मुंबई-पुणे द्रुतगती महामार्गावर तीन दिवस ट्रॉफिक ब्लॉक; कोणत्या मार्गांवर असणार वाहतूक सुरू?
Mumbai-Pune Expressway Traffic Block : मुंबई-पुणे द्रुतगती महामार्गावर तीन दिवसांचा ट्रॉफिक ब्लॉक असणार आहे. त्यामुळे वाहतूक इतर मार्गाने वळवण्यात आली आहे. महाराष्ट्र राज्य रस्ते विकास महामंडळातर्फे महामार्गावर पुलाचे गर्डर्स बसवण्यात येणार आहेत. बांधकाम सुरळीतपणे पूर्ण व्हावे यासाठी महामंडळाने २२, २३ आणि २४ जानेवारी असे तीन दिवशी दुपारी १२ ते ३ या वेळेत ट्रॉफिक ब्लॉक ठेवण्याचा निर्णय घेतला आहे. वाहनधारकांनी सहकार्य करण्याचं आवाहन करण्यात आलं आहे.
अँटनी वेस्टतर्फे कांजूरमार्ग येथे ‘एंड-ऑफ-लाईफ’ प्लास्टिक कचऱ्यापासून टिकाऊ बिटुमेन रस्ताबांधणी
यशवंतराव चव्हाण द्रुतगती महामार्ग म्हणजे मुंबई-पुणे द्रुतगती महामार्गावरील मुंबई वाहिनीवर कि.मी 58/500 (डोंगरगाव/ कुसगांव) येथे पुलाचे गर्डर्स बसवले जाणार आहेत. या कामासाठी तीन दिवसांचा ट्रॉफिक ब्लॉक असल्याची माहिती समोर आली आहे. या कालावधीत वाहतूक पर्यायी मार्गाने वळवण्यात येणार आहे.
मुंबईकडून पुण्याकडे जाणारी वाहतूक ही महामार्गाच्या किमी क्र. 4/700 वळवण ते वरसोली टोल नाका (राष्ट्रीय महामार्ग क्र. 48) येथून देहूरोड मार्गे पुण्याकडे वळविण्यात येईल. तिन्हीही दिवशी दुपारी ३ नंतर मुंबईकडून पुण्याला जाणारी वाहतूक पुन्हा पुणे वाहिनीवरुन सोडण्यात येईल. तसेच पुण्याकडून मुंबईला जाणारी वाहतूक द्रुतगती मार्गावरुन सुरू राहील.
द्रुतगती महामार्गावरुन प्रवास करणाऱ्या प्रवाशांनी ट्रॉफिक ब्लॉकच्या अनुषंगाने प्रवासाचे नियोजन करावे अशी विनंती महामंडळाने केली आहे. तसेच या कालावधीत चालकांना काही अडचण आल्यास मदतीसाठी द्रुतगती महामार्गाचा नियंत्रण कक्षाचा दूरध्वनी क्रं. 9822498224 किंवा महामार्ग पोलीस विभागाचा दूरध्वनी क्र. 9833498334 यावर संपर्क साधावा, असे आवाहन महाराष्ट्र राज्य रस्ते विकास महामंडळाने केले आहे.
या कालावधीत मुंबईकडून पुण्याकडे जाणारी पुणे वाहिनीवरील वाहतूक द्रुतगती मार्गाच्या किमी क्रमांक 54/700 वळवण ते वरसोली टोल नाका (राष्ट्रीय महामार्ग क्र. 48) येथून देहूरोड मार्गे पुण्याकडे वळविण्यात येणार आहे. वरील तिन्ही दिवस दुपारी 3 वाजल्यानंतर मुंबईहून पुण्याकडे जाणारी वाहतूक पुन्हा द्रुतगती मार्गाच्या पुणे वाहिनीवरुन सोडण्यात येईल. तसेच या कालावधीत पुण्याहून मुंबईकडे जाणारी वाहतूक यशवंतराव चव्हाण द्रुतगती मार्गावरुन सुरू राहणार आहे. (Mumbai Pune Expressway)
मुंबईकरांसाठी एक खुशखबर आहे. मुंबई अर्बन ट्रान्सपोर्ट प्रोजेक्ट अंतर्गत मुंबईला तब्बल २३८ नव्या एसी लोकल ट्रेन मिळणार आहेत. एसी लोकल खरेदी करण्याचा प्रस्ताव पुन्हा रुळावर आला असल्याची माहिती केंद्रीय रेल्वे मंत्री अश्विनी वैष्णव यांनी दिली. सुमारे १८ महिन्यांच्या विलंबानंतर मुंबईकरांना लवकरच नवीन एसी लोकल ट्रेन मिळतील. मुंबई दौऱ्यावर आलेल्या केंद्रीय रेल्वे मंत्री अश्विनी वैष्णव यांनी हे संकेत दिले आहेत. शनिवारी त्यांनी मुंबईत बुलेट ट्रेन प्रकल्पाच्या कामाची पाहणी केली. यानंतर वैष्णव यांनी माध्यमांशी संवाद साधला. एका प्रश्नाच्या उत्तरात अश्विनी वैष्णव म्हणाल्या की, १८ महिन्यांच्या विलंबानंतर, मुंबईकरांना एसी लोकल ट्रेन देण्याच्या दिशेने पुन्हा काम सुरू झाले आहे. मुंबईत मोनोरेल, मेट्रो आणि बेस्ट असूनही, लोकल ही अजूनही जीवनरेखा आहे.
