Pune News: राष्ट्रीय विज्ञान दिनानिमित्त ‘विज्ञान स्पर्धां’चे आयोजन; विद्यार्थ्यांना मिळणार अनोखा अनुभव

पुणे विद्यापीठात साजरा होणार राष्ट्रीय विज्ञान दिन
सहभागासाठी पूर्वनोंदणी आवश्यक असणार
विद्यार्थ्यांना मिळणार अनोखा अनुभव

पुणे: सावित्रीबाई फुले पुणे विद्यापीठात राष्ट्रीय विज्ञान दिन २०२६ साजरा करण्यासाठी विज्ञान शिक्षण आणि संप्रेषण केंद्र सज्ज झाले आहे. शालेय आणि महाविद्यालयीन विद्यार्थ्यांमध्ये वैज्ञानिक दृष्टिकोन, सर्जनशीलता आणि नवोन्मेषाला चालना देण्यासाठी विविध विज्ञान स्पर्धांचे आयोजन करण्यात आले आहे. सर्व स्पर्धांसाठी नोंदणी पूर्णपणे विनामूल्य असून सहभागासाठी पूर्वनोंदणी आवश्यक आहे.या उपक्रमांमुळे विद्यार्थ्यांना विज्ञान शिकण्याचा अनोखा आणि प्रत्यक्ष अनुभव मिळणार आहे. इयत्ता सहावी ते दहावीतील विद्यार्थ्यांसाठी रसायनशास्त्र, भौतिकशास्त्र आणि इलेक्ट्रॉनिक्स विषयांवरील संवादात्मक सत्रांचे आयोजन करण्यात आले असून, त्यामध्ये विद्यार्थ्यांचा उत्स्फूर्त सहभाग अपेक्षित आहे.

मोठी बातमी! CUET UG परीक्षेसाठी अर्ज प्रक्रिया सुरू; ११ मे ते ३१ मे दरम्यान…

कार्यशाळांमध्ये मॅजिक स्नो निर्मिती, क्रिस्टल स्नोफ्लेक्स प्रयोग, रंग बदलणाऱ्या रासायनिक प्रतिक्रिया, तसेच सर्किट्स व ट्रान्झिस्टरच्या साहाय्याने दैनंदिन इलेक्ट्रॉनिक उपकरणांचे कार्य, ऊर्जा पुरवठा आणि तर्कशक्तीवर आधारित प्रक्रियांचे प्रात्यक्षिक सादर केले जाणार आहे. यासोबतच सीपीयू उघडणे व पुन्हा जोडण्याची संवादात्मक कार्यशाळा हे विशेष आकर्षण ठरणार आहे.

विज्ञान स्पर्धांचे वेळापत्रक

मोनोॲक्ट स्पर्धा
दि. २४ वेळ : स. ११ ते सायं. ५
(इयत्ता ४ थी ते ९ वी | कालावधी : ३ ते ५ मिनिटे)

चित्रकला स्पर्धा
दि. ३१   वेळ : स. ११ ते १२.३०
(इयत्ता १ ली ते ९ वी)

विज्ञान कथा लेखन स्पर्धा
दि. ७ फेब्रुवारी २०२६ | वेळ : सकाळी ११ ते १२
(इयत्ता ७ वी ते पदवी | ४०० ते ६०० शब्द)

विज्ञान प्रकल्प स्पर्धा
दि. १४ फेब्रुवारी २०२६ | वेळ : सकाळी ११ ते सायं. ५
(इयत्ता ६ वी ते ९ वी)

“… हे भूगोलशास्त्रासमोरील मोठे आव्हान”; Pune University मधील डॉ. अमित धोर्डेंचा ‘नवराष्ट्र’शी संवाद

सायन्स रील स्पर्धा
दि. १५ फेब्रुवारी २०२६
(इयत्ता ८ वी ते पदवी | कालावधी : १ मिनिट)

सर्व स्पर्धांचे पारितोषिक व प्रमाणपत्र वितरण शनिवार, दिनांक २८ फेब्रुवारी २०२६ रोजी होणार आहे.स्पर्धांसाठी नोंदणी व साहित्य अपलोड करण्याची अंतिम तारीख २० जानेवारी २०२६ आहे. अधिक माहिती आणि नोंदणीसाठी https://sciencepark.unipune.ac.in
या संकेतस्थळाला भेट द्यावी. राष्ट्रीय विज्ञान दिनानिमित्त सीएसइसी येथे सकाळी ११ ते सायं. ४ या वेळेत विविध वैज्ञानिक मॉडेल्स व प्रयोगांचे प्रदर्शन सर्वांसाठी खुले राहणार असून, केंद्रातील उपक्रमांची सविस्तर माहितीही यावेळी दिली जाणार आहे.