अंगारकी संकष्टीच्या पार्श्वभूमीवर मुंबईत ट्रॅफिक अलर्ट; वरळीसह दादरमधील वाहतुकीत बदल

अंगारकी संकष्टी चतुर्थीच्या पार्श्वभूमीवर सिद्धिविनायक मंदिरात भाविकांची मोठी गर्दी होण्याची शक्यता आहे. गर्दीमुळे वाहतुकीवर परिणाम होऊ नये यासाठी मुंबई वाहतूक पोलिसांनी काही महत्त्वाचे बदल केले आहेत.

• सिद्धिविनायक मंदिर परिसरात भाविकांची मोठी गर्दी होण्याची शक्यता
• दादरमधील काही प्रमुख मार्गांवर वाहतुकीत तात्पुरते बदल
• गर्दी आणि वाहतूककोंडी नियंत्रणासाठी पोलिसांचा विशेष बंदोबस्त

मुंबईत वाहतूक विभागाने वरळी येथे डिसेंबरपर्यंत जी.एम. भोसले मार्ग, प्र.के. कुरणे चौक ते आचार्य अत्रे चौक मार्गावर सम-विषम पार्किंग सुरू केली आहे. तर अंगारकी संकष्टी चतुर्थीच्या पार्श्वभूमीवर दादर येथेही पाच ठिकाणी वाहतूक बदल केले आहेत. वरळी वाहतूक क्षेत्रातील जी.एम. भोसले हा मार्ग प्र.के. कुरणे चौक ते आचार्य अत्रे चौक (वरळी नाका) पर्यंत जोडणारा महत्त्वाचा मार्ग आहे.

Ganeshotsav 2026: अरे देवा! गणेशोत्सवातील DJ, लाऊडस्पीकर अन् ढोल-ताशांचा आवाज हायकोर्टात; नियमांच्या काटेकोर अंमलबजावणीची मागणी

या मार्गावरील वाहतूक नियमन करण्यासाठी आणि अस्ताव्यस्त पार्किंगवर नियंत्रण ठेवण्यासाठी २४ तास नो पार्किंग आणि तारखेनुसार सम-विषम पार्किंगबाबत तात्पुरत्या स्वरूपातील जारी करण्यात आली आहे. हा वाहतूक बदल २० सप्टेंबर रात्री १२ पासून १८ डिसेंबर रात्री १२ वाजेपर्यंत करण्यात आला आहे. जी.एस. भोसले मार्ग दक्षिण आणि उत्तर वाहिनीवर सम-विषम पार्किंग असणार असून हा तात्पुरता बदल सर्व वाहनांसाठी लागू असणार आहे.

भाविकांच्या प्रचंड गर्दीमुळे वाहतुकीवर पडतो ताण

• अंगारकी संकष्टी चतुर्थीच्या दिवशी दादर वाहतूक विभागातील स्वातंत्र्यवीर सावरकर मार्ग, एस. के. बोले रोड, गोखले रोड दक्षिण व उत्तर, काकासाहेब गाडगीळ मार्ग, सयानी रोड आणि अप्पासाहेब मराठे मार्ग या ठिकाणी भाविकांची मोठ्या प्रमाणात गर्दी होत असते. त्यामुळे वाहतुकीवर ताण पडतो.
• वाहतुकीचा ताण कमी करण्यासाठी २९ सप्टेंबरला ६ ते रात्री १२च्या दरम्यान वाहतूक बदल करण्यात आले आहेत.

डीएस ग्रुपच्या पल्स कँडीचा गणेश महोत्सवाचा उत्साह; ‘देश की पल्स से बना गणपती त्योहार’ मोहिमेला सुरुवात

मंदिर सिद्धिविनायक परिसरात होते गर्दी

• २९ सप्टेंबर रोजी अंगारकी संकष्टी चतुर्थी असल्याने श्री सिद्धिविनायक मंदिर व आसपासच्या परिसरात भाविकांची मोठ्या प्रमाणात गर्दी होण्याची शक्यता आहे.
• भाविकांच्या प्रभाव गर्दीचा वाहतुकीवर होऊन या परिसरात मोठ्या प्रमाणात वाहतूककोंडी होण्याची शक्यता आहे.
  याकरिता या परिसरातील मार्गावरील वाहतुकीचे नियमन करण्यासाठी वाहतूक पोलिसांनी पावले उचलली आहेत.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)