मुंबईकरांसाठी आनंदाची बातमी! नरिमन पॉइंटवरून अवघ्या 35-40 मिनिटांत पोहोचणार विरार,काय आहे प्रकल्प?

मुंबईचा कोस्टल रोड विरारपर्यंत वाढवण्यात येणार असून नरिमन पॉइंट ते विरार हा प्रवास केवळ 35-40 मिनिटांचा होणार आहे. या विस्तारासाठी जपान सरकार 54,000 कोटी रुपयांची गुंतवणूक करणार आहे.

mumbai coastal road project : महाराष्ट्राचे उपमुख्यमंत्री देवेंद्र फडणवीस यांनी मुंबईतील निर्माणाधीन कोस्टल रोडच्या विस्ताराबाबत नवीन योजनांची माहिती दिली. मुंबईचा कोस्टल रोड नरिमन पॉइंट ते शेजारच्या पालघर जिल्ह्यातील विरारपर्यंत विस्तार होईल, अशी माहिती यावेळी उपमुख्यमंत्र्यांनी दिली. या महत्त्वाकांक्षी प्रकल्पाच्या पूर्ततेमुळे मुंबईकरांना नरिमन पॉइंट ते विरार हा प्रवास अवघ्या 35-40 मिनिटांत पूर्ण करता येणार आहे. या नवीन कोस्टल रोडच्या बांधकामामुळे लोकांना दिलासा मिळणार असून प्रवासाचा वेळ लक्षणीयरीत्या कमी होणार आहे.

यावेळी उपमुख्यमंत्री देवेंद्र फडणवीस यांनी निवेदनात नमूद करताना म्हटलं की, कोस्टल रोडच्या विस्तारासाठी जपान सरकार निधी देणार आहे. यामध्ये 54,000 कोटी रुपयांची गुंतवणूक होणार आहे. वर्सोवा ते मड लिंक या कोस्टर रस्त्याचे टेंडर आधीच काढण्यात यावे. मढ ते उत्तन दरम्यान कोस्टल रोडचे काम लवकरच सुरू होणार असल्याचे त्यांनी सांगितले.

हे सुद्धा वाचा: दादरच्या शिवाजी पार्कमध्ये पंतप्रधानांची सभा; मुंबईत ट्रॅफिक अलर्ट, महत्त्वाचे मार्ग बंद

कोस्टल रोड प्रकल्प ज्यावर काम केले जात आहे तो 8 लेनचा, 29.2 किमीचा एक्स्प्रेस वे आहे. जो मुंबईच्या पश्चिम किनाऱ्यावर विस्तारलेला आहे. हे दक्षिणेकडील मरीन लाइन्सला उत्तरेकडील कांदिवलीशी जोडते. प्रिन्सेस स्ट्रीट फ्लायओव्हरपासून वांद्रे-वरळी सी लिंकच्या वरळीच्या टोकापर्यंत 10.58 किमी अंतराच्या प्रकल्पाच्या पहिल्या टप्प्याचे उद्घाटन 11 मार्च 2024 रोजी करण्यात आले.

फुल कोस्टल रोडचा विस्तार पूर्ण झाल्यामुळे मुंबई मेट्रोपॉलिटन रिजन (एमएमआर) मधील कनेक्टिव्हिटी सुधारेल आणि दररोज लाखो प्रवाशांना फायदा होईल यावर फडणवीस यांनी भर दिला. या प्रकल्पामुळे प्रदेशाच्या पायाभूत सुविधांना चालना मिळेल आणि त्याच्या सर्वांगीण आर्थिक विकासाला हातभार लागेल अशी अपेक्षा आहे.

8 लेन कोस्टल रोड

मढ ते उत्तन लिंकचे काम आता सुरू होत आहे. कोस्टल रोड हा मुंबईच्या पश्चिम किनाऱ्यावरील 8-लेन, 29.2 किमी लांबीचा वेगळा एक्स्प्रेस वे आहे जो दक्षिणेकडील मरीन लाइन्स ते उत्तरेकडील कांदिवलीला जोडतो. त्याचा पहिला टप्पा, 11 मार्च 2024 रोजी उद्घाटन होणार आहे, हा प्रिन्सेस स्ट्रीट फ्लायओव्हर ते वांद्रे-वरळी सी लिंकच्या वरळीच्या टोकापर्यंत 10.58 किमीचा आहे.

10 किमी लांबीचा रस्ता आतापर्यंत खुला

महाराष्ट्राचे मुख्यमंत्री एकनाथ शिंदे यांनी 11 मार्च रोजी दक्षिण मुंबईतील वरळी आणि मरीन ड्राइव्ह दरम्यानच्या कोस्टल रोडच्या पहिल्या टप्प्याचे उद्घाटन करण्यात आले. पहिल्या टप्प्यात 12 मार्च रोजी 10.5 किमी लांबीचा रस्ता वाहतुकीसाठी खुला करण्यात आला. या महत्त्वाकांक्षी प्रकल्पाचे काम 13 ऑक्टोबर 2018 रोजी सुरू झाले आणि त्याचा अंदाजे खर्च 12,721 कोटी रुपये आहे. पहिल्या दिवशी 16,000 हून अधिक वाहनांनी रस्त्याचा वापर केला.

वांद्रे ते विरारला जोडणाऱ्या सी लिंकला एमएमआरडीएने मंजुरी दिली आहे. कोस्टल रोड वसई-विरारपर्यंत वाढवायचा आहे. वर्सोवा-विरार सी लिंक एमएमआरडीएकडून बांधण्यात येत आहे. अंदाजे 63000 कोटी रुपये खर्चून 43 किमी उन्नत रस्ता बांधण्यात येणार आहे.

हे सुद्धा वाचा: एकनाथ शिंदेंचा ताफा जात असतानाच मुंबईत घडलं असं काही की…