सोमवार, 10 ऑगस्ट 2026
पालिकेचा कारभार पेपरलेस होणार! सर्व २३७ नगरसेवकांना मिळणार ॲपल कंपनीचे हायफाय टॅब
आशिया खंडातील सर्वात श्रीमंत महानगरपालिका म्हणून ओळखल्या जाणाऱ्या मुंबई महानगरपालिकेचा दैनंदिन कारभार आता अधिक गतीमान, आधुनिक आणि ‘कागदमुक्त’ पूर्णपणे होण्याच्या दिशेने वेगाने पावले टाकत आहे. पालिकेचा कारभार हायटेक करण्याच्या व्यापक मोहिमेअंतर्गत, पालिका सभागृह आणि विविध वैधानिक समित्यांच्या बैठकीतील विषयपत्रिका व प्रस्ताव आता कागदी ‘हार्ड कॉपी’ ऐवजी थेट डिजिटल स्वरूपात पीडीएफद्वारे नगरसेवकांना उपलब्ध करून दिले जाणार आहेत. या महत्त्वाकांक्षी योजनेसाठी मुंबई महापालिकेतील सर्व २३७ नगरसेवकांना येत्या महिनाभरात ॲपल कंपनीचे उच्च दर्जाचे ‘टॅब’ (आयपॅड) वाटप केले महापालिकेच्या माहिती तंत्रज्ञान विभागातील एका वरिष्ठ अधिकाऱ्याने दिली आहे. मुंबई महापालिकेत २२७जाणार असल्याची अधिकृत माहिती प्रत्यक्ष निवडून आलेले आणि १० नामनिर्देशित (स्वीकृत) सदस्य असे एकूण २३७ नगरसेवक आहेत.(फोटो सौजन्य – सोशल मीडिया)
निवृत्त कर्मचाऱ्यांना मोठा दिलासा! शेवटच्या वर्षातील वेतनवाढ नाकारणे चुकीचे; थकबाकी देण्याचे आदेश
तंत्रज्ञान विभागाच्या माध्यमातून ॲपल कंपनीचे टेंब खरेदी करण्याची प्रक्रिया सध्या अत्यंत वेगाने सुरू आहे. टेंब हाती आल्यानंतर नगरसेवकाना विविध विकासकामांचे प्रस्ताव, प्रशासकीय अहवाल, अर्थसंकल्पीय तरतुदी आणि पालिका बैठकींचे कामकाज एका क्लिकवर तत्काळ पाहता येईल. यामुळे नगरसेवकांना कोणत्याही विषयाचा सखोल अभ्यास करणे अधिक सोपे होईल, ज्याचा थेट फायदा पालिका सभागृहात अभ्यासपूर्ण चर्चा होण्यासाठी आणि शहराच्या विकासाशी संबंधित निर्णय वेगाने घेण्यासाठी होईल.
सध्याच्या प्रचलित पद्धतीनुसार सभागृहाच्या मासिक सभा, स्थायी समिती, शिक्षण समिती, सुधार समिती तसेच इतर विविध समित्यांच्या पटलावर येणाऱ्या विषयांचे अवाढव्य प्रस्ताव, अहवाल आणि विषयपत्रिका नगरसेवकांच्या थेट घरापर्यंत पोहोचवण्यासाठी पालिका प्रशासनाला मोठी यंत्रणा उभारावी लागते. कर्मचाऱ्यांना प्रत्यक्ष नगरसेवकांच्या, घरी पाठवून या कागदपत्रांची देवाणघेवाण करावी लागते. यामध्ये मोठ्या प्रमाणावर कागदाचा अपव्यय होतोच, शिवाय प्रशासकीय वेळ आणि मनुष्यबळही वाया जाते. नगरसेवकांना हायफाय टॅब उपलब्ध करून दिल्यानंतर प्रशासनावरील हा अतिरिक्त व्याप आणि ताण पूर्णपणे संपुष्टात येणार आहे.
हजारो शिक्षकांना मोठा दिलासा! तीन महिन्यांचा घरभाडे भत्ता फरक मिळणार; ३५ हजार कर्मचाऱ्यांना लाभ
पारंपरिक कागदी कारभाराला छेद देत डिजिटल युगाशी जुळवून घेणारा मुंबई पालिकेचा हा निर्णय अत्यंत क्रांतीकारक मानला जात आहे. या उपक्रमामुळे हजारो वृक्षांची कत्तल वाचून पर्यावरणाचे रक्षण होण्यास मदत होईल, तसेच महापालिकेच्या प्रशासकीय कामकाजात कमालीची पारदर्शकता आणि गती येईल. येत्या एका महिन्यात नगरसेवकांच्या हातात हे हायफाय टॅब दिसणार असून, पालिकेच्या या ‘हायटेक’ पावलाचे राजकीय आणि प्रशासकीय वर्तुळातून स्वागत केले जात आहे.
