Nanded News : घर विकत घेण्याच्या स्वप्नांना लावलं कुलूप? प्रॉपर्टीचे खरेदीदार कमी, दलाल जास्त

स्थानिक भागात प्लॉट विक्रीसाठी मोठ्या प्रमाणावर जाहिराती, ऑनलाइन पोर्टल्स आणि सोशल मीडियाचा वापर केला जात आहे. तरीही खरेदीदारांकडून प्रतिसाद कमी मिळत आहे.

Nanded News : नांदेड : शहर आणि उपनगरांमध्ये प्लॉट विक्रीचा बाजार सध्या मंदावल्याचे चित्र दिसून येत आहे. ‘प्लॉट विकायचा म्हटलं की घेणारे कमी, आणि ब्रोकर लोक जास्त’ अशी भावना अनेक विक्रेत्यांमध्ये व्यक्त होत आहे. गेल्या काही वर्षात जमिनींचे दर मोठ्या प्रमाणात वाढले असले, तरी प्रत्यक्ष व्यवहार मात्र अपेक्षेइतके होत नसल्याचे समोर आले आहे. स्थानिक भागात प्लॉट विक्रीसाठी मोठ्या प्रमाणावर जाहिराती, ऑनलाइन पोर्टल्स आणि सोशल मीडियाचा वापर केला जात आहे. तरीही खरेदीदारांकडून प्रतिसाद कमी मिळत असल्याची तक्रार विक्रेत्यांकडून होत आहे.

याउलट, ब्रोकरांची संख्या मात्र दिवसेंदिवस वाढत असून, प्रत्येक व्यवहारामध्ये अनेक मध्यस्थी सहभागी होत आहेत. दरवाढीचा परिणाम खरेदीवर रिअल इस्टेट क्षेत्रात गेल्या काही वर्षांत दरात झालेली झपाट्याने वाढ ही खरेदीदारांसाठी अडचणीची ठरत आहे. मध्यमवर्गीय नागरिकांना परवडणारे प्लॉट कमी होत चालले असून, त्यामुळे गुंतवणूकदारांचा कलही कमी झाल्याचे दिसून येते. अनेक ठिकाणी प्लॉटचे दर बाजारमूल्य पेक्षा जास्त असल्याची चर्चा आहे.

हे देखील वाचा : राष्ट्रवादीने दिला शिवसेनेला चेकमेट; नांदेडमध्ये राजकारण तापण्याची चिन्हे लागली दिसू

रिअल इस्टेटमध्ये पारदर्शकतेचा अभाव

ब्रोकरांची वाढती गर्दी प्लॉट व्यवहारात दलालांची (ब्रोकर) संख्या लक्षणीयरीत्या वाढली आहे. अनेक नवखे लोकही या क्षेत्रात उतरले असून, काही वेळा योग्य माहितीचा अभाव, कागदपत्रांची अपुरी तपासणी आणि व्यवहारातील पारदर्शकतेचा अभाव यामुळे खरेदीदार गोंधळात पडतात. परिणामी, व्यवहार पुढे सरकत नाहीत. खरेदीदारांचा विश्वास कमी रिअल इस्टेट व्यवहारांमध्ये फसवणूक, डुप्लिकेट कागदपत्रे, एनए। नॉन एनए वाद यांसारख्या समस्यांमुळे खरेदीदार अधिक सावध झाले आहेत. प्लॉट खरेदी करण्यापूर्वी ते अनेक स्तरांवर पडताळणी करत असल्याने व्यवहार पूर्ण होण्यासाठी अधिक वेळ लागत आहे. ऑनलाइन प्लॅटफॉर्मचा प्रभाव सध्या अनेक प्लॉट विक्रेते थेट ऑनलाइन माध्यमातून ग्राहकांपर्यंत पोहोचण्याचा प्रयत्न करत आहेत. त्यामुळे पारंपरिक ब्रोकरांची भूमिका काही प्रमाणात कमी होत असली, तरी प्रत्यक्षात मात्र ब्रोकरांचे नेटवर्क अजूनही मजबूत असल्याचे दिसते.

हे देखील वाचा : ‘स्थायी’च्या सभापतीपदी विरेंद्रसिंघ गाडीवाले यांची निवड; एकही अर्ज न आल्याने बिनविरोध निवड

तज्ज्ञांचे मत : मध्यस्थांची संख्या कमी हवी

रिअल इस्टेट तज्ज्ञांच्या मते, बाजारात स्थैर्य येण्यासाठी प्लॉटचे दर वास्तववादी ठेवणे, कागदपत्रे पारदर्शक ठेवणे आणि अनावश्यक मध्यस्थ कमी करणे गरजेचे आहे. तसेच स्थानिक प्रशासनानेही नियोजनबद्ध विकास, रस्ते, पाणी, वीज यांसारख्या सुविधा उपलब्ध करून दिल्यास खरेदीदारांचा विश्वास वाढू शकतो. एकूणच, प्लॉट विक्रीच्या बाजारात सध्या खरेदीदारांची कमतरता आणि ब्रोकरांची वाढलेली संख्या हा विरोधाभास स्पष्टपणे जाणवती, परिस्थिती सुधारण्यासाठी विक्रेते, खरेदीदार आणि प्रशासन यांच्यात समन्वय