वसई रोड टर्मिनस प्रकल्पाचे काम अंतिम टप्प्यात ( सौजन्य - सोशल मीडिया )
जोगेश्वरी येथील मालधक्क्याचे वसई परिसरात स्थलांतर हा याप्रकल्पाचा मुख्य भग आहे. सध्या जोगेश्वरी यार्डमधून सिमेट, ऑटोमोबाईल्स आणि इतर अवजड वस्तूंची वाहतूक होते, ज्यातून रेल्वेला वार्षिक सुमारे १०० कोटी रुपयांचा महसूल मिळतो. आता है यार्ड वसई रोड-दिवा विद्यमान कॉर्ड लाईन आणि नायगाव-जुचंद्र प्रस्तावित कॉर्ड लाईनदरम्यान विकसित केले जात आहे. ‘डेडिकेटेड फ्रेट कॉरिडॉर’शी जोडणी मिळण्याच्या शक्यतेमुळे भविष्यात या मालवाहतुकीतून रेल्वेचा महसूल आणखी वाढणार आहे. मालवाहतूक स्वतंत्र ट्रॅकवर वळवल्यामुळे मुख्य मार्गावरील लोकल आणि एक्सप्रेस गाड्यांचा खोळंबा कायमस्वरूपी टळेल.
सध्या जागेवर कॉक्रीट अॅप्रन, भूमिगत ड्रेनेज व्यवस्था आणि जुने अनावश्यक ट्रॅक हटवण्याचे काम वेगाने सुरू आहे. स्वापत्य कामांसोबतच ट्रॅक लिंकिंग, ओव्हरहेड वायर, सिग्नलिंग आणि टेलिकॉम यंत्रणांच्या आधुनिकीकरणाचे कंत्राट अंतिम टप्प्यात पोहोचले आहे. मार्च २०२८ पर्यंत हे टर्मिनस पूर्ण झाल्यास मुंबई सेंट्रल आणि वांद्रे टर्मिनसवरील लांब पल्ल्याच्या गाड्यांचा भार हलका होऊन वसई रोड हे उपनगरातील एक प्रमुख केंद्र ठरेल.
सुमारे ४.५ हेक्टर रेल्वे जागेवर १.८ मार्ग किलोमीटर आणि ५.१ ट्रॅक किलोमीटरचे जाळे विणले जात आहे.
नव्या वसई रोड टर्मिनसवर एकाच वेळी १२ प्रवासी ट्रेन्स हाताळण्याची अद्ययावत क्षमता असेल.
सुमारे ८५० मीटर लांब आणि २७ मीटर रुंद आकाराच्या सुसज्ज प्लॅटफॉर्मच्या १,२०० मीटर लांबीच्या संरक्षण भिंतीपैकी ५०० मीटरहून अधिक काम पूर्ण झाले आहे.
यार्डमध्ये प्रत्येकी ८०० मीटर लांबीच्या दोन मालवाहतूक लाईन तयार केल्या जात आहेत. दक्षिण दिशेला मालवाहू वाहनासाठी रॅम्प, तसेच रेल्वेचे दैनंदिन कामकाज व व्यावसायिक सुविधांसाठी स्वतंत्र बहुमजली इमारत उभारण्यात येत आहे.
.png "Videos"){kind=small}
