पुणे : पुणे शहरातून एक धक्कादायक घटना उघडकीस आली आहे. एका ७० वर्षीय वृद्ध व्यक्तीने कामावर असताना सहकारी महिलेचा विनयभंग केला. इतकंच नाही, तर तिला जवळ खेचत जबरदस्ती चुंबनही घेतलं. याप्रकरणी पीडित महिलेच्या फिर्यादीवरून डेक्कन पोलिसांत गुन्हा दाखल करण्यात आला आहे. राजीव विनायक विळेकर (वय ७०) असं गुन्हा दाखल झालेल्या वृद्धाचं नाव आहे.
मिळालेल्या माहितीनुसार, आरोपी राजीव हा पुण्यातील एका ऑफिसमध्ये काम करतो. याच ऑफिसमध्ये पीडित महिला देखील कामाला आहे. रविवारी (१७ डिसेंबर) महिला कामावर असताना आरोपी तिच्याजवळ आला. त्याने पीडितेकडे चुंबनाची मागणी केली. महिलेने नकार दिल्यानंतर आरोपीने तिचा विनयभंग केला. इतकंच नाही, तर त्यांनी महिलेला जबरदस्तीने खेचत तिचं चुंबन देखील घेतलं.
दरम्यान या संपूर्ण प्रकारानंतर पीडितेने तातडीने डेक्कन पोलिसांत धाव घेत तक्रार दाखल केली. पीडित महिलेच्या तक्रारीनुसार डेक्कन पोलिसांनी ७० वर्षीय आरोपी वृद्धावर गुन्हा दाखल केला आहे. या घटनेनं परिसरात खळबळ उडाली आहे.
.png "Videos"){kind=small}
