मंगळवार, 10 नोव्हेंबर 2026
ऋषभ पंत न्यूझीलंड दौऱ्यावर जाणार? (फोटो -ians)
भारतीय कसोटी संघासाठी एक दिलासादायक बातमी समोर आली आहे. उपकर्णधार ऋषभ पंत लवकरच पूर्णपणे फिट होऊन संघात परतण्याची शक्यता वर्तवली जात आहे. बीसीसीआयच्या सेंटर ऑफ एक्सीलेंस कडून त्याला लवकरच फिटनेस क्लिअरन्स मिळण्याची शक्यता व्यक्त केली जात आहे. जर ऋषभ पंतला फिटनेस प्रमाणपत्र मिळाले तर तो न्यूझीलंड दौऱ्यासाठी जाऊ शकणार आहे.
ऋषभ पंतला न्यूझीलंड दौऱ्यावर जाण्यासाठी फिटनेस टेस्ट पास करावी लागणार आहे. तसेच त्याला अधिकृतरीत्या ‘रिटर्न टू प्ले’ प्रमाणपत्र मिळणे बंधनकारक असणार आहे. ऋषभ पंतचा हा दौरा पूर्णपणे काही महत्त्वाच्या अटींवर अवलंबून असणार आहे. दुखापतीमुळे क्रिकेटच्या मैदानापासून लांब राहावे लागलेल्या पंतसाठी आता पुन्हा एकदा भारतीय संघात पुनरागमन करण्याचे मार्ग मोकळे होतील अशी अपेक्षा व्यक्त केली जात आहे.
ऋषभ पंतला इराणी कप स्पर्धा खेळताना ‘साइड स्ट्रेन’ या दुखापतीचा सामना करावा लागला होता. स्नायूंमध्ये त्रास झाल्याने त्याला काही कालावधी मैदानापासून दूर रहावे लागले होते. या दुखापतीतून सावरल्यानंतर, फिटनेस क्लीयरेंसच्या अटीवर त्याला भारत-ए संघाच्या एका अनौपचारिक कसोटी सामन्यासाठी संघात स्थान देण्यात आले होते. मात्र सेंटर ऑफ एक्सीलेंस कडून आवश्यक असलेले ‘रिटर्न टू प्ले’ प्रमाणपत्र वेळेत न मिळाल्याकारणाने त्याला तो सामना खेळता आला नव्हता.
आला रे आला वाघ आला! न्यूझीलंडविरुद्ध भारताचा हुकूमी एक्का परतणार; Jasprit Bumrah अन्…
समोर आलेल्या माहितीनुसार, ऋषभ पंतला फिटनेस सर्टिफिकेट मिळण्याची शक्यता वर्तवली जात आहे. जर त्याला हे प्रमाणपत्र मिळाले तर न्यूझीलंडविरुद्ध टेस्ट सिरीज खेळण्यासाठी जाऊ शकणार आहे. आता त्याला न्यूझीलंडविरुद्ध खेळण्याची संधी मिळणार का हे येत्या काही दिवसांमध्ये समजू शकणार आहे. ऋषभ पंत आतापर्यंत एकूण 52 कसोटी सामने खेळला आहे. त्याने या फॉर्मटमध्ये 8 शतके आणि 29 अर्धशतके केली आहेत.
Ans: 19 नोव्हेंबर ते 1 डिसेंबर दरम्यान भारत न्यूझीलंडविरुद्ध टेस्ट सिरीज खेळणार आहे.
Ans: ऋषभ पंतला इराणी कप स्पर्धा खेळताना 'साइड स्ट्रेन' या दुखापतीचा सामना करावा लागला होता.
