राजेश अग्रवाल असणार राज्याचे नवे मुख्य सचिव; 1 डिसेंबरपासून सांभाळणार पदभार
मुंबई : महाराष्ट्र राज्याचे सध्याचे मुख्य सचिव राजेशकुमार मीना हे ३० नोव्हेंबर रोजी सेवानिवृत्त होणार आहेत. आता त्यांच्याजागी राजेश अग्रवाल हे असणार आहेत. अग्रवाल हे राज्याच्या मुख्य सचिवपदाची जबाबदारी मीना यांच्याकडून स्वीकारणार आहेत. १ डिसेंबरपासून राजेश अग्रवाल यांची नियुक्ती करण्यात आली आहे. अग्रवाल यांचा कार्यकाळ १५ महिन्यांचा असणार आहे.
राजेश अग्रवाल हे १९८९ बॅचचे आयएएस अधिकारी आहेत. त्यांच्याकडे या आधी केंद्र सरकारच्या दिव्यांग खात्याच्या सचिवपदाची जबाबदारी होती. या आधी ३० जून २०२५ रोजी राजेशकुमार मीना यांची महाराष्ट्राच्या मुख्य सचिवपदी नियुक्ती करण्यात आली होती. त्यांचा कार्यकाळ ३० नोव्हेंबर रोजी संपणार आहे. त्यांनी आयआयटी दिल्ली येथून कॉम्प्युटर सायन्समधून बी टेक ही पदवी घेतली आहे. अकोला आणि जळगाव येथे जिल्हाधिकारी, बृहन्मुंबई महानगरपालिकेत उपायुक्त, महाराष्ट्र वित्त आणि आयटी विभागांमध्ये प्रमुख भूमिका, केंद्रात आधार, जनधन, डिजीलॉकर आणि सामाजिक न्याय उपक्रमांवर त्यांनी काम केले आहे.
हेदेखील वाचा : IIT बॉम्बेचे नाव बदलणार, मुख्यमंत्री देवेंद्र फडणवीस यांचे मोठे विधान, जाणून घ्या काय म्हणाले?
डिजिटल प्रशासकीय कौशल्य आणि सुधारणा-केंद्रित नेतृत्वासाठी राजेश अग्रवाल ओळखले जातात. महाराष्ट्र सरकारने राजेश अग्रवाल यांची प्रशासकीय नवोन्मेष, उत्कृष्टता आणि सुशासनासाठी अतिरिक्त मुख्य सचिव (एसीएस) म्हणून यापूर्वी नियुक्ती केली होती. राज्य सरकारच्या विनंतीवरून केंद्र सरकारने मागील काही महिन्यात अग्रवाल यांना महाराष्ट्रात परत पाठवले होते, अशा वेळी ही नियुक्ती करण्यात आली आहे.
अग्रवाल हे 1989 बॅचचे IAS अधिकारी
१९८९ च्या बॅचचे आयएएस अधिकारी अग्रवाल हे राज्यातील सर्वात वरिष्ठ अधिकाऱ्यांपैकी एक आहेत. ३० नोव्हेंबर रोजी विद्यमान मुख्य सचिव (सीएस) राजेश कुमार मीना यांचा कार्यकाळ संपल्यानंतर ते मुख्य सचिवपदावर जाणार आहेत. यापूर्वी, अग्रवाल केंद्र सरकारच्या सामाजिक न्याय आणि सक्षमीकरण मंत्रालयात अपंग व्यक्तींच्या सक्षमीकरण विभागात सचिव म्हणून काम करत होते.
हेदेखील वाचा : कल्याण-डोंबिवलीच्या विकासाला गती! १८० कोटींच्या निधीतून डोंबिवलीत आंतरराष्ट्रीय दर्जाचे ‘क्रीडा संकुल’ साकारणार
.png "Videos"){kind=small}
