Karad News : सह्याद्री कारखान्याच्या बॉयलरचा भीषण स्फोट; टेस्टींग दरम्यान दुर्घटना, कर्मचारी गंभीर जखमी

Sahyadri Sugar Factory ESP boiler testing explosion : सह्याद्री सहकारी साखर कारखान्यात भीषण घटना घडली आहे. यामध्ये ईएसपी बॉयलरचा टेस्टींग करताना भीषण स्फोट झाल्याने कर्मचारी गंभीर जखमी झाले आहेत.

कराड :  यशवंतनगर (ता. कराड) येथील सह्याद्री सहकारी साखर कारखान्यात ईएसपी बॉयलरचा टेस्टींग करताना भीषण स्फोट झाला. या घटनेमुळे सर्वांना मोठा धक्का बसला. सदर घटना ही गुरुवारी (दि. 20) रोजी सकाळी 10.30 वाजण्याच्या सुमारास घडली. या दुर्घटनेमध्ये तीन ते चार कर्मचारी गंभीर जखमी झाले आहेत. त्यांना तात्काळ उपचारासाठी खाजगी रुग्णालयात दाखल करण्यात आले आहे.

शैलेश भारती (वय ३२) रा. उत्तर प्रदेश, अमित कुमार (वय १९) रा. बिहार, धर्मपाल (वय १९) रा. उत्तर प्रदेश अशी जखमी झालेल्यांची नावे आहेत.

महाराष्ट्रसंबंधित बातम्या वाचण्यासाठी क्लिक करा

याबाबत घटनास्थळावरून मिळालेली माहिती अशी, यशवंतनगर (ता. कराड) येथील सह्याद्रि सहकारी साखर कारखान्यात ऊसाचे गाळप सुरु आहे. दरम्यान, मागील पंधरा दिवसांपूर्वी ईएसपी बॉयलर कारखान्यात बसविण्यात आला असून त्याचे आठ दिवसांपासून टेस्टींग सुरु आहे. गुरुवार (दि. 20) रोजी सकाळी 10.30 वाजण्याच्या सुमारास कारखान्याच्या बॉयलरचे टेस्टींग सुरु होते. यावेळीच बॉयलरचा मोठा स्फोट झाला. त्या दुर्घटनेत टेस्टींगचे काम करणारे तीन ते चार कर्मचारी गंभीररित्या जखमी झाले. जखमींना तात्काळ उपचारासाठी खाजगी रुग्णालयात दाखल करण्यात आले आहे.

बातमी अपडेट होत आहे.