पुण्याच्या ARAPL ची अमेरिकेत मोठी झेप; जगातील पहिल्या १३ रोबोटिक्स कंपन्यांमध्ये स्थान

पुणेस्थित Affordable Robotic and Automation Limited (ARAPL) या भारतातील पहिल्या सूचीबद्ध रोबोटिक्स कंपनीच्या उपकंपनीला जागतिक स्तरावर मोठे यश मिळाले आहे.

• पुण्याच्या ARAPL ची अमेरिकेत मोठी झेप
• जगातील पहिल्या १३ रोबोटिक्स कंपन्यांमध्ये स्थान
• १५० अब्ज डॉलरच्या अमेरिकन बाजारपेठेत प्रवेशाची संधी

पुणे : पुणेस्थित Affordable Robotic and Automation Limited (ARAPL) या भारतातील पहिल्या सूचीबद्ध रोबोटिक्स कंपनीच्या उपकंपनीला जागतिक स्तरावर मोठे यश मिळाले आहे. ARAPL RaaS Private Limited (Humro) ला अमेरिकेच्या Department of War (DoW) कडून सशर्त मंजुरी मिळाली आहे. फेडरल कम्युनिकेशन्स कमिशनने (FCC) ३० ऑक्टोबर २०२६ रोजी या मंजुरीची घोषणा केली. या यशामुळे Humro चा जगातील पहिल्या १३ मंजुरी मिळवणाऱ्या रोबोटिक्स कंपन्यांमध्ये समावेश झाला असून, ही मंजुरी मिळवणारी ती एकमेव भारतीय कंपनी ठरली आहे.

 

या मंजुरीमध्ये कंपनीच्या Maia2000 स्वयंचलित पॅलेट ट्रक्सच्या V1, V3 आणि V4 मॉडेल्ससह Atlas AC2000 स्वयंचलित फोर्कलिफ्ट्सच्या V1, V2 आणि V4 मॉडेल्सचा समावेश आहे. या उत्पादनांना FCC च्या Covered List अंतर्गत असलेल्या निर्बंधांमधून सशर्त सूट मिळाली आहे.

अमेरिकेतील स्वयंचलित मटेरियल हँडलिंग बाजारपेठ सुमारे १५० अब्ज डॉलरची असल्याचा कंपनीचा अंदाज आहे. या मंजुरीमुळे Humro ला अमेरिकेत व्यवसाय विस्तारण्याची तसेच संभाव्य सरकारी खरेदी प्रक्रियेत सहभागी होण्याची संधी उपलब्ध झाली आहे. मात्र, त्यासाठी Buy American Act आणि इतर नियामक अटींची पूर्तता आवश्यक राहणार आहे.

हे सुद्धा वाचा : अजित पवारांचा जनसेवेचा वारसा पुढे चालवणार; जनतेच्या प्रश्नांसाठी सदैव कार्यरत राहणार, सुनेत्रा पवार यांची ग्वाही

Humro चे सहसंस्थापक आणि मुख्य कार्यकारी अधिकारी रॉबिन्सन फिलिपोज यांनी या मंजुरीला कंपनीच्या तांत्रिक क्षमतेची पावती म्हटले आहे. पुढील दोन वर्षांत टप्प्याटप्प्याने अमेरिकेत उत्पादन सुरू करण्याची कंपनीची योजना असून, स्थानिक भागीदारांचाही शोध सुरू आहे. दरम्यान, ARAPL Group चे संस्थापक मेलिंड पाडोले यांच्या माहितीनुसार, कंपनी Vision-Language-Action मॉडेल्स आणि Reinforcement Learning तंत्रज्ञानावर आधारित पुढील पिढीतील रोबोट विकसित करत आहे. या तंत्रज्ञानामुळे रोबोट्सना सूचना समजून घेणे, परिस्थितीनुसार निर्णय घेणे आणि अनुभवातून शिकणे शक्य होणार आहे. वेअरहाऊस, औद्योगिक उत्पादन आणि लॉजिस्टिक्स क्षेत्रातील वाढत्या ऑटोमेशनच्या पार्श्वभूमीवर ARAPL चे हे यश भारतीय रोबोटिक्स उद्योगासाठी महत्त्वपूर्ण मानले जात आहे.

हे सुद्धा वाचा : ACB च्या कारवाईनंतर आयुक्तांचा दणका; पिंपरी-चिंचवड महापालिकेचे मुख्य अभियंता प्रमोद ओभासे निलंबित