मुंबईतील पहिल्या थीम पार्कची दुरवस्था, निविदा प्रक्रियेमुळे रखडले उद्यानाचे काम

मुंबईच्या पहिल्या थीम पार्कची सध्या दयनीय अवस्था झाली आहे. यासाठी नक्की कोणत्या प्रकारे पावलं उचलण्यात येणार आहेत. नागरिकांनीदेखील याबाबत भाष्य केले असून अधिक माहिती जाणून घ्या

• एकेकाळी पर्यटक आणि स्थानिकांमध्ये होता खूप लोकप्रिय 
• देखभालीअभावी दुरवस्था
• निवडणुकीपूर्वी काम सुरू होण्याची अपेक्षा

मुंबईः दादर आणि प्रभादेवी रेल्वे स्थानकांदरम्यान सेनापती बापट मार्गावर बांधलेला मुंबईचा पहिला थीम पार्क एकेकाळी पर्यटक आणि स्थानिकांमध्ये खूप लोकप्रिय होता. या उद्यानात भारत आणि परदेशातून आयात केलेल्या १७९ प्रजातींच्या वनस्पती पर्यटकांसाठी एक प्रमुख आकर्षण होत्या, परंतु देखभालीअभावी उद्यानाची आता दुरवस्था झाली आहे.

उद्यानाच्या अर्ध्या भागात दोन मोठ्या भूमिगत पाण्याच्या टाक्या बांधण्यात आल्या आहेत. २०२० मध्ये सुरू झालेल्या पाण्याच्या टाक्यांच्या बांधकामासाठी उद्यानाच्या अर्ध्या भागातील हिरवळ नष्ट करण्यात आली. आता भूमिगत पाण्याच्या टाक्यांवर निरुपयोगी झुडपे आणि गवत वाढले आहे. ही दुरवस्था बघवत नाही. त्यामुळे आता निवडणुकीपूर्वी याचे काम चालू होईल अशी आशा अनेकाना आहे. 

Best Protest: मुंबईकरांनो लक्ष द्या! १० नोव्हेंबरपासून ‘लाल परी’ थांबणार; बेस्ट कर्मचाऱ्यांनी दिला आंदोलनाचा इशारा

किती होता खर्च 

१० एकर जमिनीवर बांधण्यात आलेले पार्क

२६ कोटी रुपये आला होता खर्च

स्थानिक रहिवाशांनी सांगितले की, पावसाचे पाणी साठवण्यासाठी परळमधील हिंदमाताजवळ भूमिगत पाण्याची टाकी बांधण्यात आली होती. स्थानिक रहिवाशांनी बांधकामाला विरोध केला तेव्हा पालिका अधिकाऱ्यांनी पाण्याच्या टाक्यांच्या वर पार्क बांधण्याचा सल्ला दिला.

आता, स्थानिक रहिवासी पार्कच्या बांधकामात होणाऱ्या विलंबाबद्दल चिंतेत आहेत. पालिका उद्यान आणि वृक्ष प्राधिकरण अधिकाऱ्यांच्या मते, प्रमोद महाजन थीम पार्कच्या नूतनीकरणाची निविदा प्रक्रिया जवळजवळ पूर्ण झाली आहे. महापालिका निवडणुकीपूर्वी सुशोभीकरणाचे काम सुरू होईल.

BMC Construction Rules: ‘प्रदूषण सेन्सर बसवा, नाहीतर…’, मुंबई महापालिकेचा विकासकांना ३० दिवसांचा ‘अल्टिमेटम’

मुंबईतील पहिले थीम पार्क

दादरमधील मुंबईतील पहिले थीम पार्क असून आर्किटेक्चर कमिटीचे तत्कालीन अध्यक्ष चंद्रकांत पुगावकर यांच्या प्रयत्नांनी बांधण्यात आले. ब्रिटिश राजवटीत बांधलेल्या मुंबईतील सीवरेज ऑपरेशन टँकच्या जागेवर बांधलेल्या नव्याने बांधलेल्या थीम पार्कचे उद्घाटन मुख्यमंत्री देवेंद्र फडणवीस यांच्या हस्ते झाले. सुमारे १० एकर जमिनीवर बांधण्यात आलेल्या प्रमोद महाजन आर्ट पार्कला २६ कोटी रुपये खर्च आला होता.

पालिका उद्यान आणि वृक्ष प्राधिकरणच्या देखभाली अभावी या उद्यानाचे सौंदर्य बिघडले आहे. उद्यानातील अनेक भागात प्रकाशयोजनांचा अभाव आहे. त्यामुळे पर्यटकांमध्ये भीतीचे वातावरण निर्माण झाले आहे – आनंद यादव प्रमोद महाजन आर्ट पार्कमधील भूमिगत तलावाचे काम पूर्ण झाले आहे. आता बाग, खेळाचे मैदान आणि मुलांसाठी झुले बांधण्याचे काम लवकरच सुरू झाले पाहिजे – लालबहादूर शर्मा उद्यानाच्या बांधकामात आधुनिक पद्धतीचा विचार करण्यात आला उद्यानात लेसर शो आणि पर्यावरणीय चित्रपटांसाठी खोल्यादेखील बांधण्यात आल्या आहेत, परंतु आता ते निरुपयोगी ठरत आहेत – जितेंद्र कनोजिया