Nashik Case: अशोक खरात प्रकरणाची पुनरावृत्ती? "पती दोन महिन्यांत मरेल! भोंदूबाबाने "प्रेमविवाह मोडण्यासाठी रचला काळाकुट्ट कट!
मिळालेल्या माहितीनुसार, दिंडोरी तालुक्यातील एका २२ वर्षीय उच्चशिक्षित तरुणीने स्वतःच्या पसंतीने ३१ ऑक्टोबर रोजी प्रेमविवाह केला होता. मात्र, हा विवाह मान्य नसलेल्या तिच्या माहेरच्या नातेवाईकांना हा प्रकार कोणत्याही हालतीत मोडायचा होता. यासाठी त्यांनी ४ नोव्हेंबर रोजी पहाटेच्या सुमारास या तरुणीला सिन्नर तालुक्यातील पंचाळे येथील एका भोंदूबाबाच्या दरबारात बळच नेले.
पंचाळे येथील त्या भोंदूबाबाने तरुणीला आपल्या जाळ्यात घेत अंधश्रद्धेच्या आधारे प्रचंड भीती निर्माण केली. त्याने तरुणीला धमकावत सांगितले की, “जर तू या विवाहात आणि पतीसोबत राहिलीस, तर तुझा पती पुढील दोन महिन्यांत नक्की मरेल.” या भीतीपोटी तिच्या मनात घात घालण्यासाठी आणि संसारात फूट पाडण्यासाठी भोंदूबाबाने तिला लिंबू आणि दोरा बांधल्याचेही समोर आले आहे. उच्चशिक्षित तरुणीसोबत घडलेल्या या प्रकारामुळे परिसरात एकच खळबळ उडाली आहे.
अशा प्रकारे भोंदूबाबाच्या माध्यमातून अंधश्रद्धा पसरवून व भीती घालून तरुण-तरुणींचे संसार मोडण्याचा प्रयत्न केल्याबद्दल महाराष्ट्र अंधश्रद्धा निर्मूलन समितीने तीव्र संताप व्यक्त केला आहे. लोकांची दिशाभूल करणाऱ्या आणि समाजाला अंधकारात ढकलणाऱ्या या भोंदूबाबावर तात्काळ ‘जादूटोणा विरोधी कायद्यान्वये’ गुन्हा दाखल करून कठोर कायदेशीर कारवाई करण्यात यावी, अशी आक्रमक मागणी अंनिसच्या वतीने करण्यात आली आहे.
Ans: नाशिक जिल्ह्यातील सिन्नर तालुक्यातील पंचाळे येथे हा प्रकार घडला आहे.
Ans: "जर तू या विवाहात आणि पतीसोबत राहिलीस, तर तुझा पती पुढील दोन महिन्यांत नक्की मरेल," अशी अंधश्रद्धेची भीती भोंदूबाबाने तरुणीला घातली.
Ans: महाराष्ट्र अंधश्रद्धा निर्मूलन समितीने (अंनिस) या प्रकरणाची गंभीर दखल घेत भोंदूबाबावर जादूटोणा कायद्यान्वये कारवाईची मागणी केली आहे.
.png "Videos"){kind=small}
