शिक्षण क्षेत्रात उल्लेखनीय कामगिरी करणाऱ्या शिक्षकांचा सन्मान; 'आदर्श शिक्षक गौरव पुरस्कार' सोहळा उत्साहात संपन्न
पुणे : शिक्षक दिनाचे औचित्य साधून लायन्स क्लब ऑफ पुणे सिनिअर्स आणि इंडियन नॅचरल हनीबीज, पुणे यांच्या संयुक्त विद्यमाने आदर्श शिक्षक गौरव पुरस्कार आयोजित करण्यात आला होता. शिक्षण क्षेत्रात उल्लेखनीय कार्य करणाऱ्या १२ शिक्षकांचा “जिल्हास्तरीय आदर्श शिक्षक गौरव पुरस्कार” देऊन सन्मान करण्यात आला. सदर कार्यक्रम वनाज परिवार विद्यामंदिर, वनाज कॉर्नर, कोथरूड येथे मोठ्या उत्साहात पार पडला. कार्यक्रमाच्या अध्यक्षस्थानी ला. श्याम भुर्के होते. प्रमुख पाहुणे एम.जे.एफ. ला. सतीश राजहंस आणि ला. नितीन थोपटे यांची प्रमुख उपस्थिती लाभली. मान्यवरांच्या हस्ते दीपप्रज्वलन व सरस्वती पूजन करण्यात आले.
यावेळी विविध क्षेत्रांत उल्लेखनीय कार्य करणाऱ्या १२ शिक्षकांना शाल, पुष्पगुच्छ, प्रमाणपत्र व सन्मानचिन्ह देऊन मान्यवर पाहुण्यांच्या हस्ते गौरविण्यात आले. यावेळी पुरस्कारप्राप्त शिक्षकांनी आपली मनोगते व्यक्त करून आयोजकांचे आभार व्यक्त केले.
यावेळी इंडियन नॅचरल हनीबीज, पुणे यांच्या वतीने “मधमाशी वाचवा, पर्यावरण वाचवा” हा पर्यावरण संवर्धनाचा संदेश देण्यात आला. मधमाशी परागीभवनाद्वारे शेती, वनस्पती आणि जैवविविधतेच्या संवर्धनात महत्त्वाची भूमिका बजावते, याबाबत उपस्थितांना माहिती देण्यात आली.
कार्यक्रमाचे आयोजन लायन्स क्लब ऑफ पुणे सिनिअर्स अध्यक्ष ला. नितीन पाटील आणि लायन्स क्लब ऑफ पुणे सिनिअर्स सचिव व इंडियन नॅचरल हनीबीजचे संचालक ला. संजय मारणे यांनी केले. कार्यक्रमाचे सूत्रसंचालन प्रितम दिवटे यांनी केले. कार्यक्रमाच्या नियोजनासाठी मुख्याध्यापिका अनिता दारवटकर, उपक्रमशील शिक्षक रणजित बोत्रे यांचे सहकार्य लाभले.
कार्यक्रमास लायन्स क्लबचे पदाधिकारी व सदस्य, आरएसएसचे पदाधिकारी, शिक्षक आणि नागरिक मोठ्या संख्येने उपस्थित होते. कार्यक्रम उत्साहपूर्ण वातावरणात संपन्न झाला. डॉ. संजय राजाराम नायडू (बालाजी माध्यमिक विद्यालय,धनकवडी) अमृता यशवंत साळुंके (पुणे महानगरपालिका शाळा क्रमांक 153 मुलांची, बावधन खुर्द, पुणे.) रणजित सुदामराव बोत्रे (गोपाळकृष्ण प्राथमिक विद्यामंदिर गोखलेनगर पुणे.) अनिता सूर्यकांत दारवटकर (वनाज परिवार विद्यामंदिर,कोथरूड) प्रा. अशोक सोपान ढोले (सिंबायोसिस कॉलेज ऑफ आर्ट्स अँड कॉमर्स सेनापती बापट रोड, पुणे.) प्रदीप हरिभाऊ वीर (माध्यमिक विद्यालय, कांबरे खेबा ता. भोर जि. पुणे.) विद्या प्रविण सोनवणे (पुणे मनपा शाळा क्रमांक ९४ जी कात्रज) रूपाली राजेंद्र जाधव (एच. ए. स्कूल, प्राथमिक विभाग, पिंपरी पुणे.) प्रतिभा सूर्यकांत जगताप (रयत शिक्षण संस्थेचे न्यू इंग्लिश स्कूल पारगाव सालू-मालू तालुका दौंड जिल्हा पुणे.) दिपक सुदाम पिसे (भारत इंग्लिश स्कूल व कनिष्ठ महाविद्यालय, शिवाजीनगर, पुणे.) सुवर्णा गोडबोले (सेवानिवृत्त,एस.पी.एम. इंग्लिश स्कूल, पुणे) रेखा रघुनंदन जाधव (सेवानिवृत्त, पिंपरी-चिंचवड महानगरपालिका) आदी शिक्षक आदर्श शिक्षक गौरव पुरस्काराचे मानकरी ठरले.
.png "Videos"){kind=small}
