मुंबई लोकलमध्ये संतापजनक प्रकार! पुरुष प्रवाशाची महिलेला बेल्टने मारहाण; सहप्रवासी मात्र बघ्याच्या भूमिकेत
Mumbai Local: ठाणे स्थानकावर महिलांच्या डब्यात सापाची अफवा; 12 मिनिटे लोकल ठप्प, प्रवाशांमध्ये घबराट
मिळालेल्या माहितीनुसार, संबंधित महिला जनरल डब्यातील एका सीटवर झोपली होती. याच कारणावरून त्याच डब्यातील एका पुरुष प्रवाशाशी वाद झाला. वादाचे रूपांतर मारहाणीत झाले आणि संबंधित व्यक्तीने महिलेला थपडा मारत अर्वाच्य भाषेत शिवीगाळ केली. एवढ्यावरच न थांबता त्याने कमरेचा बेल्ट काढून महिलेला मारण्याची धमकीही दिल्याचे व्हिडिओमध्ये दिसत आहे.
या संपूर्ण प्रकारादरम्यान डब्यात अनेक पुरुष प्रवासी उपस्थित होते. मात्र, कोणीही पुढे येऊन महिलेला मदत करण्याचा किंवा आरोपीला रोखण्याचा प्रयत्न केला नसल्याचे व्हिडिओत दिसून येत आहे. त्यामुळे सोशल मीडियावर केवळ आरोपीवरच नव्हे, तर बघ्याची भूमिका घेणाऱ्या सहप्रवाशांवरही टीका होत आहे.
सध्या हा व्हिडिओ मोठ्या प्रमाणावर व्हायरल होत असून नेमकी ही घटना कोणत्या लोकल ट्रेनमध्ये आणि कोणत्या मार्गावर घडली, याबाबत अधिकृत माहिती समोर आलेली नाही. मात्र, व्हिडिओच्या आधारे संबंधित आरोपीची ओळख पटवून त्याच्यावर कारवाई करण्यासाठी रेल्वे पोलीस तपास सुरू करण्याची शक्यता आहे.
गेल्या काही महिन्यांत मुंबई लोकलमध्ये प्रवाशांमधील वाद, हाणामाऱ्या आणि जीवघेण्या हल्ल्यांच्या घटना समोर आल्या आहेत. या नव्या घटनेमुळे लोकलमधील सुरक्षा, प्रवाशांची जबाबदारी आणि रेल्वे पोलिसांच्या गस्तीसंदर्भातील प्रश्न पुन्हा एकदा चर्चेत आले आहेत.
.png "Videos"){kind=small}
