Anant Ambani Wedding : अनंत अंबानींच्या लग्नामुळे 12 ते 15 जुलैपर्यंत वाहतूक मार्गांत बदल, जाणून घ्या पर्यायी मार्ग

अनंत अंबानी आणि वीरेन मर्चंट यांची कन्या राधिका मर्चंट यांच्या १२ ते १५ जुलै दरम्यान होणाऱ्या लग्नापूर्वी शहरातील वाहतुकी मार्गात बदल करण्यात आले. शहरातील वाहतुकीमुळे कोणत्याही प्रकारची अडचण निर्माण होऊ नये वाहतुकीवर निर्बंध असणार आहे.

मुंबईत अनंत अंबानींच्या लग्नामुळे वाहतूक नियमावली जारी, 12 ते 15 जुलै दरम्यान या रस्त्यांवरील वाहतूक टाळा

Follow Us:

Follow Us:

Anant Ambani-Radhika Merchant wedding: आशियातील सर्वात श्रीमंत व्यक्ती मुकेश अंबानी यांचा धाकटा मुलगा अनंत अंबानी याचे मुंबईत 12 जुलै रोजी लग्न आहे. या विवाह सोहळ्यात जगभरातून व्हिव्हिआयपी येणार आहेत. त्यामुळे मुंबई वाहतूक पोलिसांनी 12 ते 15 जुलैपर्यंत मुंबईतील वाहतुकीत बदल करण्यात येणार आहे. हे वाहतूक निर्बंध बीकेसी कॅम्पसमध्ये १२ जुलै रोजी दुपारी १ ते १५ जुलैच्या मध्यरात्रीपर्यंत लागू असणार आहेत.

या मार्गात बदल

• लक्ष्मी टॉवर जंक्शन-धीरूभाई अंबानी स्क्वेअर एव्हेन्यू लेन 3-इंडियन ऑइल पेट्रोल पंप-डायमंड जंक्शन-हॉटेल ट्रायडेंटकडून कुर्ला एमटीएनएलकडे जाणाऱ्या वाहतुकीवर बंदी असेल. लग्नासाठी आमंत्रित केलेल्या पाहुण्यांच्या वाहनांनाच येथे परवानगी असेल.
• पर्याय म्हणून वन बीकेसीकडून येणारी वाहने लक्ष्मी टॉवर जंक्शन- डायमंड गेट क्रमांक ८- नाबार्ड जंक्शन येथून डावीकडे वळू शकतात. डायमंड जंक्शनपासून उजवीकडे वळून धीरूभाई अंबानी चौकातून बीकेसीकडे जाता येते.
• कुर्ला, एमटीएनएल जंक्शन, प्लॅटिना जंक्शन, डायमंड जंक्शन येथून धीरूभाई अंबानी चौकातील बीकेसी कनेक्टरकडे जाणाऱ्या वाहनांना प्रवेश बंदी असेल. येथे केवळ लग्नासाठी आमंत्रित केलेल्या लोकांचीच वाहने प्रवेश करू शकतील.
• पर्याय म्हणून कुर्ला, एमटीएनएल जंक्शन, प्लॅटिना जंक्शन, डायमंड जंक्शन येथून येणारे चालक नाबार्ड जंक्शन येथून डावीकडे वळतील आणि डायमंड गेट क्रमांक 8 मधून पुढे जातील. हे लक्ष्मी टॉवर जंक्शन येथून उजवीकडे वळून बीकेसीकडे जातील.
• भारत नगर, वन बीकेसी, वी वर्क्स, गोदरेज येथून येणारी वाहतूक जिओ कन्व्हेन्शन सेंटर गेट क्रमांक २३ वर प्रतिबंधित असेल. येथून वाहतूक यूएस कॉन्सुलेट, एमटीएनएल जंक्शनकडे जाईल.
• MTNL जंक्शनकडून येणारी वाहतूक यूएस कॉन्सुलेट, जिओ वर्ल्ड कन्व्हेन्शन सेंटर, बीकेसी कनेक्टरकडे जाताना सन टेक बिल्डिंग येथे प्रतिबंधित करण्यात आली आहे.
• अंबानी चौक ते लक्ष्मी टॉवर जंक्शनपर्यंतचा लतिका रस्ता वाहतुकीसाठी एकेरी करण्यात आला आहे.
• कौटिल्य भवन ते अमेरिकन वाणिज्य दूतावासापर्यंत अव्हेन्यू 3 रोडवर एकेरी वाहतूक सुविधाही असेल.

Web Title: Anant ambani radhika merchant wedding mumbai police issues traffic advisory from july 12 15

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com