बुधवार, 7 ऑक्टोबर 2026
दहावीच्या विद्यार्थ्यांनाही आता मिळणार पोषण आहार (संग्रहित फोटो)
सध्या आठवीपर्यंतच्या विद्यार्थ्यांना पोषण आहाराचा लाभ देण्यात येतो, त्याऐवजी दहावीपर्यंतच्या विद्यार्थ्यांना लाभ देण्याबाबतची व्यवहार्यता तपासून प्रस्ताव सादर करावा, असेही त्यांनी सांगितले. मुख्यमंत्री फडणवीस यांच्या अध्यक्षतेखाली सह्याद्री अतिथीगृह येथे प्रधानमंत्री पोषण शक्ती निर्माण योजनेची आढावा बैठक झाली. शालेय शिक्षणमंत्री दादा भुसे, महिला व बालविकास मंत्री आदिती तटकरे, राज्यमंत्री मेघना साकोरे बोर्डीकर आदी उपस्थित होते. मुख्यमंत्री देवेंद्र फडणवीस म्हणाले, आहाराचा दर्जा राखण्यासाठी शहरी भागाबरोबरच ज्या ग्रामीण भागांमध्ये केंद्रीय स्वयंपाकगृहाचा पर्याय व्यवहार्य ठरेल अशा ठिकाणी तो पर्याय स्वीकारावा.
दरम्यान, दुर्गम आणि आदिवासी भागातील शाळांपर्यंत केंद्रीय स्वयंपाकगृहातून अन्न पोहोचण्यास उशीर लागत असल्याने तेथे ग्रामपंचायतीच्या माध्यमातून इतर पर्याय स्वीकारावेत. केंद्रीय स्वयंपाकगृहाचा पर्याय राबवताना शाळांपर्यंत वेळेत आणि ताजा पोषण आहार पोहोचू शकतो का, याची स्थानिक स्तरावर तपासणी करावी, असे निर्देश मुख्यमंत्री फडणवीस यांनी दिले.
पात्रता पर्सेंटाईलवरून पुन्हा पेटला वाद
नीट पीजी २०२६ चा निकाल जाहीर करण्यात आला आहे. निकाल जाहीर झाल्यानंतर पात्रता पर्सेंटाईलबाबत पुन्हा एकदा चर्चा सुरू झाली आहे. नॅशनल बोर्ड ऑफ एक्झामिनेशन इन मेडिकल सायन्सेस (NBEMS) द्वारे जारी केलेल्या निकालानुसार, या वेळी २६३,५३५ उमेदवार पात्र ठरले आहेत. तर परीक्षा देणाऱ्या २५८ उमेदवारांचे गुण शून्य किंवा त्याहूनही कमी आले आहेत. सर्वात कमी गुण मिळवलेल्या उमेदवारांचे गुण -५९ असल्याचे आणि पर्सेंटाईल शून्य असल्याचे सांगण्यात आले आहे.
