Raigad News: रस्ता पूर्ण होण्याआधीच महावितरणचे खोदकाम सुरु; महामार्ग विभागाने दिले काम थांबवण्याचे आदेश

महाड-रायगड मार्गाचे काम आता पूर्ण होेण्याच्या वाटेवर आहे. हे काम पूर्णत्वाकडे जात असतानाच नव्या मार्गाच्या साईडपट्टीवर महावितरणकडून विद्युत केबल टाकण्यासाठी खोदकाम सुरू करण्यात आले आहे. महाडने महावितरणला काम तात्काळ थांबविण्याचे निर्देश दिले आहेत.

• नव्या मार्गाच्या साईडपट्टीवर महावितरणकडून विद्युत केबल टाकण्यासाठी खोदकाम सुरू
• कार्यवाहीचा अहवाल तातडीने सादर करण्याचे महामार्ग विभागाचे निर्देश
• रस्त्याचे काम पूर्ण झाल्यानंतर महावितरणकडून केबल टाकण्यासाठी साईडपट्टीचे यांत्रिक पद्धतीने खोदकाम सुरू

महाड: ऐतिहासिक किल्ले रायगडाकडे जाणाऱ्या महाड-रायगड मार्गाचे दुपदरीकरण, रुंदीकरण काम आता अंतिम टप्प्यात पोहचून पूर्णत्वाकडे जात असतानाच आता याच नव्या मार्गाच्या साईडपट्टीवर महावितरणकडून विद्युत केबल टाकण्यासाठी खोदकाम सुरू करण्यात आले आहे. मात्र, राष्ट्रीय महामार्गाच्या हद्दीत सक्षम प्राधिकरणाची पूर्वपरवानगी न घेता हे काम सुरू असल्याचे निदर्शनास आल्यानंतर राष्ट्रीय महामार्ग उपविभाग, महाडने महावितरणला काम तात्काळ थांबविण्याचे निर्देश दिले आहेत. या कारवाईमुळे नव्याने विकसित झालेल्या रस्त्याच्या सुरक्षिततेचा मुद्दा ऐरणीवर आला आहे.

Pune News: गणेशोत्सव 2026 मध्ये 108 रुग्णवाहिकांची अखंड सेवा! वैद्यकीय आपत्कालीन परिस्थिती उद्भवलेल्या रुग्णांना तात्काळ मदत

या प्रकरणी केलेल्या कार्यवाहीचा अहवाल तातडीने सादर करण्याचे निर्देश महामार्ग विभागाने दिले असून, पत्राची प्रत संबंधित राष्ट्रीय महामार्ग व महावितरणच्या वरिष्ठ अधिकाऱ्यांसह प्रकल्प सल्लागार संस्थेलाही पाठविण्यात आली आहे. त्यामुळे रस्ता पूर्ण झाल्यानंतर त्याच रस्त्याच्या हद्दीत सुरू झालेले हे खोदकाम आता अधिकृत परवानगीच्या प्रक्रियेत अडकले असून, महामार्ग विभागाच्या पुढील भूमिकेकडे लक्ष लागले आहे. (फोटो सौजन्य – AI Created)

परवानगी मिळेपर्यंत या कामासाठी कोणतीही यंत्रसामग्री, मजूर अथवा एजन्सी तैनात करू नये, असेही बजावण्यात आले आहे. अनधिकृत कामामुळे राष्ट्रीय महामार्गाच्या मालमत्तेचे नुकसान झाल्यास त्याची जबाबदारी संबंधित एजन्सी अथवा महावितरणची राहील आणि झालेले नुकसान त्यांच्या स्वखर्चाने पूर्ववत करावे लागेल, असा स्पष्ट इशाराही देण्यात आला आहे.

CJP Protest : निवडणूक आयोगाच्या कारभारावरून कॉकरोच जनता पार्टी आक्रमक, मुंबईत आंदोलनाची घोषणा

यांत्रिक पद्धतीने खोदकाम

महाड-रायगड मार्गावर रायगड किल्ल्यावरील विविध कार्यक्रमांच्या वेळी मोठ्या प्रमाणात वाहतूक कोडी आणि वाहन पार्किंगची समस्या निर्माण होत होती. या पार्श्वभूमीवर तसेच किल्ले रायगडाच्या संवर्धनाच्या दृष्टीने शासनाने या मार्गाच्या रुंदीकरणाचे काम हाती घेतले, राष्ट्रीय महामार्ग विभागामार्फत करण्यात आलेल्या या कामाला एनएच-१६६ असा क्रमांक देण्यात आला आहे. महाड ते रायगड किल्ला या एकूण २५.६०९ किलोमीटर लांबीच्या मार्गाचे पेव्हड शोल्डर्ससह दौन पदरी रस्त्यात पुनर्वसन व श्रेणीसुधारणा करण्यात आली आहे. यामध्ये हिरकणीवाडी कनेक्टर ९५० मीटर आणि जिजामाता समाधी कनेक्टर १२१३ मीटरचा समावेश आहे. रस्त्याचे काम पूर्ण झाल्यानंतर महावितरणकडून केबल टाकण्यासाठी साईडपट्टीचे यांत्रिक पद्धतीने खोदकाम सुरू करण्यात आले.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)