(फोटो सौजन्य - सोशल मीडिया)
गुजरातहून मुंबईच्या दिशेने येणाऱ्या संशयित कारची झडती घेतली असता एका बॅगेमध्ये ५०० रुपयांच्या मोठ्या प्रमाणात बनावट नोटा आढळल्या. नोटांची मोजणी केल्यानंतर त्यांची दर्शनी किंमत तब्बल एक कोटी रुपये असल्याचे स्पष्ट झाले. या कारवाईत पोलिसांनी एका संशयिताला ताब्यात घेतले असून, त्याच्याकडे या नोटांचा साठा कुठून आला, याची चौकशी सुरू आहे.
एक कोटींच्या बनावट नोटा ३० लाख रुपयांत विकण्याचा व्यवहार ठरला होता. या व्यवहारामागे आणखी कोण व्यक्ती आहेत, याचा तपास क्राईम ब्रँचकडून करण्यात येत आहे. दरम्यान, जप्त नोटांची गुणवत्ता, त्यावरील सुरक्षा वैशिष्ट्ये आणि त्या नेमक्या कुठे तयार करण्यात आल्या याबाबत तांत्रिक तपास केला जाणार आहे. संशयिताकडून मिळणाऱ्या माहितीतून बनावट नोटांच्या पुरवठ्याची साखळी आणि या रॅकेटचा मुख्य सूत्रधार पोलिसांच्या हाती लागण्याची शक्यता आहे. या कारवाईमुळे परिसरात बनावट चलनी नोटांच्या मोठ्या रॅकेटचा पर्दाफाश होण्याची शक्यता निर्माण झाली आहे.
बनावट नोटांचा साठा गुजरातमधून मुंबईच्या दिशेने आणला जात असल्याने या प्रकरणात गुजरात कनेक्शन आहे का, याचीही पोलिसांकडून पडताळणी केली जात आहे. नोटा तयार करणारे, पुरवठा करणारे आणि त्या बाजारात चलनात आणणारे वेगवेगळे घटक कार्यरत आहेत का, याचा शोध घेण्यात येत आहे.
.png "Videos"){kind=small}
