Raigad News: महाडमध्ये SIR चा पहिला टप्पा पूर्ण; 45 हजार 463 मतदारांची गणना पत्रे अद्याप गायब

एसआयआरपूर्वी २ लाख ४९ हजार ९८६ मतदारांनी आपली गणना पत्रे भरून दिली आहेत. एकूण प्राप्त झालेल्या २ लाख ४९ हजार ९८६ गणना पत्रांपैकी १ लाख ७ हजार ८०० मतदारांनी स्वतःहून 'सेल्फ मॅपिंग' केली असल्याची माहिती ओमासे यांनी दिली आहे.

• महाड मतदारसंघातील २ लाख ९५ हजार ४४९ मतदारांपैकी २ लाख ४९ हजार ९८६ मतदारांनी गणना पत्रे भरून दिली आहेत.
• तब्बल ४५ हजार ४६३ मतदारांची गणना पत्रे प्राप्त झाली नसून, यापैकी २४ हजार ७४८ मतदार कायमस्वरूपी स्थलांतरित असल्याचे आढळले आहे.
• मतदार यादीत १४९ मयत आणि ५ हजार १२२ दुबार मतदारांची नोंद झाली असून, अंतिम यादी २७ ऑक्टोबर २०२६ रोजी प्रसिद्ध होणार आहे.

महाड: भारत निवडणूक आयोगाच्या निर्देशानुसार महाड विधानसभा मतदारसंघातील सखोल मतदार यादी पुनर्नरीक्षण अर्थात ‘एसआयआर’ कार्यक्रमाचा पहिला टप्पा पूर्ण झाला आहे. एसआयआरपूर्वी मतदारसंघात असलेल्या एकूण २ लाख ९५ हजार ४४९ मतदारांपैकी २ लाख ४९ हजार ९८६ मतदारांनी आपली गणना पत्रे भरून दिली असून, तब्बल ४५ हजार ४६३ मतदारांची गणना पत्रे प्राप्त झालेली नाहीत, अशी माहिती महाडचे प्रांताधिकारी पोपट ओमासे यांनी दिली आहे.

Mira Bhayandar Fire Brigade: अग्निशमन दलाच्या मदतीला ‘फायर फायटिंग ड्रोन’; उंच इमारतींतील आगीवर नियंत्रणाचा नवा प्रयोग

यासंदर्भात अधिक माहिती देताना ओमासे यांनी सांगितले की, एकूण प्राप्त झालेल्या २ लाख ४९ हजार ९८६ गणना पत्रांपैकी १ लाख ७ हजार ८०० मतदारांनी स्वतःहून ‘सेल्फ मॅपिंग’ केले आहे. ऑफलाइन पद्धतीने २ लाख ४९ हजार ४७ गणना पत्रे प्राप्त झाली असून, त्यापैकी १ लाख २९ हजार ३३२ मतदारांचे मॅपिंग झाले आहे. ऑनलाइन पद्धतीने ९३९ गणना पत्रे प्राप्त झाली असून, अद्याप १२ हजार ८५० मतदारांचे मॅपिंग झालेले नसल्याचे त्यांनी स्पष्ट केले.  (फोटो सौजन्य – AI Created) 

• एसआयआरपूर्वी एकूण मतदार २ लाख ९५ हजार ४४९
• गणना पत्रे भरलेले मतदार २ लाख ४९ हजार ९८६
• गणना पत्रे प्राप्त न झालेले मतदार ४५ हजार ४६३
• ‘सेल्फ मॅपिंग’ केलेले मतदार १ लाख ७ हजार ८००
• ऑफलाइन पद्धतीने गणना पत्रे ९३९
• अद्याप मॅपिंग न झालेले मतदार १२ हजार ८५०
• मयत मतदार १४९
• कायमस्वरूपी स्थलांतरित मतदार २४ हजार ७४८
• दुबार मतदार ५ हजार १२२
• अनुपस्थित मतदार – १ हजार ४३२
• अन्य कारणामुळे स्वतंत्र नोंद झालेले मतदार १५२

महाड विधानसभा मतदारसंघातील मतदार यादी अद्ययावत करण्याच्या दृष्टीने या पुनर्नरीक्षण मोहिमेला विशेष महत्त्व प्राप्त झाले असून, प्रारूप मतदार यादी प्रसिद्ध झाल्यानंतर पात्र मतदारांनी आपली नावे, पत्ते व इतर तपशील तपासून आवश्यक असल्यास विहित मुदतीत दावे व हरकती दाखल कराव्यात. – पोपट ओमासे, प्रांताधिकारी

१४९ मतदार मयत असल्याचे निष्पन्न

दरम्यान, गणना पत्र प्राप्त न झालेल्या ४५ हजार ४६३ मतदारांपैकी १४९ मतदार मयत असल्याचे निष्पन्न झाले आहे. सर्वाधिक म्हणजे २४ हजार ७४८ मतदार कायमस्वरूपी स्थलांतरित झाल्याची नोंद करण्यात आली आहे. तसेच ५ हजार १२२ मतदार दुबार असल्याचे आढळून आले असून, १ हजार ४३२ मतदार अनुपस्थित आहेत. अन्य कारणांमुळे १५२ मतदारांची स्वतंत्र नोंद करण्यात आली आहे.

चाळीतून थेट चॅम्पियनशिपपर्यंत! मुंबईच्या सात खेळाडूंचा प्रेरणादायी प्रवास; भाजप प्रदेशाध्यक्ष रविंद्र चव्हाणांकडून कौतुक

असा असेल पुढील कार्यक्रमः

• प्रारूप मतदार यादी प्रसिद्ध -२४ ऑगस्ट २०२६
• दावे व हरकती दाखलची मुदत -२४ ऑगस्ट ते २३ सप्टेंबर २०२६
• प्राप्त दावे व हरकतीवर निर्णय -२४ ऑगस्ट ते २२ ऑक्टोबर २०२६
• अंतिम मतदार यादी प्रसिद्ध -२७ ऑक्टोबर २०२६

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)