मोठी बातमी! भाजप आमदार मंदा म्हात्रेंना हृदयविकाराचा झटका, नवी मुंबईतील रुग्णालयात उपचार सुरु
मिळालेल्या माहितीनुसार, आमदार मंदा म्हात्रे यांना मध्यरात्री हृदयविकाराचा झटका आला. त्यांची प्रकृती खालावल्याने त्यांना तातडीने नवी मुंबईतील अपोलो रुग्णालयात दाखल करण्यात आले. डॉक्टरांनी त्यांची त्वरित तपासणी करून रात्रीच त्यांच्यावर शस्त्रक्रिया केली. सध्या त्यांची प्रकृती स्थिर असून, त्यांच्यावर वैद्यकीय देखरेखीखाली उपचार सुरू असल्याची माहिती त्यांचे पुत्र निलेश म्हात्रे यांनी दिली.
शस्त्रक्रियेदरम्यान आमदार मंदा म्हात्रे यांच्या शरीरात दोन स्टेंट बसवण्यात आल्या आहेत. शस्त्रक्रियेनंतर आमदार म्हात्रे यांची प्रकृती सध्या स्थिर असून ते वैद्यकीय देखरेखीखाली आहेत.
या अचानक घडलेल्या घटनेमुळे नवी मुंबईच्या राजकीय आणि सामाजिक वर्तुळात चिंतेचे वातावरण निर्माण झाले आहे. मंदा म्हात्रे या नवी मुंबईतील एक प्रभावी नेत्या म्हणून ओळखल्या जातात. त्या विधानसभेत बेलापूर मतदारसंघाचे प्रतिनिधित्व करतात आणि स्थानिक मुद्द्यांवर सातत्याने आवाज उठवणारे आमदार म्हणून त्यांची ख्याती आहे.
नवी मुंबईच्या मंदा म्हात्रे एक सक्रिय आणि प्रभावी नेत्या म्हणून ओळखल्या जातात. बेलापूर मतदारसंघातून त्या विधानसभेत प्रतिनिधित्व करत असून, स्थानिक प्रश्नांवर सातत्याने आवाज उठवणाऱ्या आमदार म्हणून त्यांची प्रतिमा आहे. विशेषतः पाणीपुरवठा, पायाभूत सुविधा, महिला सक्षमीकरण आणि मच्छीमार समुदायांशी संबंधित समस्यांवर लक्ष केंद्रित केले आहे.
महिला नेतृत्वाला बळ देण्याच्या दृष्टीनेही त्यांनी विविध उपक्रम राबविले आहेत. नवी मुंबईतील अनेक सामाजिक कार्यक्रम, सरकारी योजना आणि स्थानिक पातळीवरील विकास कामांमध्ये सक्रियपणे सहभागी झाल्या आहेत. त्यांनी विशेषतः बेलापूर आणि आसपासच्या परिसरातील नागरी सुविधा विकसित करण्याचा पुढाकार घेतला आहे.
म्हात्रे यांच्या प्रकृतीबद्दलची बातमी समजताच त्यांचे समर्थक आणि कार्यकर्ते रुग्णालयाबाहेर जमले. विविध सत्ताधारी पक्षांचे आणि सामाजिक संघटनांचे नेते त्यांच्या शीघ्र आरोग्यासाठी प्रार्थना केल्या जात आहे.
.png "Videos"){kind=small}
