मंगळवार, 10 नोव्हेंबर 2026
टोरंटसाठी सरकारच्या पायघड्या? सायडोंगरात जमीन सर्वेक्षण सुरू होताच ठाकरे गट आक्रमक!
पाली सायडोंगर परिसरात वृक्षतोड सुरू झाल्यानंतर या प्रकल्पाविरोधात राज्यभर संतापाची लाट उसळली आहे.सरकारवर चोहोबाजूंनी विरोध केला जात असून पर्यावरण प्रेमी आक्रमक झाले असून राज्यातील सताधारी राष्ट्रवादी काँग्रेस आणि सर्व विरोधी पक्ष या आंदोलनात उतरले आहेत.त्यामुळे या प्रकल्पाबाबत आता सरकार नरमाईची भूमिका घेईल असे बोलले जात आहे,पण टोरंट पॉवर कंपनी साठी पायघड्या घालण्याचे काम सरकारने सुरूच ठेवले आहे.
Torrent Project: ‘टोरंट प्रकल्प आम्हाला नको, राज्यात कुठेही न्या’; आरपीआय आठवले गटाचा विरोध
धरण परिसरातील जमीन आणि येथील वीज प्रकल्पात तयार होणारी वीज राज्यभर पोहचवण्यासाठी ट्रान्समिशन लाइन फिरवली जाणार आहे. या जमिनीचे सर्वेक्षण करण्याच्या हालचाली शासनाने सुरू केल्या आहेत.कर्जत सर्वेक्षणासाठी आलेले कामगार जमीन मोजणीची कामे करण्याचा प्रयत्न करीत असल्याची माहिती स्थानिकांनी शिवसेना ठाकरे पक्षाचे तालुका प्रमुख बाजीराव दळवी यांच्या कानावर घातली.दळवी यांनी तत्काळ सायडोंगर गाठून जमीन सर्वेक्षण साठी आलेल्या कामगारांना तेथून पिटाळून लावले.
सायडोंगर परिसरात सर्वेक्षणाचा प्रयत्न करणारे संबंधित कामगाराने आपले नाव बबलू अहिरवार (मध्य प्रदेश) असल्याचे सांगितले. दिल्लीतील एका कंपनीच्या माध्यमातून हायटेन्शन वीजवाहिनीच्या सर्वेक्षणासाठी आले होते. यावेळी बाजीराव दळवी यांच्यासह अन्य शिवसैनिक यांनी त्यांना सुनावले आणि तेथून पिटाळून लावले. वृक्षतोडीविरोधात पाठिंबा कर्जत तालुक्यातील सायडोंगर परिसरातील वृक्षतोडीचा मुद्दा चर्चेत आल्यानंतर या जंगलाच्या संरक्षणासाठी विविध राजकीय पक्षांचे नेते, पर्यावरणप्रेमी आणि सामाजिक कार्यकर्ते पुढे आले आहेत. तीन हजार मेगावॉट क्षमतेचा टोरंट पॉवरचा पंप्ड स्टोरेज जलविद्युत प्रकल्प असून, त्यासाठी सुमारे ३७० हेक्टर क्षेत्राची आवश्यकता आहे. ऑक्टोबरच्या अखेरीस वन विभागाकडून वृक्षतोड थांबवण्यात आल्याची माहिती समोर आली होती. मात्र,जमीन सर्वेक्षणाचा प्रयत्न झाल्याच्या घटनेमुळे ठाकरे सेनेचे कार्यकर्ते आणि स्थानिक शेतकरी अधिक आक्रमक झाले आहेत.
जंगलात वन कर्मचारी बंदोबस्तासाठी नेमलेले आहेत. त्यांच्या निदर्शनास सर्व्हसाठी आलेले असे कुणी आढळले नाहीत. कदाचित ते जंगलापर्यंत पोहोचले नसतील आणि त्यामुळे वन विभागाच्या कर्मचाऱ्यांना दिसले नाहीत, अशी माहिती कर्जत पूर्व विभाग वनक्षेत्रपाल समीर शिंदे यांनी दिली.
सायडोंगर परिसराची पाहणी करून परतत असताना दोन कर्मचारी सर्वेक्षणाचे साहित्य घेऊन जाताना दिसले. चौकशी केली असता या भागातून हायटेन्शन वीजवाहिनी जाणार असून, त्यासाठी सर्वेक्षण करीत असल्याचे त्यांनी सांगितले. सध्या या परिसरातील वृक्षतोड थांबवण्यात आली असून, प्रकल्पाबाबत कोणताही अधिकृत निर्णय झालेला नाही. त्यामुळे परिस्थितीचे गांभीर्य लक्षात घेऊन आम्ही त्यांना सर्वेक्षण करण्यास मज्जाव केला, अशी माहिती तालुका प्रमुख शिवसेना ठाकरे पक्ष बाजीराव दळवी यांनी दिली.
Ans: सायडोंगर परिसरात टोरंट कंपनीच्या वीजवाहिनीच्या कामासाठी जमीन सर्वेक्षण सुरू करण्यात आले आहे.
Ans: ठाकरे गटाच्या शिवसैनिकांनी या कामाला विरोध दर्शवला आहे.
Ans: सर्वेक्षणासाठी आलेल्या वीजवाहिनीच्या कामगारांना ठाकरे गटाच्या कार्यकर्त्यांनी विरोध करत माघारी पाठवले.
