पुण्यातील टिंबर मार्केटमध्ये भीषण आग; 20 ते 25 दुकाने जळून खाक, लाखोंचे नुकसान (सौजन्य - सोशल मीडिया)
टिंबर मार्केटमधील दुकानांमधून पहाटेच्या सुमारास अचानक धूर आणि आगीच्या ज्वाळा दिसून आल्या. काही वेळातच आगीने रौद्ररूप धारण केले. परिसरातील नागरिकांनी तातडीने अग्निशमन दलाला घटनेची माहिती दिली. त्यानंतर अग्निशमन दलाच्या जवानांनी घटनास्थळी धाव घेत आग आटोक्यात आणण्याचे काम सुरू केले. दुकानांमध्ये लाकूड व इतर ज्वलनशील साहित्य मोठ्या प्रमाणात असल्याने आग वेगाने पसरली. त्यामुळे परिसरातील अन्य दुकाने आणि घरांनाही आगीचा धोका निर्माण झाला होता.
दरम्यान, अग्निशमन दलाच्या जवानांनी शर्थीचे प्रयत्न करत आगीवर नियंत्रण मिळविले. मात्र, तोपर्यंत अनेक दुकानांमधील साहित्य जळून खाक झाले होते. काही घरांनाही आगीची झळ बसली असून, घरातील साहित्याचे नुकसान झाले आहे. आगीचे नेमके कारण अद्याप स्पष्ट झालेले नाही. शॉर्टसर्किटमुळे आग लागली असल्याचा अंदाज व्यक्त केला जात आहे.
यापूर्वीही लागली होती आग
पुण्यातील टिंबर मार्केट हा परिसर फर्निचर आणि प्लायवूड यांसारख्या वस्तूंच्या खरेदीसाठी प्रसिद्ध आहे. मात्र, आता या परिसरातील दुकानांमध्ये आग लागल्याची घटना समोर आली. टिंबर मार्केटमध्ये आगीची ही पहिलीच घटना नाही. गेल्या आठ वर्षांत या परिसरात आगीची ही तिसरी मोठी घटना असल्याने सुरक्षिततेचा प्रश्न पुन्हा ऐरणीवर आला आहे.
१. पुण्यातील टिंबर मार्केटमध्ये आग कधी लागली?
पहाटे दोनच्या सुमारास टिंबर मार्केटमध्ये भीषण आग लागली.
२. आगीत किती दुकाने जळाली?
सुमारे २० ते २५ दुकाने आगीच्या भक्ष्यस्थानी पडली.
३. आगीत घरांचेही नुकसान झाले का?
होय. आगीची झळ परिसरातील काही घरांनाही बसली आहे.






