Bhor Rice Crop Damage: भोर तालुक्यात पावसाची प्रदीर्घ ओढ; ‘इंद्रायणी’ भात पिके करपली, ६५ ते ७० टक्के शेती बाधित

Bhor Agricultural News: ज्या शेतकऱ्यांकडे विहिरी किंवा विंधन विहिरींची सोय आहे, ते पंपाद्वारे पिके जगवण्याची धडपड करत आहेत. मात्र, तीव्र दुष्काळामुळे भूजलपातळी वेगाने खालावली असून वाढता सिंचन खर्च सर्वसामान्यांना परवडणारा नाही.

• पावसाच्या ओढीमुळे भातशेती करपून नष्ट होण्याच्या मार्गावर
• तालुक्यातील ६५ ते ७० टक्के भात पिकांचे नुकसान
• ‘इंद्रायणी’ भाताच्या उत्पादनाला बसणार मोठा फटका

Bhor Agricultural News: भोर तालुक्यात पावसाने प्रदीर्घ ओढ दिल्याने खरीप हंगामातील भातशेती गंभीर संकटात सापडली आहे, भात पिकाला लोंब्या फुटण्याच्या आणि दाणे भरण्याच्या अत्यंत नाजूक टप्प्यावर पावसाने पाठ फिरवल्यामुळे उभी पिके पाण्याअभावी करपू (Crop Damage) लागली आहेत. जमिनीला मोठ्या भेगा पडल्या असून, शेतकऱ्यांच्या डोळ्यांदेखत हातातोंडाशी आलेला घास हिरावला जाण्याची भीती निर्माण झाली आहे. याचा थेट आणि मोठा फटका भोरची मुख्य ओळख असलेल्या प्रसिद्ध ‘इंद्रायणी’ भाताच्या उत्पादनाला चसणार आहे.

प्राथमिक अंदाजानुसार, तालुक्यातील सुमारे ६५ ते ७० टक्के भातशेती बाधित झाली आहे. भोर तालुका आणि परिसराची शान असलेल्या इंद्रायणी तांदळाच्या उत्पादनाला पावसाअभावी मोठा फटका बसणार आहे. उत्पादनात घट झाल्यामुळे आगामी काळात बाजारात आवक कमी होऊन दरवाढ होण्याची शक्यता वर्तवली जात असून बियाणे, रासायनिक खते, मशागत आणि लावणीवर शेतकऱ्यां नी मोठा खर्च केला आहे. मात्र, पिकांची वाढ पूर्णपणे खुंटल्यामुळे हा सर्व खर्च वाया जाण्याच्या मार्गावर आहे, ज्यामुळे शेतकऱ्यांचे आर्थिक गणित पूर्णपणे कोलमडले आहे.

Early Breast Cancer: स्तनाचा कर्करोग पुन्हा उद्भवण्याच्या जोखमीकडे लक्ष देणे का आहे महत्वाचे? 

पंपाद्वारे पिके जगवण्याची धडपड

ज्या शेतकऱ्यांकडे विहिरी किंवा विंधन विहिरींची सोय आहे, ते पंपाद्वारे पिके जगवण्याची धडपड करत आहेत. मात्र, तीव्र दुष्काळामुळे भूजलपातळी वेगाने खालावली असून वाढता सिंचन खर्च सर्वसामान्यांना परवडणारा नाही. परिणामी, बहुतांश कोरडवाहू शेतकरी पूर्णपणे हतबल झाले आहेत. या गंभीर संकटात सापडलेल्या शेतकऱ्यांना धीर देण्यासाठी कृषी व महसूल विभागाने केवळ कागदी घोडे न नाचवता प्रत्यक्ष बांधावर जाऊन तत्काळ पंचनामे करावेत अशी मागणी वीसगाव खोरे, आंबवडे खोरे, हिरडस मावळ खोरे, वेळवंड खोरे, भुतोंडे खोरे, शिवगंगा खोरे, महामार्ग पट्टचातून जोर धरत आहे.

शेतकरीवर्ग हतबल

पावसाअभावी भाताचा पेंडा मिळणे कठीण होणार असून, यामुळे दुग्धव्यवसाय करणाऱ्या शेतकऱ्यां समोर जनावरांच्या चाऱ्याचा भीषण प्रश्न उभा ठाकला आहे. तर शेतात केवळ वाळलेली रोपे उभी राहिली आहेत. परिस्थिती अशीच राहिल्यास चाजारात विकण्यासाठी धान्य दूरच राहिला, पण स्वतःच्या कुटुंबाला वर्षभर खाण्यापुरते अन्न आणि गुरांसाठी चारा मिळणेही मुश्कील होईल, या विचाराने शेतकरी वर्ग हतबल झाला आहे.

Aane Gram Water Crisis: बेल्हे प्रादेशिक पाणीपुरवठा योजना दीड महिन्यापासून बंद; २९ ऑक्टोबरला रास्ता रोकोचा इशारा

तालुक्यातील शेतकऱ्यांची शासनाकडे आर्त हाक

भोर तालुक्यातील शेतकऱ्यांकडून शासनाकडे मदतीसाठी आर्त हाक दिली जात असून शासनाने या भागातील दुष्काळसदृश परिस्थितीची गंभीर दखल घेऊन निकषांनुसार तातडीने आर्थिक मदत जाहीर करावी, अशी मागणी त्रस्त शेतकरी करत आहेत. कृषी विभागाकडून प्रत्यक्ष पाहणी आणि पंचनामे पूर्ण झाल्यानंतरच नुकसानीचे अंतिम वास्तव आकडे समोर येतील.