Karad Accident News: ट्रकची दुचाकीला धडक; दुचाकीस्वार ठार

अपघातानंतर ट्रकचालक ट्रक जागेवरच सोडून घटनास्थळावरून पसार झाला. तर गंभीर जखमी झालेल्या दुचाकीस्वाराला नागरिकांनी तात्काळ उपचारासाठी उपजिल्हा रुग्णालयात हलवले.

Photo Credit- Team Navrashtra ट्रकची दुचाकीला धडक; दुचाकीस्वार ठार

Follow Us:

Follow Us:

कराड : विटा मार्गावर येथील वेणूताई चव्हाण उपजिल्हा रुग्णालयासमोर एका अज्ञात ट्रकने दुचाकीस्वाराला जोरदार धडक दिली. या अपघातात दुचाकीस्वाराचा मृत्यू झाल्याची घटना गुरुवार, दि. 5 रोजी सकाळी 11.30 वाजण्याच्या सुमारास घडली आहे. अपघातानंतर ट्रक जागेवरच सोडून चालक घटनास्थळावरून उपचार झाला.भीमराव तुकाराम भोसले (औध. ता. खटाव जि. सातारा) असे अपघातात मृत्यू झालेल्या दुचाकीस्वाराचे नाव आहे.

याबाबत घटनास्थळावरून मिळालेली माहिती अशी की, कराड ते विटा मार्गावर असलेल्या वेणूताई चव्हाण उपजिल्हा रुग्णालयासमोर कृष्णा नाक्याच्या दिशेने एक दुचाकीस्वार (क्र. एम.एच. 42 ए.टी. 7436) जात होता. त्यावेळी पाठीमागून आलेल्या ट्रकने (क्र. एम.एच. 11 ए.जी. 1008) उपजिल्हा रुग्णालयासमोरील सिग्नल क्रॉस केल्यानंतर समोरील दुचाकीला जोरदार धडक दिली. यामुळे दुचाकीस्वार जागीच कोसळून ट्रकच्या पाठीमागील चाकाखाली आला. या अपघातात त्याच्या डोक्याला गंभीर दुखापत झाली.

Maharashtra Politics: मंत्रिमंडळ विस्ताराबाबत मोठी अपडेट, उपमुख्यमंत्री एकनाथ शिंदेंना महायुतीत मोठी जबाबदारी

दरम्यान, अपघातानंतर ट्रकचालक ट्रक जागेवरच सोडून घटनास्थळावरून पसार झाला. तर गंभीर जखमी झालेल्या दुचाकीस्वाराला नागरिकांनी तात्काळ उपचारासाठी उपजिल्हा रुग्णालयात हलवले. मात्र, उपचारापूर्वीच दुचाकीस्वाराचा मृत्यू झाल्याची माहिती वैद्यकीय सूत्रांनी दिली. या घटनेची माहिती मिळताच कराड शहर पोलीस ठाण्याचे कर्मचारी घटनास्थळी दाखल झाले. त्यांनी घटनेचा पंचनामा करून ट्रक ताब्यात घेतला आहे. दरम्यान या अपघातानंतर रस्त्यावर काही काळ वाहतूक कोंडी झाली होती.

तत्पुर्वी आज सकाळी साडेपाच वाजण्याच्या सुमारास चाकण एमआयडीसी अग्निशमन दलाने  चाकण-शिक्रापूर रस्त्यावरील शेल पिंपळगाव येथे टेम्पो ट्रक, एक लॉरी आणि कंटेनर ट्रक यांच्यात झालेल्या धडकेने चिरडलेल्या वाहनात अडकलेल्या दोन जणांना सुखरूप बाहेर काढले. विशाल श्रीराम काळदाते आणि वैभव राजेंद्र काळदाते, दोघे वय सुमारे २५, अहमदनगर जिल्ह्यातील जामखेड येथील रहिवासी असून त्यांना रुग्णालयात उपचार दाखल करण्यात आले.

‘धकधक गर्ल’ माधुरी दीक्षितने 57 व्या वर्षीही हास्याने केले प्रिंटेड बनारसी साडीत सर्वांना

मिळालेल्या माहितीनुसार,  शेल पिंपळगाव येथील एसके हॉटेलजवळ अनेक वाहनांची समोरासमोर धडक झाल्याची माहिती मिळताच पोलीस पहाटे 5.30 वाजता घटनास्थळी पोहोचले. या अपघातात मोठ्या प्रमाणात नुकसान झालेल्या टेम्पो ट्रकमध्ये दोन जण अडकल्याची माहिती अधिकाऱ्यांनी चाकण एमआयडीसी पोलीस ठाण्यात दिली. सहाय्यक अग्निशमन अधिकारी राजेश फरांदे आणि अग्निशमन दलाचे जवान व्ही.ए.पवार, व्ही.व्ही. खेडकर, एसए कुलाल, एलएच कचरे यांचे पथक मदतीसाठी पोहोचले. “ड्रायव्हरच्या केबिनमध्ये दोन पुरुष अडकले होते. हायड्रोलिक कटर व इतर उपकरणे वापरून टेम्पो ट्रक कापून जखमींना वाचवले. सुमारे एक तास बचावकार्य चालले,” फरांदे यांनी यावेळी सांगितले.

Web Title: Karad acident news truck hits bike bike rider killed nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com