भिवंडीच्या १४ गावांतील शेतकऱ्यांना बुलेट ट्रेनच्या धर्तीवर मोबदला मिळणार; महसूलमंत्र्यांचे प्रस्ताव तयार करण्याचे आदेश

राजकीय बातम्या वाचण्यासाठी क्लिक करा 

शेतकऱ्यांना ९० टक्के मोबदला

विरार-अलिबाग कॉरिडॉरसाठी संपादीत करण्यात आलेल्या अंजुर, दिवेअंजुर आणि आलिमघर येथील काही सर्व्हे क्रमांकावर भूदान समितीच्या नावे नोंद होती. मात्र, ती जमीन वर्षानुवर्षे शेतकऱ्यांच्या ताब्यात होती. भूदान कायद्याप्रमाणे प्रदान केलेल्या जमिनीसाठी राज्य सरकारला ४० टक्के व जमीनधारक शेतकऱ्यांना ६० टक्के लाभ मिळणार होता. त्याला शेतकऱ्यांचा विरोध होता. संबंधित शेतकऱ्यांना ९० टक्के व राज्य सरकारला १० टक्के मोबदला देण्याची शेतकऱ्यांची मागणी होती. या मागणीसंदर्भात मुख्यमंत्री देवेंद्र फडणवीस यांनाही निवेदन देण्यात आले होते. या विषयासंदर्भात मंत्रालयातील बैठकीत शेतकऱ्यांना ९० टक्के व राज्य सरकारला १० टक्के मोबदला देण्याची मागणी महसूल मंत्र्यांनी मान्य केली. तसेच या संदर्भात योग्य कार्यवाही करण्याचे निर्देश दिले.

महाराष्ट्रसंबंधित बातम्या वाचण्यासाठी क्लिक करा

बुलेट ट्रेनच्या धर्तीवर मोबदल्यासाठी प्रस्ताव

विरार-अलिबाग कॉरिडॉरसाठी भिवंडी तालुक्यातील अंजुर, दिवे अंजुर, आलिमघर, भरोडी, केवणी, कशेळी, काल्हेर, कोपर, डुंगे, वडुनवघर, खारबाव, मालोडी, पाये, पायगाव या १४ गावांतील जमीन संपादीत करण्यात आली. संबंधित गावातील जमीन संपादीत करताना एकाच गावातील जमिनीला गुणांक १ व गुणांक २ नुसार वेगवेगळे दर निश्चित करण्यात आले होते. त्यामुळे शेतकऱ्यांमध्ये नाराजी होती. बुलेट ट्रेनसाठी भिवंडी तालुक्यातील जमीन संपादीत करताना गुणांक २ नुसार दर देण्यात आला. त्याचधर्तीवर विरार-अलिबाग कॉरिडॉरसाठीही गुणांक २ नुसार दर निश्चित करण्याची शेतकऱ्यांची मागणी होती. महसूल मंत्री चंद्रशेखरजी बावनकुळे यांनी शेतकऱ्यांची मागणी मान्य केली. तसेच जिल्हाधिकारी श्रीकृष्ण पांचाळ यांना बुलेट ट्रेनच्या धर्तीवर मोबदला देण्यासाठी प्रस्ताव तयार करुन `एमएसआरडीसी’कडे पाठविण्याचे निर्देश दिले.

संबंधित बातम्या