Raj Thackeray's meeting near Sarasbagh on May 10 to campaign for BJP Grand Alliance candidate Muralidhar Mohol
पुणे : पुणे लोकसभा मतदारसंघातील भाजप महायुतीचे उमेदवार मुरलीधर मोहोळ यांच्या प्रचारार्थ मनसेचे अध्यक्ष राज ठाकरे यांची सभा होणार आहे. सारसबाग येथील सणस ग्राऊंड शेजारील मुख्य रस्त्यावर संध्याकाळी सहा वाजता ही सभा होईल, अशी माहिती मनसे चे नेते बाळा नांदगावकर यांनी पत्रकार परिषदेत दिली.
मनसेच्या नवी पेठेतील कार्यालयात
मनसेच्या नवी पेठेतील कार्यालयात झालेल्या पत्रकार परिषदेस मनसेचे नेते नितीन सरदेसाई, भाजपचे प्रदेश उपाध्यक्ष राजेश पांडे, मनसेचे बाळा शेडगे, ऍड. किशोर शिंदे, गणेश सातपुते, साईनाथ बाबर, हेमंत संभुस या मनसे पदाधिकाऱ्यांसह भाजपचे पदाधिकारी उपस्थित होते.
मुरलीधर मोहोळ यांच्यासाठी सभा
नांदगावकर म्हणाले, की मनसे ने महायुतीला बिनशर्त पाठिंबा दिला आहे. महायुतीच्या नेत्यांकडून ज्याठिकाणी मागणी केली जात आहे, त्याठिकाणी राज ठाकरे सभा घेत आहेत. पुण्यातही राज ठाकरे यांना मानणारा मोठा वर्ग आहे. येथील भाजपकडून ठाकरे यांना भाजप महायुतीचे उमेदवार मुरलीधर मोहोळ यांच्यासाठी सभा घेण्याची विनंती करण्यात आली. ही सभा होत आहे. सभा रस्त्याच्या अर्ध्या भागात होत असून हा मार्ग एकेरी असल्याने वाहतूक कोंडी होणार नाही असा दावा नांदगावकर यांनी यावेळी केला.
पुणे आणि मुंबईत ही सभा घेण्याची मागणी
राज ठाकरे यांची कोकणात एक सभा झाली आहे. पुणे आणि मुंबईत ही सभा घेण्याची मागणी महायुतीच्या वतीने करण्यात आली आहे. त्यानुसार ठाणे व मुंबईत तीन सभा होत आहेत. 17 मे रोजी मुंबईतील शिवाजी पार्कवर पंतप्रधान नरेंद्र मोदी यांची सभा होणार आहे. राज ठाकरे या सभेस उपस्थित राहणार असून संबोधित करणार असल्याची माहिती नांदगावकर यांनी दिली. प्रास्ताविक भाजपचे प्रवक्ते संदीप खर्डेकर यांनी केले.
.png "Videos"){kind=small}
