Nagpur News : श्रुतीला राष्ट्रकुल तलवारबाजी स्पर्धेत सुवर्ण ; नागपुरात आनंदी आनंद !

Nagpur News : नागपूरच्या श्रुती जोशी हिने नायजेरियातील लागोस येथे झालेल्या राष्ट्रकुल तलवारबाजी स्पर्धेत उल्लेखनीय कामगिरी करत सांघिक अजिंक्यपद स्पर्धेत सुवर्णपदक आणि वैयक्तिक गटात कांस्यपदक जिंकले.

• सांघिक स्पर्धेत भारताचे प्रतिनिधित्व करीत पटकावले पदक
• वडील खासगी वाहनचालक

Nagpur News :  गेल्या महिन्यात जागतिक तलवारबाजी स्पर्धेत भारताचे प्रतिनिधित्व करणारी नागपूरची पहिली फेंसर ठरलेल्या श्रुतीने आंतरराष्ट्रीय स्तरावरील पहिले वैयक्तिक कांस्यपदक जिंकल्यानंतर अवघ्या दोन दिवसांत महिला सेबर सांघिक प्रकारात सुवर्णपदकाची भर घातली. सांधिक अंतिम सामन्यात भारतीय संघाने इंग्लंडचा ४५-३५ असा पराभव केला.

Nagpur News : आईने अडवले होते,पण त्यानेच उघडले मृत्यूचे दार !

सांघिक स्पर्धेत भारताचे प्रतिनिधित्व करीत पटकावले पदक

इतवारी येथील २३ वर्षीय श्रुतीने महिला सांधिक प्रकारातील उपांत्य आणि अंतिम फेरीत उल्लेखनीय खेळ केला. वरिष्ठ आणि २३ वर्षांखालील गटातील या स्पर्धेच्या चौथ्या दिवशी भारतीय तलवारबाजांनी एकूण १७ वे सुवर्णपदक जिंकले,
आंतरराष्ट्रीय स्तरावरील पहिले पदक जिंकल्याचा आनंद श्रुतीने व्यक्त केला. अंकित गजभिए यांच्या मार्गदर्शनाखाली मानकापूर स्टेडियममध्ये तिने तलवारबाजीचे प्राथमिक प्रशिक्षण घेतले. यावर्षी फेब्रुवारीमध्ये उत्तराखंड येथे झालेल्या राष्ट्रीय क्रीडा स्पर्धेत तिने पहिले राष्ट्रीय पदक जिंकले होते.

Nagpur News : एनएमआरडीएची ताकद वाढली ;१६० पदांच्या पुनर्रचना प्रस्तावाला मंजुरी

वडील खासगी वाहनचालक

खासगी कार चालक धर्मेंद्र जोशी आणि गृहिणी सरोज जोशी यांची कन्या असलेल्या श्रुतीने राष्ट्रीय क्रीडा स्पर्धेत पदक जिंकल्यानंतर केरळमधील स्पोर्ट्स अथॉरिटी ऑफ इंडिया केंद्रात प्रशिक्षण सुरू केले. तेथे ती सागर लागू यांच्या मार्गदर्शनाखाली सराव करत आहे. कुटुंब, प्रशिक्षक आणि सहकाऱ्यांचे मोलाचे सहकार्य लाभल्याचे श्रुतीने सांगितले. सुवर्णासह दोन पदके जिंकून श्रुतीने नागपूरच्या क्रीडाक्षेत्राचा मान उंचावला आहे. अतिशय साध्या कुटुंबातून आलेल्या श्रुतीला राष्ट्रीय पदकानंतर आत्मविश्वास मिळाला आणि त्याच जोरावर तिने पहिले आंतरराष्ट्रीय पदकही पटकावले.