Raigad News: महाडमध्ये पाणीटंचाईची चाहूल; 20 गावे, 132 वाड्यांना टँकरने पाणीपुरवठ्याचा प्रस्ता

महाड तालुक्यात मार्च अखेरीस पाणीटंचाईची समस्या अधिक तीव्र होत असल्याचे पाहायला मिळत आहे. याच पार्श्वभूमीवर 20 गावे आणि 132 वाड्यांना टँकरने पाणीपुरवठा करण्याचा प्रस्ताव जिल्हा परिषदेकडे पाठवण्यात आला आहे.

• महाड तालुक्यात पाणीटंचाई तीव्र; 20 गावे आणि 132 वाड्यांना टँकरने पाणीपुरवठा करावा लागणार
• मार्चअखेरच महाडमध्ये पाणी संकट; 39 लाखांच्या खर्चाचा कृती आराखडा तयार
• महाड तालुक्यात पाणीटंचाई वाढली; टँकर, विंधन विहिरी आणि विहिरी खोल करण्याचा आराखडा

महाड: महाड तालुक्यात मार्च महिन्याच्या शेवटच्या आठवड्यात पाणीटंचाईची समस्या जाणवू लागली असून २० गाव आणि १३२ वाड्यांमध्ये टँकरने पाणीपुरवठा करावा लागणार असल्याचा प्रस्ताव पंचायत समितीकडून जिल्हा परिषदेला पाठवण्यात आला आहे. गतवर्षी महाड तालुक्यात ११ गावे आणि ११६ वाड्या अशा एकूण १२७ ठिकाणी पाणीटंचाईची समस्या भेडसावली होती. महाड पंचायत समिती मार्फत ९ टँकरच्या माध्यमातून ९ एप्रिल ते २० मे पर्यंत टँकरने पाणीपुरवठा करण्यात आला होता. यावर्षी टंचाईग्रस्त गावांची संख्या जास्त असून यात आणखी वाढ होण्याची शक्यता आहे.

बाजारात गव्हाचे दर घसरले! आखाती युद्धाचा परिणाम; क्विंटलमागे ६०० रुपयांचा बसतोय फटका

महाड पंचायत समितीकडून तालुक्यातील गावांना जानेवारी ते मार्च आणि त्यानंतरच्या एप्रिल, मे, जून महिन्यात पाणीटंचाईची समस्या भेडसावणार आहे, त्या गावांची पाहणी करून संभाव्य पाणी टंचाईवर मात करण्यासाठी नवीन विंधन विहिरी मारणं, जुन्या विंधन विहीरींची दुरूस्ती, सार्वजनिक विहिरी खोल करणे आणि टँकरने पाणीपुरवठा करण्यासाठी येणाऱ्या अंदाजित खर्चाचा आराखडा जिल्हा परिषदेला सादर करण्यात आला आहे. या टंचाई कृती आराखड्‌यानुसार जानेवारी ते मार्च २०२६ अखेर २० गावे आणि १३२ वाड्यांना टँकरने पाणीपुरवठा करावा लागणार असून त्यासाठी अंदाजे ३९ लाख ४० हजार खर्च अपेक्षित आहे. या गावातील १३२ वाड्यांचा समावेश आहे. (फोटो सौजन्य – Pinterest) 

याखेरीज खैरे त. तुडील, आदिस्ते खैरे, बेबलघर खैरे, तेलगे खैरे, कुबळे खैरे, वराठी खैरे या गावाची नळ पाणी पुरवठा योजना दुरुस्तीसाठी ३० लाख खर्च अपेक्षित आहे. वीर व दासगांव आणि दासगाव भोई वाडी, दासगाव परिटवाडी, दासगांव पेटकर वाडी, दासगांव जाधव वाडी, वीर भवानी वाडी, राजीवली वैभववाडी, राजीवली जंगमवाडी रेवतळे बौद्धवाडी, नरवण आदिवासी वाडी, गोंडाळे झांजेकॉड, वारंगी सुतार कोंड, कुसगांव गारपाटले, ताम्हाणे धनगरवाडी, चिभावे सुतार कौड येथे नवीन विंधन विहीर मारण्यासाठी १४ लाख ४० हजार खर्च अपेक्षित आहे. तर कुंभे शिवथर व कोझर आणि ६ वाड्या येथे विंधन विहीर दुरुस्ती साठी २ लाख ४० हजार खर्च अपेक्षित आहे.

मुंबई उपनगरीय Railway तील सुरक्षेचा प्रश्न ऐरणीवर; तातडीच्या उपाययोजनांची खा. संजय दिना पाटील यांची मागणी

सार्वजनिक विहीरी खोल करण्यासाठी अंदाजे २१ लाख खर्च

वाकी बु., रानवडी खुर्द, आडी, डोंगरोळी, कोथुर्डे, तळीये, ताम्हाणे, कुभार्ड ही ८ गावे, वाकी बुद्रुक सोमजाई मंदिर, रानवडी खुर्द, कोथुर्डे कदमकोडा, मांडळे पारवाड़ी आदिवासीवाडी, पाचाड कुंभार बाव, निजामपूर हिरकणी वाडी, तळोशी कालकाई कोड, वारंगी, गौडाळे गौळवाडी, पिंपळकोंड गाणीची विहिर दासगाव बामणेकोड, दासगाव भैरी मंदिरा जवळ या १३ वाडयांमधील सार्वजनिक विहीरी खोल करण्यासाठी २१ लाख खर्च अपेक्षित आहे.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचार्‍यांनी संपादित केलेले नाही.