतू इच्छिणाऱ्या प्रवाशांच्या सोयीसाठी नवीन वेळ निश्चित करण्यात आला.

३ नोव्हेंबरच्या सकाळी अमरावती विमानतळावर धुके इतके दाट होते की, विमान उतरवणे शक्यच नव्हते. उशीर झाल्यास पुढील उड्डाणांवरही परिणाम झाला असता. त्यामुळे विमान मुंबईहून अमरावतीकडे पाठवलेच गेले नाही. त्यामुळे अमरावतीत प्रतीक्षा करणाऱ्या प्रवाशांना अचानक विमानतळावरून परतावे लागले. आता १५ डिसेंबरपर्यंत विमान सेवा बंद असल्याने प्रवासाची योजना आखणाऱ्या प्रवाशांची चिंता वाढली आहे. ज्यांनी आगाऊ बुकिंग केली होती त्यांना उड्डाण रद्द झाल्याचे संदेश पाठविले जात आहेत. त्यामुळे प्रवासी रेल्वे व रस्तेमार्ग यांसारखे पर्याय शोधत आहेत. सेवेमधील अनियमिततेमुळे नाराजीही वाढली आहे. हवामान पूर्णपणे सामान्य झाल्यानंतरच ही सेवा सुरळीत सुरू करता येईल, असे अधिकाऱ्यांचे म्हणणे आहे.

विमान प्राधिकरणाने लक्ष द्यावे

एप्रिलमध्ये सेवा सुरू झाल्यापासून पावसाळ्यानंतर सतत विविध कारणांनी उड्डाणांमध्ये अनियमितता दिसून येत आहे. खंडित सेवेबाबत देशाचे नागरी उहाण मंत्री मुरलीधर मोहोळ यांना माहिती देण्यात आली आहे, सरकार व विमान प्राधिकरणाने या बाबीकडे गाभीयनि लक्ष देणे गरजेचे आहे. – बळवंत वानखडे, खारसदार

IndiGo Flight Cancellations: सर्वोच्च न्यायालयात तातडीने सुनावणीची मागणी; १,००० हून अधिक उड्डाणे रद्द